كوپ-كوپ سۋ ءىشۋ كەرەك
كۇنىنە كەمىندە 2 ل سۋ ءىشۋ كەرەك دەگەندەي سوزدەردى ءجيى-جيى ەستيمىز. ميدان باستاپ اسقازانعا دەيىن دەنەدەگى بۇكىل مۇشەلەردىڭ سۋ قاجەتتىلىگى بار. سوندىقتان مول سۋ ءىشىپ دەنەدەگى سۋ جەتىسپەۋشىلىگىنىڭ الدىن الۋ كەرەك. كافەينسىز كوفە، شاي نەمەسە شەكەرسىز تابيعي سۋسىندار، سۋمەن ارالاسقان جەمىس شىرىندارى جانە باسىم بولىگى سۋدان تۇراتىن قاربىز سياقتى ونىمدەر دە قۇرامىندا كاربونگيدرات نەمەسە تۇز مولشەرى كوپ بولماسا سۋ ورنىنا وتەدى. كافەيندى شاي، كوفە، كولا سەكىلدى سۋسىندار دەنەدەگى سۋ جەتىسپەۋشىلىگىن ودان دا ارتتىراتىندىعى ءۇشىن قوسىمشا تاعى سۋ ءىشۋ كەرەك.
سۋدىڭ دەنەگە پايدالارى:
دەنە تەمپەراتۋراسىن تۇراقتاندىرادى.
ازىق، قالدىق جانە وتتەگى تاسىمالدايدى.
بۇيرەك جانە باۋىرداعى قالدىقتاردى (شلاك) تازالايدى.
ۆيتامين جانە مينەرالداردىڭ تاراۋىن قامتاماسىز ەتەدى.
دەنەنى جاراقاتتانۋدان قورعايدى.
كلەتكالاردىڭ جانە بۇلشىق ەتتەردىڭ بىرىگۋىن قامتاماسىز ەتەدى.
تەرى كلەتكالارىن ىلعالداندىرادى جانە ساۋىقتىرادى.
اس قورىتۋدا جوعارىدان تومەن قاراي رەتىمەن استىڭ قورىتىلۋىنان سىڭىرىلۋىنە جانە دە ەڭ سوڭىندا قالدىقتاردىڭ شىعۋىنا دەيىن سۋدىڭ مىندەتى وراسان زور.
دەنەدە بولاتىن كۇنىنە 2-4 ليتر سۋ شىعىنىنىڭ ورنىن قايتا تولتىرىپ تۇرۋ قاجەت. ەرەسەك ادامنىڭ دەنەسىندە 40-50 ليتر سۋ بولادى. قاننىڭ 83%، بۇلشىق ەتتەردىڭ 75%، ميدىڭ 74%، سۇيەكتەردىڭ 22% سۋدان تۇرادى. دەنەدە 20% سۋ جەتىسپەۋشىلىگى بولۋى وتە ءقاۋىپتى جانە ولىمگە دەيىن جەتەلەيدى.
قاجەتتى مولشەردە سۋ ىشپەگەن جاعدايدا:
ميدىڭ جۇمىس ىستەۋى باياۋلايدى.
قان قويۋلانادى.
جۇرەك كوپ جۇمىس ىستەۋگە ءماجبۇر بولادى.
ءناجىس سارى ءتۇستى بولادى.
ءىش قاتۋىنا(زاپور) سەبەپ بولادى.
سۋ جەتىسپەگەن جاعدايدا مىنالار بولادى:
باس اۋرۋى.
باس اينالۋى.
شارشاۋ جانە السىزدىك.
ويدىڭ تىنىقتىعى بۇزىلادى.
تابەتسىزدىك.
بيىك جەرلەردە، اۋا ىستىق جانە ءنامدى بولسا، گريپ نەمەسە تەمپەراتۋرا بولعان كەزدە تۇتىناتىن سۋ مولشەرى كوبىرەك بولۋى كەرەك.
You Might Also Like
-
حوۆارد كەدەي وتباسىنان شىققان بالا ەدى. مەكتەپكە كەرەك كىتاپ-داپتەرىن الۋ ءۇشىن كوشەدە ءجۇرىپ ۇساق-تۇيەك زاتتار ساتاتىن. كۇندەردىڭ بىرىندە ەشنارسە ساتا المايدى. ونىڭ ۇستىنە ابدەن شولدەپ، قارنى اشادى....
-
ەرتەدە ءبىر حان بولىپتى، ونىڭ جالعىز بالاسى بار ەدى. ول بالاسىنىڭ تۋعاندا ماندايىنا باسقان قاناتتى قارا بەدەۋ تۇيەسى بولىپتى. حاننىڭ بالاسى ىلعي تازىسىن ەرتىپ، قۇسىن قولىنا قوندىرىپ الىپ، جانىنا 40-...
