InfoHub Logo

يۋ.گاگارين ورتا مەكتەبىندە ا.بايتۇرسىنوۆتىڭ 150 جىلدىق مەرەي تويىن نەگىزگە الا وتىرىپ، " ۇلتىنا عۇمىرىن ارناعان ۇلى تۇلعا"تاقىرىبىندا قازاق ءتىلى مەن ادەبيەتى اپتالىعى جوسپارلانىپ، ءتۇرلى شارالار ۇيىمداستىرىلدى. سونىمەن قاتار قورىتىندى كەش "ۇلكەندەر جولى- ۇلىلىق، ۇرپاعى جۇرەر ۇعىنىپ" تاقىرىبىنداعى ارداگەر ۇستاز مامبەت گۇلنار قالەكەس قىزىمەن كەزدەسۋگە ۇلاستى

اياۋلى قارا شاڭىراقتا وتكەن جىلى كەزدەسۋدە وقۋشىلار ولەڭ وقىپ، ۇستازعا جۇرەكجاردى لەبىزدەرىن جەتكىزىپ، كوكەيدە جۇرگەن سۇراقتارىن قويدى.

گۇلنار قالەكەس قىزى زەينەتتىك دەمالىسقا شىقسا كىتاپ وقۋدان،ىزدەنۋدەن ءارقاشان توقتامايتىنىن ايتىپ ءوتتى. ارداگەر ۇستاز تۋعان ولكە تاريحىن ءبىلۋ ءاربىر جاس ۇرپاقتىڭ قاسيەتتى بورىشى ەكەندىگىن زەردەلەي وتىرىپ، زينەدەن اۋىلىنداعى مادەنيەت ءۇيىنىڭ جانىندا شاعىن مۇراجاي اشۋ جۇمىسىن ۇيىمداستىردى.

«قازىرگى ۋاقىتتا اۋىلداعى يۋ. گاگارين اتىنداعى ورتا مەكتەبىنىڭ تاريحىن زەرتتەپ، وسى مەكتەپتە  بۇرىن قىزمەت ەتكەن ءقازىر  باقيلىق بولعان ۇستازداردىڭ ەڭبەكتەرىن جيناقتاپ، مۇراجاي اشۋ باستى ماقساتىم دەيدى»،-ۇستاز

تاعىلىمدى كەشتىڭ سوڭى وقۋشىلاردىڭ ادەبي-سازدى باعدارلاماسىنا ۇلاسىپ، ۇستازعا سىيلىقتارىن ۇسىندى.

گۇلنار قالەكەس قىزىنىڭ عۇمىر جولىنا قىسقاشا شولۋ

گۇلنار قالەكەسقىزى- پەداگوگيكالىق سالادا شىعارماشىلىقپەن ەڭبەك ەتكەن ىزدەنىمپاز ۇستازداردىڭ ءبىرى. ول - قوعامنىڭ ينتەللەكتۋالدىق قۋاتى ءبىلىمدى دە دارىندى، شىعارماشىل تۇلعا تاربيەلەۋدى نەگىزگى ۇستانىمىم دەپ سانايتىن جوعارى ساناتتى قازاق ءتىلى مەن ادەبيەتى ءپانىنىڭ ءمۇعالىمى بولدى.

سونىمەن بىرگە بەلگىلى عالىمدار د. ب. ەلكونين مەن ۆ. ۆ. داۆىدوۆتىڭ ديداكتيكالىق جۇيەسى نەگىزىندە دامىتا وقىتۋ مودەلى جانە بلۋمنىڭ جۇيەسى بويىنشا ماقسات قويۋ تەحنولوگياسىن نەگىزگە الا وتىرىپ، ءتىل مەن ادەبيەتكە بەيىم بالانى تاني ءبىلۋ، تاربيەلەۋ جانە دامىتۋ ماقساتىندا قابىلەتتى بالالارعا ارنالعان باعدارلاما جاساقتاپ جۇمىس جۇرگىزدى.

سونىڭ ناتيجەسىندە وقۋشىلارى وبلىستىق پاندىك وليمپيادا، وعج بايقاۋى، «الپامىس باتىر» جىر بايقاۋى، ماحامبەت، اباي، ماعجان وقۋلارى جانە ءتۇرلى جىر سايىستارىنىڭ بىرنەشە دۇركىن جۇلدەگەرى اتاندى. ۇستاز سوڭعى جىلدارى وقۋشىلاردىڭ رەسپۋبليكالىق جانە حالىقارالىق ينتەللەكتۋالدىق سايىستارىنا جانە شىعارماشىلىق بايقاۋلارىنا قاتىسۋىن دا باستى نازاردا ۇستادى. ديرەكتوردىڭ وقۋ ءىسى جونىندەگى ورىنباسارى قىزمەتىن اتقارا ءجۇرىپ، وقۋشىلاردى ۇبت-گە دايىنداۋدىڭ وزىندىك ۇلگىسىن قالىپتاستىردى.

وزىنەن ءتالىم العان شاكىرتتەرى وبلىسىمىزدىڭ ءار قيىرىندا ءوز ماماندىقتارىنىڭ ۇزدىكتەرى رەتىندە تانىلۋدا. سونىمەن بىرگە ەلىمىزدىڭ ىرگەلى وقۋ ورىندارىندا تىلشى-ادەبيەتشى، جۋرناليست ماماندىقتارى بويىنشا ءبىلىم الۋدا.

گۇلنار قالەكەس قىزى ۇستازدىق ەڭبەك جولىندا سىنىپ جەتەكشىلىك قىزمەتىن دە قوسا اتقاردى. سىنىپ وقۋشىلارىن زەرتتەۋدىڭ ارنايى باعدارلاماسىن قۇراستىردى. وعق-نىڭ، «جاس مۇعالىمدەر» مەكتەبىنىڭ جانە ءپان بويىنشا ادىستەمەلىك بىرلەستىك پەن كابينەتتىڭ جەتەكشىسى بولدى. ءوز اتىندا «وزات تاجىريبە» مەكتەبى قۇرىلدى. ىس-تاجىريبەسى «جاس مۇعالىمدەردىڭ تالىمگەرى»، «ونەگە-جەتەكشىدەن»، «كابينەت-بىلىم ۇياسى» تاقىرىپتارىمەن «قازاقستان ءمۇعالىمى»، «قازاقستان مەكتەبى» جانە «قازاق ءتىلى مەن ادەبيەتى» باسىلىمدارىندا جاريالاندى.

«ادىسكەر- ءمۇعالىم» اتاعىن جانە «ق ر ءبىلىم بەرۋ ءىسىنىڭ ۇزدىگى» بەلگىسىن يەلەنگەن. اۋداننىڭ الەۋمەتتىك - ەكونوميكالىق دامۋىنا قوسقان ۇلەسى ءۇشىن ەكى مارتە «جىل ۇزدىگى» اتانعان. اتىراۋ وبلىسى مۇعالىمدەرى ەنسيكلوپەدياسىنىڭ 2-تومىنا جانە رەسپۋبليكالىق «عىلىم» باسپاسىنىڭ «شاكىرت جۇرەگىنە جول تاپقان ۇستاز» جيناعىنا ەسىمى ەنگىزىلگەن. قر-سى تاۋەلسىزدىگىنىڭ 25 جىلدىعى مەرەكەلىك مەدالىمەن ماراپاتتالعان.

گۇلنار قالەكەس قىزى الدىنا كەلگەن ءار شاكىرتكە جەكە تۇلعا رەتىندە قارايتىن، ءوز جۇرەك جىلۋىن شاكىرتتەرىنە بەرە بىلگەن، ۇجىمنىڭ جانە كوپشىلىكتىڭ قۇرمەتىنە بولەنگەن، عيبراتتى ىستەرى مول ۇستاز بولا ءبىلدى.

نۇركەن ماعريدەن ۇلى

---