InfoHub Logo

ساباقتىڭ تاقىرىبى: مەنىڭ مەكتەبىم. تاۋەلدىك جالعاۋ
قازاق ءتىلى 3 سىنىپ
ساباقتىڭ ماقساتى:
1. بىلىمدىلىك: وقۋشىلارعا «مەكتەپ» تۋرالى مالىمەت بەرۋ؛ تاقىرىپ بويىنشا بىلىمدەرىن جۇيەگە كەلتىرىپ پىسىقتاۋ، تياناقتاۋ، گرامماتيكالىق ۇعىمداردى ساۋاتتى ءارى دۇرىس قولدانۋ داعدىلارىن قالىپتاستىرۋ. پانگە قىزىعۋشىلىعىن ارتتىرۋ.
2. دامىتۋشىلىق: وقۋشىلاردىڭ ويلاۋ، ەستە ساقتاۋ، كورۋ قابىلەتتەرىن دامىتۋ؛ وي تۇيىندەۋگە، شىعارماشىلىقپەن جۇمىس ىستەۋگە جۇمىلدىرۋ؛ ءماتىندى قازاق تىلىندە اڭگىمەلەۋگە، اۋىزەكى سويلەۋگە داعدىلاندىرۋ، وي - ءورىسىن كەڭەيتۋ.
3. تاربيەلىك: وقۋشىلاردىڭ ءوز مەكتەبىنە، ۇستازىنا دەگەن سۇيىسپەنشىلىگىن ارتتىرۋ، سالاۋاتتىلىققا تاربيەلەۋ. وقۋشىلاردى ءبىر - ءبىرىن سىيلاۋعا، قۇرمەتتەۋگە تاربيەلەۋ.
ساباقتىڭ ءتۇرى: ارالاس ساباق
ساباقتىڭ ءتيپى: جاڭا ءبىلىمدى مەڭگەرتۋ جانە تاقىرىپ بويىنشا وتىلگەن ماتەريالداردى جۇيەگە ءتۇسىرۋ.
ساباقتىڭ ءادىسى: ويىن تەحنولوگيالارى ارقىلى وقىتا ۇيرەتۋ ءادىسى، مەتاپاندىك ءادىس، سۇراق - جاۋاپ، وزىندىك ىزدەنىس.
ساباقتىڭ كورنەكىلىگى: ينتەراكتيۆتى تاقتا، سۋرەتتەر، لەكسيكالىق جانە گرامماتيكالىق تاپسىرمالار.

ساباقتىڭ بارىسى:
ءى. ۇيىمداستىرۋ كەزەڭى
ا) وقۋشىلارمەن امانداسۋ، تۇگەلدەۋ.
ءا) وقۋشىلارمەن اۋىزەكى سويلەسۋ.
ب) وقۋشىلاردى ساباققا پسيحولوگيالىق دايىنداۋ، ويلارىن ءبىر ورتاعا توپتاۋ ماقساتىندا وي تاستاۋ.

ءىى. جاڭا ساباققا دايىندىق.
«وي - قوزعاۋ». ينتەراكتيۆتى تاقتادان بەينەماتەريال كورسەتىلەدى. وقۋشىلار بەينەماتەريالدى كورگەن سوڭ ساباقتىڭ تاقىرىبىن انىقتايدى.
انىقتالعان تاقىرىپ بويىنشا ەكى توپقا ساباقتىڭ ماقساتىن ايقىنداۋ ۇسىنىلادى.
تاقىرىپتى انىقتاعان سوڭ وقۋشىلارعا «مەكتەپ» سوزىنە اسسوسياسيا جازۋ ۇسىنىلادى.

III. جاڭا ساباق:
سوزدىكپەن جۇمىس:
ءبىلىم - زنانيە
وقۋلىق - ۋچەبنيك
سىنىپتاس - ودنوكلاسسنيك
توپتىق جۇمىس.
1 - تاپسىرما. «ىمدى بىلمەگەن - دىمدى بىلمەيدى» ويىنى.
وقۋشىلار ءبىر - بىرىنە مەكتەپ تۋرالى ىم - قيمىل كورسەتەدى جانە شەشۋىن تابادى.
بۇل تاپسىرما وقۋشىلاردى ويلاۋعا، قيالىن قوزعاۋعا جانە ءسوز تىركەستەرىن دۇرىس قۇراي بىلۋگە ۇيرەنەدى.
تاۋەلدىك جالعاۋ
جەكەشە ءتۇرى
I. مەنىڭ... ىم،... ءىم،... م
II. سەنىڭ... ىڭ،... ءىڭ،... ڭ
ءسىزدىڭ... ىڭىز،... ءىڭىز،... ڭىز،... ءڭىز
III. ونىڭ... ى،... ءى،... سى،... ءسى

2 - تاپسىرما. تاۋەلدىك جالعاۋلارىن دۇرىس جالعاڭدار.
I. مەنىڭ سىنىپتاس... وقۋلىق...
II. سەنىڭ
ءسىزدىڭ

III. ونىڭ
3 - تاپسىرما. سۋرەتتەر بويىنشا سويلەمدەر جانە سۇراقتار قۇراستىرىڭدار.
بۇل تاپسىرما وقۋشىلاردى اۋىزەكى سويلەۋگە، سۇراق قويا بىلۋگە جانە سۇراقتارعا جاۋاپ بەرە بىلۋگە ۇيرەتەدى. كەلگەن قوناقتىڭ سۇراقتارىنا جاۋاپ بەرە وتىرىپ وقۋشىلاردا العان بىلىمدەرىن ومىردە قولدانا الاتىنىنا سەنىمدىلىك تۋادى.

سەرگىتۋ ءساتى
قولدى بەلگە قويايىق،
باستى وڭعا بۇرايىق،
باستى سولعا بۇرايىق،
ءبىر وتىرىپ، ءبىر تۇرىپ،
ءبىر دەمالىپ الايىق.
3 - تاپسىرما.

3 - تاپسىرما وقۋشىلاردىڭ ويلاۋ، قيالداۋ قابىلەتتەرىن ارتتىرادى.
ساباقتى قورىتىندىلاۋ.

ءۇي تاپسىرماسى سۇراۋ. مەكتەپ تۋرالى قىزىقتى دەرەكتەر.
1. الەم مەكتەپتەرىندە پايدالانىپ جۇرگەن كوبەيتۋ كەستەسىن قىتايدا ويلاپ تاپقان.
2. مەكتەپ فورماسى ەڭ ءبىرىنشى ۇلىبريتانيادا پايدا بولعان.
3. الەمدەگى ەڭ ۇزاق ساباق 2003 جىلى بولعان. بيولوگ ءمۇعالىم 54 ساعات بويى ساباق وتكەن.
4. ەڭ ءبىرىنشى قازاق مەكتەبىن 1864 ج. اعارتۋشى - پەداگوگ، جازۋشى ىبىراي التىنسارين اشتى.
5. بيەۆەرلي قالاسىنىڭ تۇرعىنى فرەد باتلەر 106 جاسىندا مەكتەپ ءبىتىرىپ، ديپلوم العان.
6. ەڭ ۇلكەن مەكتەپ ءۇندىستاندا. بۇل مەكتەپتە 45000 وقۋشى وقيدى. مۇندا 2500 ءمۇعالىم، 1000 سىنىپ بار.
7. ەڭ ەسكى مەكتەپ - فەس قالاسىنداعى كاراۋين مۇسىلمان مەكتەبى. ول 859 جىلى سالىنعان.
8. وقۋ جىلى الەمنىڭ 43 ەلىندە - 1 قاڭتاردا، 16 ەلدە - 1 ناۋرىزدا، 122 ەلدە - 1 قىركۇيەكتە باستالادى.
9. اقش تۋىندا بەينەلەنگەن جۇلدىزشالاردى مەكتەپ وقۋشىسى ويلاپ تاپقان.

ۇيگە تاپسىرما.
تۇران - وزىنە سەنەتىندەر مەن تابىسقا ۇمتىلاتىندار ءۇشىن! بۇل تۇران مەكتەپ - ليسەيىنىڭ ۇرانى.
سەن مەكتەبىڭنىڭ ۇرانى قانداي بولعانىن قالايسىڭ؟
رەفلەكسيا. وقۋشىلاردى باعالاۋ.

اڭگىمەلەي الامىن.
سويلەمدەر قۇراستىرا الامىن.
ءسوز تىركەستەرىن قۇراي بىلەمىن.
مەكتەپ تاقىرىبىندا سوزدەر بىلەمىن.
ساباقتى اياقتاۋ.
مەكتەبىڭ مىناۋ كلاسسىڭ،
وسىندا ون جىل تۇراسىڭ.
تارىداي بولىپ كىرەسىڭ،
تاۋداي بولىپ شىعاسىڭ،- دەپ مۇقاعالي ماقاتايەۆ ايتقانداي ەلىمىزدىڭ ءبىلىمدى، تاربيەلى ازاماتى بولىڭىزدار! راقمەت!