كوك ءشوپتىڭ پايداسى
كۇنىمىزدە اسىرەسە جاس بۋىن اراسىندا فاست فۋد (دايىن ازىق) اۋەستىگى كوبەيگەلى، دەنساۋلىقتىڭ جانە جۇيەلى قورەكتەنۋدىڭ نەگىزى بولعان كوكونىس تۇتىنىمى ازايىپ جاتقانى بايقالۋدا. سول سەبەپتى كوكونىس، ياعني كوك ءشوپ تۇتىنۋدىڭ پايداسى ساۋلىعىمىز ءۇشىن قانشالىقتى ماڭىزدى ەكەنىنە قىسقاشا شولۋ جاساماقپىز. ماسەلەن بالدىركوكتىڭ ادامدى جايلاندىراتىنىن بىلەتىن بە ەدىڭىز؟..
بالدىركوك (سەلدەرەي): تامىرى دا، جاپىراقتارى دا تۇتىنۋعا جارامدى كوكونىس. قۇرامىنداعى ا، ۆ، رر، س، ك دارۋمەندەرى مەن فەرۋم، كاليي، كالسيي، ماگنيي، فوسفور مينەرالدارى ارقىلى دەنساۋلىققا وتە پايدالى. سونداي-اق، بۇل وسىمدىك قىشقىلدار مەن ەفير مايلارىن قامتيدى. بۇلار ارقىلى سترەس پەن جۇيكە كۇيزەلىسىن باسۋعا سەپتىگىن تيگىزەدى. ءزار جۇرگىزۋگە، شەكەر دەڭگەيى مەن قان قىسىمىن رەتتەۋگە كومەكشى اسەرى بار. بالدىركوكتى اسىرەسە قىس مەزگىلىندە كوبىرەك تۇتىنۋعا كەڭەس بەرىلەدى.
اسكوك (ۋكروپ): ءارتۇرلى تاعامداردا دامدەۋىش رەتىندە قوسىلاتىن شوپتەردىڭ ءبىرى. قۇرامى ماگنيي، فەرۋم، كالسيي، مارگانەس سەكىلدى مينەرالدار مەن ا جانە س ۆيتاميندەرىنە قانىق كەلەدى. ءبىرشاما اۋرۋلارعا قارسى اسەرى بار اسكوك يممۋنيتەتتى نىعايتۋعا كومەكشى بولىپ تابىلادى. اۋىز ءيىسىن كەتىرۋ، ءىشتىڭ جەلدەنۋىنىڭ الدىن الۋ تۇرعىسىنان جانە تالشىق مولشەرىنىڭ كوپتىگى ارقىلى دا اس قورىتۋ جۇيەسىنە پايدالى بولىپ تابىلادى. عىلىمي زەرتتەۋلەر ناتيجەسىندە اسكوك تۇتىنۋ تريگليسەريد دەڭگەيىن 50%، حولەستەرين دەڭگەيىن 20% ازايتاتىندىعى انىقتالعان.
اقجەلكەن (پەترۋشكا): يممۋنيتەتتى كۇشەيتۋشى، جۇرەك اۋرۋلارىمەن قاتەرلى ىسىكتەن قورعان، ءتىس جانە ءتىس ەتى اۋرۋلارىنىڭ الدىن الۋشى، ءزار ايداۋشى جانە تالشىق مولشەرىنىڭ كوپتىگى ارقىلى دەنساۋلىققا وتە پايدالى وسىمدىك. سالاتتار مەن تاعامدارعا ءدام قاتۋشى رەتىندە قولدانىلاتىن اقجەلكەن ا، س، ە جانە ك دارۋمەندەرى مەن ۆ9 دارۋمەنى، ياعني فوليي قىشقىلىنىڭ قاينار كوزى. سونداي-اق كاليي، فەرۋم مينەرالدارى تۇرعىسىنان قانىق بولىپ تابىلادى.
قىمىزدىق (ششاۆەل): – قۇرامىندا مينەرالدى تۇزدار، ورگانيكالىق قىشقىلدار (الما، ليمون)، اقۋىزدار، فلاۆونويدتەر، قانتتار، كاروتين، ءدۋبيلدى زاتتار، كالسيي، كاليي، ماگنيي، تەمىر، B1، ۆ2، س، ك، PP دارۋمەندەرى بار. بۇل اسقورىتۋ، باۋىر مەن ءوت قابىنىڭ قىزمەتىن جاقسارتاتىن، جارانى جازاتىن، قان كەتۋدى توقتاتىن دارۋمەندى جانە ەمدىك وسىمدىك. ول قان ازدىقتا، جۇرەك قان تامىر اۋرۋلارىندا، اللەرگياعا قارسى قۇرال رەتىندە تەرىدەگى ءارتۇرلى بورتپەلەر مەن قىشىمالاردا دا پايدالى. قىمىزدىقتىڭ جاپىراقتارى مەن جەمىستەرى بىرىستىرعىش جانە اۋرۋدى باساتىن، جاپىراقتارى جارانى جازاتىن، انتيتوكسيندىك، قابىنۋعا قارسى قاسيەتكە يە.
كينزا: بالعىن كينزا كوكونىس سالاتتارىنا تاماشا قوسپا بولىپ تابىلادى. ونى كەپتىرىپ، دامدەۋىش، قوسپا تۇرىندە دە پايدالانادى. كينزا B1، B2، C، P، ە دارۋمەندەرىنە، ناتريي، يود، كالسيي، كاليي، فوسفور مينەرالدارىنا باي. كونە زاماننان بەرى مەديسينا سالاسىندا پايدالانىلىپ كەلەدى. ەجەلگى ريمدىكتەر تابەتتى اشۋدا، اسقازاننىڭ جۇمىس ىستەۋ قابىلەتىن جاقسارتۋدا قولدانعان. كينزا جۇرەك-قان تامىرلارىنىڭ جۇمىسىن جاقسارتۋدا، ۇيقىسىزدىق، دەپرەسسيا، تاماق، باس اۋرۋلارىنا وتە پايدالى. ەمشىلەر كينزانىڭ تەرى قاباتى مەن كوزدىڭ كورۋ قابىلەتىنە دە جاعىمدى اسەر بەرەتىنىن بايقاعان.
وقۋعا كەڭەس بەرەمىز:
قاتەرلى ىسىكتىڭ الدىن الۋشى — ءجۇزىم
قىس مەزگىلىندەگى ەڭ پايدالى جەمىستەر
مىندەتتى تۇردە ءدامىن تاتىپ كورۋگە تۇرارلىق 5 ءتۇرلى جەمىس جيدەك سالاتتارى
You Might Also Like
-
...تاعى دا تاڭ اتتى. ول بۇگىن دە اۋىرىپ جاتىر. قوزعالسا، باسى دىڭىلداپ قويا بەرەدى. قانتالاپ كەتكەن كوزىن اشتى، بولمەنىڭ جارىعىنان با، الدە مىناداي كۇيگە تۇسكەنىنەن جاسقاندى ما، قايتا جۇمىپ الدى. ءبۇ...
-
ەرتەدە ءبىر ادام ءومىر ءسۇرىپتى. ول وساكا قالاسىن ارالاپ جۇمىس ىزدەيدى. تولىق ءاتى-جونى بەلگىسىز، ءبىراق اۋىلدان قالاعا قىزمەتكە تۇرۋ ءۇشىن كەلگەن سوڭ ونى ەلدىڭ بارلىعى جاي عانا گونسكە اتاپ كەتكەن.
