مەملەكەت باسشىسىنىڭ ەل دامۋىندا قوزعاعان ماڭىزدى رەفورمالار
مەملەكەت باسشىسىنىڭ ەل دامۋىندا قوزعاعان ماڭىزدى رەفورمالار
ءال-فارابي اتىنداعى قازۇۋ تاريح فاكۋلتەتىنىڭ
دوسەنتى، ت.ع.ك. گۇلنار قوزعامبايەۆا
قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ قازاقستان حالقىنا كەزەكتى جولداۋىن 2022 جىلدىڭ 16 ناۋىز كۇنى جاريا ەتتى. بۇگىنگى جولداۋدىڭ ءمانى مەن مازمۇنى ايرىقشا بولدى. مەملەكەت باسشىسى اۋەلى بيىلعى قاڭتارداعى دۇربەلەڭ وقيعاسى جانە وندا قۇربان بولعان وتباسىلارىنا كوڭىل ايتۋدان باستادى. وتكەن قاڭتار دۇربەلەڭ وقيعاسى تۋرالى مالىمەتتەر جاريالاپ، قازاق ەلىنىڭ الدىنا قويعان مىندەتتەرىنىڭ ءمانى مەن ماڭىزى ايرىقشا ەكەندىگىنە توقتالىپ ءوتتى. وسى كۇندە حالقىمىز ءبىرتۇتاس ۇلت ەكەندىگىن تانىتىپ، وتانشىلدىق رۋحىنىڭ ارقاسىندا قاسيەتتى تاۋەلسىزدىگىمىزدى ساقتاپ قالعاندىعىن ەرەكشە اتاپ ءوتتى.
پرەزيدەنت قازاقستان حالقىنا جولداۋىندا تۇعىرى مىعىم ەل بولۋ جولىندا كەدەرگىلەردى ەڭسەرىپ، قيىندىقتاردى جەڭۋ جولىندا بەرەكەلى بىرلىك پەن ەسەلى ەڭبەك ارقىلى جەتۋ كەرەكتىگىمىزگە ۇلكەن ءمان بەردى. مەملەكەتتىڭ تيىمدىلىگى جانە رەسپۋبليكا حالقىنىڭ تۇرمىسىن، ءال-اۋقاتىن ارتتىرۋ مەن جاقسارتۋعا نەگىزدەلگەن باستامالار مەن مىندەتتەردى اتاپ ءوتتى. ساياسي پارتيالار دەربەس كوپپارتيالىق جۇيەدە اشىق باسەكەلەستىك ورىن الاتىنى تۋرالى ايتىلدى. پارلامەنتتى كۇشەيتىپ، دەپۋتاتتاردىڭ قىزمەتىن، سەناتتا 15 دەپۋتاتتان 10-عا قىسقارتۋ قاجەتتىگى، سونىمەن قاتار تومەنگى پالاتانىڭ قۇزىرەتىن كەڭەيتۋ قاجەتتىلىگى ايتىلدى. ەلىمىزدە كوپتەگەن اۋقىمدى جوبالار مەن باعدارلامالار بار، ءبىراق ولاردى جۇزەگە اسىرۋ بارىسى كوڭىل كونشىتپەيدى، سوندىقتان پارلامەنت رەسپۋبليكالىق بيۋدجەتتىن ساپالى ورىندالۋىنا باقىلاۋدى كۇشەيتۋ قاجەتتىلىگىنە ءمان بەرىلدى. وسى ورايدا ەسەپ كوميتەتىنىڭ ورنىنا جوعارى اۋديتورلىق پالاتا قۇرۋ تۋرالى مالىمدەلدى. ونىڭ ءتوراعاسى ءماجىلىس دەپۋتاتتارى الدىندا جىلىنا ەكى رەت ەسەپ بەرۋ كەرەكتىگى جانە وسىلايشا ءماجىلىستىڭ مارتەبەسى ارتاتىندىعىن مالىمدەدى. سايلاۋ جۇيەسىن جەتىلدىرۋ، ساياسي جاڭعىرۋدىڭ باستى ماقساتى ازاماتتاردىڭ مەملەكەتتى باسقارۋ ىسىندەگى ءرولىن ارتتىرۋ بولىپ تابىلاتىندىعىنا ءمان بەرىلدى. سايلاۋ الدىندا بەرگەن ۋادەسىن ورىنداماعان دەپۋتاتتى كەرى قايتارۋعا بولاتىندىعى قاراستىرىلدى. سايلاۋ ناۋقانى ۇزدىكسىز ۇدەرىسكە اينالدى. سايلاۋدى ۇيىمداستىرۋ مەن وتكىزۋ كەزىندە اۋماقتى سايلاۋ كوميسسيا جۇمىسىن كاسىبي تۇردە جەتىلدىرۋ ماسەلەسى جانە سايلاۋشىلاردىڭ ءبىرىڭعاي ەلەكتروندىق بازاسىن قۇرۋ مۇمكىندىگىن قاراستىرۋ قاجەتتىلىگىنە ءمان بەرىلدى.
You Might Also Like
-
قازاقستان رەسپۋبليكاسى حالىق دەپۋتاتى، جازۋشى ءابىش كەكىلبايەۆ پەن جازۋشى احات جاقسىبايەۆتىڭ سۇحباتى
-
1993-جىلى ماۋسىمنىڭ 15-ىندە مەملەكەتتىك ساياسات جونىندەگى ۇلتتىق كەڭەستىڭ ءبىرىنشى ماجىلىسىندە سويلەنگەن ءسوز
