InfoHub Logo

ماسس-مەديا ونىمدەرىنىڭ جەكە پاراقشالارى

الەۋمەتتىك جەلىلەردە اشىلعان ماسس-مەديا ونىمدەرىنىڭ جەكە پاراقشالارى باق-تىڭ دامۋىنا كەلەسىدەي ۇلەس قوسۋدا:
• وقىرمانمەن كەرى بايلانىس، ياعني حات الماسۋ، پىكىر قالدىرۋ، پاراقشاسىنا ءبولىسۋ سياقتى الەۋمەتتىك جەلىنىڭ مۇمكىندىكتەرىن پايدالانۋ؛
• الەۋمەتتىك جەلىدە باسىلىم، نە راديو-تەلەباعدارلامانىڭ پاراقشاسىن جۇرگىزۋ ارقىلى اۋديتوريا جيناۋ؛
• بەلگىلى ءبىر كونتەنت ارقىلى دوستاستىقتار قۇرۋ؛
• وزگە باسىلىمداردىڭ، راديو نەمەسە تەلەحابارلاردىڭ جاريالانىمدارىن باقىلاۋ مۇمكىندىگى؛
• قوعامدا رەزونانس تۋدىرعان جاڭالىقتاردى تابۋ، وقيعا كۋاگەرلەرى مەن قاتىسۋشىلارىمەن الەۋمەتتىك جەلى ارقىلى بايلانىسقا شىعىپ وپەراتيۆتى تۇردە حابار تاراتۋ؛
• وقىرمان نەمەسە كورەرمەنمەن تىكەلەي بايلانىسقا شىعۋ ءۇشىن پاراقاشاعا جازىلۋشىلاردىڭ ءتىزىمىن جانە ولاردىڭ كوورديناتتارىن ءبىلۋ؛
• الەۋمەتتىك جەلى قولدانۋشىلارى ءوز ۇسىنىس، پىكىرلەرىن الەۋمەتتىك جەلىدە ايتىپ، سونان سوڭ باق-تىڭ رەسمي سايتىنا ماتەريال جاريالاي الۋى؛
• جارنامامەن اينالىسۋ، ول ءۇشىن الەۋمەتتىك جەلىدەگى پاراقشا جازىلۋشىلارىنا اناليز جاساۋ، ولاردىڭ جاس مولشەرى، قاي ايماقتا كوپ شوعىرلانعاندىعى، قاي ۋاقىتتا الەۋمەتتىك جەلىنى بەلسەندى قولداناتىنىن ءبىلىپ الۋى ءتيىس؛
• جۋرناليستەر كوشە جاعالاپ رەسپوندەنت ىزدەپ كەتپەي-اق ينتەرنەت بەتىندە وتىرىپ تا بەلگىلى ءبىر وقيعا، تاقىرىپقا ساۋالناما جۇرگىزۋ، پىكىر جيناۋ سياقتى جۇمىستاردى الەۋمەتتىك جەلى قولدانۋشىلارىنان ءبىلىپ الادى؛
• الەۋمەتتىك جەلىدەگى تىكەلەي ەفير جۇرگىزۋ مۇمكىندىگىن پايدالانا وتىرىپ پاراقشالارىنان ماڭىزدى وقيعالاردى ونلاين ترانسلياسيا جۇرگىزۋ مۇمكىندىگى؛
• ونلاين-باسىلىمدار مەن بلوگتاردى دامىتۋ؛
جوعارىدا ايتىلعان مۇمكىندىكتەر باق-تىڭ يننوۆاسيالىق ماركەتينگتىك كوممۋنيكاسيا جاساۋىنا، اۋديتوريامەن بايلانىس ورناتۋىنا مۇمكىندىك بەرەدى. بىزدە بار مالىمەتتەرگە سايكەس 2014 جىلدىڭ وزىندە «اقپاراتتىق قازاقستان-2020 (مەملەكەتتىك باعدارلاماسى اياسىندا ءبىزدىڭ ەلدە 800-دەن اسا ب ا ق ەلەكتروندى فورماتقا اۋىسىپ، ينتەرنەت بەتىندە وزدەرىنىڭ سايتتارىن جاساعان.

---