InfoHub Logo

مەن  ءوز  ماماندىعىمدى  جاقسى  كورەمىن

«ماماندىقتى دۇرىس تاڭداۋ - ءومىر جولىنىڭ ساتتىلىگىنىڭ نەگىزى»  دەمەكشى، ومىردە  ەكى  نارسەدەن  قاتەلەسپەگەن  ءجون.  ونىڭ  ءبىرى  — ومىرلىك  جار  تاڭداۋ  بولسا،   ەكىنشىسى  — ماماندىق  تاڭداۋ.   جاس  جەتكىنشەكتەردىڭ  ماماندىق  تاڭداۋدا  قاتەلەسپەگەنى  وتە  ماڭىزدى.  ال  مەن  بولسام  قىزىعى  مەن  قيىندىعى   مول،  ىزدەنىس  پەن  تاباندىلىقتى  تالاپ  ەتەتىن  جۋرناليستيكا  ماماندىعىن  تاڭداعان  بولاتىنمىن.  بالا  كەزىمنەن  بەرى  كىتاپ  وقۋعا  قۇمار بولدىم. كىتاپ  وقۋ  بارىسىندا  وقيعا  جەلىسىن  سۋرەتتەگەن  جازۋشىلاردىڭ  كوركەم  ءتىل  شەبەرلىگىنە  قىزىعا  وتىرا  ، جۋرناليستيكاعا  دەگەن   ماحابباتىم  جىل سايىن  ۇلعايا  بەردى. تەلەديداردا  سويلەپ  جاتقان اعا-اپكەلەرىمنەن  ۇلگى  الىپ،  ولاردىڭ  سويلەۋ  مانەرىنە  ءتانتى  بولدىم . سونىمەن قاتار، ەلى قۋانسا، بىرگە قۋانىپ، مۇڭايسا، بىرگە مۇڭايىپ وتكەن عاسىر ويشىلدارى   اباي  قۇنانبايەۆ،  مۇحتار  اۋەزوۆ،  شاكارىم  قۇدايبەردى ۇلى  سىندى  جازۋشىلار  مەن  عۇلامالاردىڭ  ارقاسىندا  مەنىڭ  قىزىعۋشىلىعىم  ودان  سايىن  ارتىپ، جۋرناليست  بولامىن  دەگەن  ارمانىما  تاعى  ءبىر  قادام  جاقىنداي  ءتۇستىم. 

ماماندىق  تاڭداۋدىڭ  ماڭىزدى  تالاپتارىنىڭ  ءبىرى  - سەن   تاڭداعان ماماندىقتىڭ   قوعامعا  قاجەتتىلىگى.  ال  جۋرناليستەر  ءتورتىنشى  بيلىكتىڭ  يەسى، بيلىك  پەن   حالىق  اراسىنداعى  التىن  كوپىر.  جۋرناليستتەردىڭ  بارمايتىن  ەلى،  اسپايتىن  تاۋى  مەن  جەرى  جوق. ولار-  قوعامنىڭ  ءۇنى  مەن  قوعامنىڭ  كوزى. بۇل   ماماندىقتى   تاڭداۋداعى   باستى   ماقساتىم:   وي ەركىندىگى مەن ءسوز بوستاندىعىنا قول جەتكىزۋ. 

ۇلى  اباي  اتامىز  ايتقانداي: «نەگە ارنالساڭ، سونى ىستە» دەگەندەي ،   ادام ومىردەن  ورنىن ءوز تاڭداۋىمەن تاپقان ءجون. جۋرناليست  ماماندىعىنىڭ  قوعامعا  قاجەت  ەكەنى  ءسوزسىز.  مەن تاڭداعان ماماندىق مەنىڭ جارقىن بولاشاعىم بولارىنا  كامىل  سەنىمدىمىن.

---