InfoHub Logo

ناعىز ۇستاز بولۋ — باقىت ءارى ابىروي. شىندىعىندا، ءمۇعالىم بولۋ وڭاي بولىپ كورىنگەنمەن، ناعىز ۇستاز بولۋ ەكىنىڭ ءبىرىنىڭ قولىنان كەلە بەرمەسى انىق. ومىردە ماماندىقتىڭ سان ءتۇرى بار، ماسەلەن: اسپازشى، ەسەپشى، ساتۋشى، توقىماشى، زاڭگەر، كىتاپحاناشى، دارىگەر تاعىسى تاعى بار تىزبەكتەي بەرسەڭ وتە كوپ. ءبىراق مەنىڭ تاڭداۋىم بولاشاق بۋىنداردى وقىتۋ مەن تاربيەلەۋ ءىسى، ياعني ۇستازدىق ماماندىعى بولدى. ارينە بۇل تاڭداۋىما استە وكىنبەيمىن، كەرىسىنشە سول جاڭاعى ايتىپ كەتكەن ماماندىق يەلەرىن وقىتىپ-توقىتاتىن وسى ءبىز، ۇستازدار قاۋىمى ەمەس پە؟! سوندىقتان ءوز ىسىنە بەرىلگەن، شاكىرتىنىڭ جانىنان ۇرقۇيا بىلگەن ۇستازدىڭ ءومىرى قاشاندا قىزىقتى. ۇلاعاتتى ۇستازدار قاتارىنا ەنۋ مەنىڭ اق باستى ماقساتىم.

انامنىڭ ايتۋى بويىنشا مەن بالا كۇنىمنەن وسى ماماندىقتى رياسىز جاقسى كورسەم كەرەك. كۇن ۇزاق قۋىرشاقتاردى پارتاعا ءتىزىپ قويىپ ءمۇعالىم بولۋدان جالىقپاعان ەكەنمىن.  ەسەيە كەلە بۇل قىلىعىم شىنايى ارمانعا اينالدى. مەكتەپ قابىرعاسىندا جۇرگەندە دە ۇستازدارعا قىزىعا قاراپ ولاردىڭ ءاربىرىن جان-جۇرەگىممەن شىن جاقسى كورەتىنمىن.   بۇگىندە سول تالىمگەرلەرىمە ءدان ريزامىن، ويتكەنى سول ۇستازداردىڭ ارقاسىندا مەن 2017 جىلى پاۆلودار قالاسىنداعى ب. احمەتوۆ اتىنداعى كوللەدجدى ويداعىداي ءتامامدادىم. ءدال وسى جىلى تۋعان ولكەم ەكىباستۇز قالاسىنا ورالىپ، 1ء-شى قىركۇيەكتەن باستاپ  №5ء-شى جوببم باستاۋىش سىنىپ وقۋىشىلارىنا ءتالىم بەرۋگە كىرىستىم. ارينە جاس مامان بولعانسوڭ بىلمەيتىن تۇستارىم بولىپ جاتادى، ءبىراق بۇل بىلمەستىكتەردى ىزدەنىسىمنىڭ ارقاسىندا جويۋعا تىرىسامىن. مۇعالىمدەر قاتارىن تولىقتىرىپ وتىراتىن مەن سەكىلدى جاس ماماندار دا ۇنەمى ىزدەنىس ۇستىندە بولىپ، ءار ءپاندى جوعارى دەڭگەيدە، ساپالى ەتىپ وتكىزۋگە، ەڭبەك جولىنا ابىرويلىق ارتۋعا بارىن سالادى. مۇعالىمگە ارتىلعان مۇنداي جاۋاپكەرشىلىكتى ءاربىر ۇستاز سەزىنەدى دەپ بىلەم. ەڭ باستىسى مەن ءوز ماماندىعىمنان رۋحاني كۇش الامىن. وقۋ كەزەڭىنەن بەرى وقۋشىلارىما ابدەن ۇيرەنىسىپ الدىم. ماعان بەكىتىلگەن سىنىبىمنىڭ ىنتىماعى بەكەم، دوستىعى جاراسقان بولۋىنا اسا كوپ كوڭىل بولەمىن. مەكتەپكە كىرگەننەن-اق وقۋشىلاردىڭ جۇزدەرىن كورىپ شاتتانىپ قالامىن. ءار وقۋشىنىڭ ويىن ەركىن جەتكىزە الاتىنداي جاعداي جاساۋعا تىرىسامىن، ويتكەنى الدىمىزعا كەلگەن بالالار بىرەۋدىڭ ماڭداي الدى جارىعى، تاۋەلسىز ەلىمىزدىڭ ەركىن ازاماتتارى.

مەن — وسى قيىن بولعانىمەن قۇرمەتتى، اۋىر بولعانىمەن ابىرويلى — ءمۇعالىم ماماندىعىن تاڭداعانىمدى ماقتان ەتەمىن. دۇنيەدەگى ماماندىق اتاۋلىنىڭ تورەسى بولعان ۇستازدىق جولىندا جۇرگەن مەن ءوزىمدى باقىتتى جانداردىڭ ءبىرى سانايمىن.

ەل باسى ايتقانداي، «ۇلت بولاشاعى ءبىلىمدى ۇرپاق قولىندا». سوندىقتان دا ءوز ءبىلىمىمدى شىڭداۋ ماقساتىندا بيىل پمپي- دا وقۋىمدى جالعاستىرۋدامىن. ال ومىردە مەنىڭ ۇستانعان قاعيدام: مەجەلى ماقساتقا جەتۋ ءۇشىن مۇعالىمدەر ءوز مىندەتىن ءتيىستى دەڭگەيدە اتقارۋى قاجەت. سوندا عانا ءبىلىمدى ۇرپاق، بولاشاقتا بىلىكتى مامان بولىپ شىعاتىنى ءسوزسىز.

 

  №5 ءجوببم-نىڭ

باستاۋىش سىنىپ جەتەكشىسى

الدامجار گۋلزات انۋار قىزى

---