مەن ساعان ەسىرتكى جايلى ايتىپ بەرەمىن
بالتاباي باۋىرجان
ارال قالاسى
№13 ت.گ.شيەۆچەنكو اتىنداعى
مەكتەپ 8 «ا» سىنىپ وقۋشىسى
سىلتەمە ....................................
مەن ساعان ەسىرتكى جايلى ايتىپ بەرەمىن
ەرىكسىزدەن ساناڭدى ءىرىتىپ، رەتسىزدەن ءتانىڭدى كۇيدىرەتىن ءىرىڭ (ەسىرتكى)
سوڭعى كەزدە نەلىكتەن جايسىز جۇرگەنىڭدى ەندى ءتۇسىندىم. سىرىڭدى اشىپ ايتقانىڭ وتە دۇرىس بولدى. باسقا مەكتەپتە وقىساڭ دا، ەكەۋمىز قۇرداس ەمەسپىز بە، ءارى كورشىمىز.
ساعان ول پالەنى ءبىر كىسىلەر ۇسىندى دەيسىڭ بە؟ نەگە باس تارتپادىڭ، الدە قىزىق كوردىڭ بە؟ بار بولعانى بىر-ەكى رەت تارتتىم، تەمەكى سياقتى دەپ ويلادىم دەيمىسىڭ؟ دەمەك، شىلىمنىڭ دا ءدامىن تاتىپ كورگەن بولدىڭ عوي.
بۇگىنگى قادامىڭ وتە ورىندى دەپ ەسەپتەيمىن، مەنى دوس دەپ سىرلاسقىڭ كەلدى مە. جارايدى، ەسىرتكىنىڭ زيانىن شامام كەلگەنشە تۇسىندىرەيىن ساعان.
كوز الدىڭا ەلەستەتىپ كورشى: شىلدەنىڭ شىجىعان قاپىرىعىندا جاپان تۇزدە ءشول قىسىپ، جالعىز كەلە جاتقان ساتىڭدە الدىڭنان ساعىمدانعان جالعان كولشىكتى كورىپ جانىڭ جاي تابا باستايدى. جەتەم دەپ جۇگىرگەنىڭمەن، جەتە الماي قورلاناسىڭ. كەنەتتەن، ايدالادا قۇمدى داۋىل بوراپ، قارا تۇنەككە تاپ بولدىڭ. ءبىر جۇتىم سۋعا زار بولىپ، اۋزى-مۇرنىڭ سۋسىعان توپىراققا تولىپ، ەسىڭنەن اداسىپ، جانىڭ القىمعا كەلدى. وڭەشىڭە جينالعان قۇم جىبىرلاعان قۇرت سەكىلدى جەپ جاتقانداي ارپالىس كۇيگە ءتۇستىڭ. اداستىڭ، ەلەرىپ قۇلادىڭ، ساناڭ ءوشىپ بارادى...
ال ەندى، ويلاپ قارا: اتى وشكىر ەسىرتكىنى ادەپكىدە الدەكىمدەرگە ەرىپ قولدانعان كەزىڭدە كوزىڭە ەلەستەگەن ساعىمداي، ءبىر ساتتىك الدامشى راحات سەزىمگە بولەنگەنىڭمەن، شىن مانىندە ۇيىققا باتىپ بارا جاتقانىڭدى سەزبەي دە قالاسىڭ. ساناڭمەن قوسا ءتانىڭ دە ءىرىپ-شىرىپ، ءتۇپتىڭ تۇبىندە ءتىرى ولىككە اينالاسىڭ، اقىرىندا قور بوپ ولەسىڭ.
قورقىپ قالدىڭ با؟ دۇرىس، دۇرىس، قورقا ءبىل جانە دەرەۋ قاش بۇل بالەدەن. ساعان جانىم اشىپ ايتام. سەنى ەسىرتكىگە تارتقان ەسسىزدەر كۇلدىرىپ ايتسا، مەن جىلاتىپ تا، قورقىتىپ ايتامىن.
ەسىرتكى مەن تەمەكىدەن بويىڭدى اۋلاق ۇستا، سپورتپەن اۋەستەن. سالاۋاتتى ءومىر سالتىن ۇستانساڭ ۇنەمى سەرگەك جۇرەسىڭ، كوڭىل كۇيىڭ دە جاقسارادى. مەن سياقتى ۇلتتىق جەكپە-جەك ۇيىرمەسىنە قاتىسساڭشى. قالاساڭ، بۇگىننەن باستاپ جانىما ەرتەيىن. موينىما تاققان مەدالدەرىمدى بايقادىڭ با، سپورتتىق سايىستاردان العان جۇلدەلەرىم. بالكىم، ءبىر كۇندەرى جەڭىس تۇعىرىندا بىرگە تۇرارمىز...
مىنە، ەندى ۇقتىڭ با. تۇرىڭنەن بايقاپ وتىرمىن، تۇسىنگەندەيسىڭ. وتكەن ىسكە وكىنە بەرمە، قايتا دەر كەزىندە ەسىڭدى جيىپ، اقىلعا كەلدىڭ. ەڭسەڭدى تىكتە، بويىڭدى جينا. قامىقپا، بۇل اڭگىمە ارامىزدا قالادى، ايتقان سىرىڭ اماناتىڭ بولسىن. ايتپاقشى، سەنىڭ دە ساباعىڭ تۇسكە دەيىن ەمەس پە ەدى. ولاي بولسا، ساعات ۇشتە مەنىمەن بىرگە ستاديونعا باراسىڭ با؟ تاماشا! كەلىسكەنىڭە قۋانىشتىمىن. باسى ارتىق بوكس قولعابى بار ەدى مەندە، ساعان شىنعا بەرەيىن.
جارايدى، وندا سالدەن سوڭ كۇتەم، ۇيگە كەل، بىرگە شىعامىز. كەزدەسكەنشە!
#ۋپندپكزو
You Might Also Like
-
اكيشيەۆا بالايىم جانسەيت قىزى ا.م.گوركيي اتىنداعى گيمنازيا قازاق ءتىلى جانە ادەبيەت ءمۇعالىمى
