ماقال — ءسوزدىڭ مايونەزى
بايدىڭ شاراپاتى تيەر تار جەردە،
ماي-دىڭ كەساپاتى تيەر ءار جەردە.
***
قازى دا قازى جەگىسى كەلەدى.
***
باتىرىن تارىندىرعان جاماعات جوق،
قاتىنىن باعىندىرعان ازامات جوق.
***
مات بولعان كارولدەن،
شاح قويعان پەشكى ارتىق.
***
قاتىن تۇندە جامان ەمەس،
كۇندىز جامان.
***
اشۋ — تاپانشا،
اقىل — دوللار.
***
دەمەۋشى بولماعان فيرمادان،
قاڭىراپ تۇرعان فەرما ارتىق.
***
ۇل وسىرمە، قىز ءوسىر،
قالىڭمالى ونىڭ كول-كوسىر.
***
اتاسى باردىڭ جورعاسى بار،
اجەسى باردىڭ دورباسى بار.
اعاسى باردىڭ «ۆولۆاسى» بار،
توقالى باردىڭ سور باسى بار.
***
ايەلىمنىڭ كەتكەنىنە ەمەس،
قۇتىلعانىما جىلايمىن
***
بىرەۋدىڭ بايى بىرەۋگە،
تاۋار ارتقان كاماز-داي كورىنەدى.
بىرەۋدىڭ ايەلى بىرەۋگە،
مەرسەدەستەي سىلاڭدايدى.
***
اڭداماي سويلەگەن كوسياكقا كىرەدى.
***
باستىق كۇلسە،
ورىنباسارى ەزۋ تارتادى.
***
توقال الساڭ،
بايبىشەڭنىڭ كوزىنەن جاس شىعادى.
***
ماستىڭ «تىلىنە» پوليسيا تۇسىنەدى.
***
پاحانىن كورىپ ءتيىپ ال،
ماحانىن سرازۋ تىيىپ ال.
***
ءوز ايەلىڭ ۇرىسپاققا جاقسى.
***
باستىق اشۋلانسا،
ەدەن جۋۋشىنىڭ مۇرنى قانايدى.
***
ەكى باستىقتىڭ قۇيرىعى،
ءبىر كرەسلوعا سىيمايدى
***
قاتىن بايىسا،
بايىن ۇرادى
***
ءتىل — وسەكشى،
كوز — ستۋكاچ.
***
باستىقتىڭ «جامانى» جوق،
دەگەنمەن، جەل سوزدەن امانى جوق.
***
شەنەۋنىك اتاق ءۇشىن تۋادى،
بيلىك ءۇشىن «ولەدى».
***
ۇكىمەتكە حالىقتان
Cالىق قىمبات.
***
دەپۋتات داۋىس جيناردا شىنىعادى،
ءماجىلىس وتىرىسىندا تىنىعادى.
***
اكىمنىڭ يىلگەنى — تىنعانى.
***
دەپۋتاتتى «سايراي بەر» دەپ داۋعا قوي،
ءمينيستردى «ساتا بەر» دەپ مالعا قوي،
ال حالىقتى قارۋ بەرىپ جاۋعا قوي!
***
وفيستە ويمەن ويۋ ويماسا دا،
ماجىلىستە سوزبەن سىزۋ سىزادى.
***
ءۇش رەت دەپۋتات بولساڭ دا،
حالىقتىڭ قارىزىنان قۇتىلا المايسىڭ.
You Might Also Like
-
ۇرىس-كەرىسكە يكەمى بار، داۋ-جانجالعا جانى قۇمار، توبەلەس كەزىندە ەكى بىلەگىن سىبانىپ، وسەك ايتاتىن ەرنىن ءشۇيىرىپ، تىكەن ءتىلىن بەزەپ، ەكى كوزى شاتىناپ شىعا كەلەتىن «دارىندى» دا شالىمدى، ...
