InfoHub Logo

ەل اراسىندا ءقاراتوس اتانعان ايماعامبەت دەگەن اتاقتى دومبىراشى بولىپتى. ءقاراتوستىڭ جاسى قازانعاپتان ۇلكەن ەكەن. قازانعاپ قاراتوسپەن كەزدەسىپ، كۇي تارتىسادى. ءبىراق ءبىرىن-بىرى جەڭە المايدى. قازانعاپتىڭ دومبىراشىلىق ونەرىن كورگەن ءقاراتوس وعان:

— مەن اۋىلدا دومبىراشى ءقاراتوس اتانعان ەدىم، ەندى سەنى كورىپ، ءىزىمدى باسار ءىنى بارىنا قۋانىپ وتىرمىن. سەن ءالى جاسسىڭ، تالابىڭ الدا. مەنەن كەيىن سەنى كورگەن ادامدار «مىناۋ ەكىنشى ءقاراتوس» ەكەن دەيتىنى انىق. مەن ساعان شىن نيەتتەن باتامدى بەردىم، ونەرىڭ ورلەپ، وسە بەرسىن، — دەپ ريزا بولىپتى.

ءقاراتوستىڭ ونەرىن باعالاعانىنا، اعالىق تىلەگىنە رازى بولعان قازانعاپ سول جەردە ءبىر كۇي تارتىپ، «اتىن ءوزىڭىز قويىڭىز» دەپ قاراتوسكە قولقا سالىپتى. سوندا ول از ويلانىپ:

— «ءىزىڭدى باسار ءىنى بولسا، ەڭبەگىڭنىڭ جانعانى» دەگەن ەكەن بۇرىنعىلار. بۇل كۇيدىڭ اتى «كىشى ءقاراتوس» بولسىن، — دەيدى.

— ال، جارايدى، بۇل تارتقانىم «كىشى ءقاراتوس» بولسا، مىنا كۇيدىڭ اتى «ۇلكەن ءقاراتوس» بولسىن، — دەپ قازانعاپ قاراتوسكە ارناپ كۇي تارتادى. ءىنىسىنىڭ مۇنداي قۇرمەتىنە اسا رازى بولعان ءقاراتوس دومبىراسىن جاس كۇيشىگە سىيلاپتى.

---