مانشۇك مامەتوۆا
مانشۇك مامەتوۆا جەڭسىكالى قىزى (جيەنعالي قىزى) 1922 باتىس قازاقستان قازىرگى ورال وبلىسىنىڭ وردا اۋدانىندا تۋعان. مانشۇكتىڭ اتا-اناسى ەرتە قايتىس بولدى دا، بەس جاسار بالانى ونىڭ تاتەسى ءامينا مامەتوۆا باۋىرىنا باسادى. مانشۇكتىڭ بالالىق شاعى الماتىدا ءوتتى.
ۇلى وتان سوعىسى باستالعان كەزدە مانشۇك مەديسينا ينستيتۋتىندا وقىپ، سوڭىمەن ءبىر مەزگىلدە رەسپۋبليكا حالىق كوميسسارلارى سوۆەتىنىڭ سەكرەتارياتىندا قىزمەت ەتىپ تە جۇرگەن. 1942 جىلدىڭ اۆگۋسىندا ول ءوز ەركىمەن قىزىل ارميا قاتارىنا الىنادى دا، مايدانعا اتتانادى. ءوز بولىمىندە مانشۇك تاڭداۋلى پۋلەمەتشى اتانادى. العاشىندا بريگادا شتابىندا قىزمەت ەتتى، كەيىننەن پۋلەمەتشىلەر بولىمشەسىنىڭ كومانديرى بولدى. اعا سەرجانت مانشۇك مامەتوۆا پسكوۆ وبلىسىنداعى نيەۆەل قالاسى ءۇشىن بولعان كەسكىلەسكەن شەشۋشى ۇرىستا ەرلىكپەن قازا تاپتى.
باتىر قىزدىڭ قۇرمەتىنە وڭتۇستىك قازاقستان جانە پاۆلودار وبلىسىنىڭ ەڭبەكشىلەرى «مانشۇك اتىنداعى تانك كولونناسىن» قۇرۋ ءۇشىن قاراجات جيناپ (1944)، وعان جاسالعان 26 تانك مايدانعا جىبەرىلدى. 1944 جىلدىڭ 1 مارتىندا سسسر جوعارعى سوۆەتى پرەزيديۋمىنىڭ ۋكازىمەن اعا سەرجانت مانشۇك مامەتوۆا جيەنعاليقىزىنا قازا تاپقاننان كەيىن سوۆەت وداعىنىڭ باتىرى اتاعى بەرىلدى. باتىردىڭ تۋعان جەرىندە مەموريالدىق مۋزەي، ورال قالاسىندا دا مۋزەي اشىلدى. نيەۆەل ورال، الماتى قالالارىندا ەسكەرتكىش ورناتىلىپ، الماتىداعى 28-ورتا مەكتەپ پەن مەديسينالىق ينستيتۋت الدىندا ەسكەرتكىش تاقتا قويىلعان. قازاقستاننىڭ اقىن جازۋشىلارى مانشۇك مامەتوۆا تۋرالى كوپتەگەن ولەڭ، پوەمالار جازدى.
وقۋعا كەڭەس بەرەمىز:
ءاليا نۇرمۇحامبەت قىزى مولداعۇلوۆا
You Might Also Like
-
مۇحتار ومارحان ۇلى اۋەزوۆ (1897—1961) — قازاقتىڭ ايگىلى جازۋشىسى، قوعام قايراتكەرى، قازاق كسر عىلىم اكادەمياسىنىڭ اكادەميگى، فيلولوگيا عىلىمىنىڭ تۇڭعىش دوكتورى، پروفەسسور، قازاق كسر-نىڭ ...
-
ماقتا، قوزا — قۇلقايىر تۇقىمداسىنا جاتاتىن كوپ جىلدىق باعالى تالشىقتى داقىل. ماقتانىڭ 35 ءتۇرى بار، ونىڭ 5 ءتۇرى قولدان وسىرىلەتىن ءبىر جىلدىق شوپتەسىن وسىمدىكتەردىڭ ءبىر تۋىسى. نەگىزىنەن، تروپيك...
