InfoHub Logo

عىلىممەن جاقىن بولساڭ، قولىڭ جەتەر...

مەنىڭ جوعارى وقۋ ورنىم - مەنىڭ ماقتانىشىم دەپ اۋىز تولتىرىپ ايتارلىقتاي دارەجەدە. بالا كەزىمىزدەن باستاپ ۇلكەن-ۇلكەن عيماراتتاردان قولدارىنا كىتاپتارىن ۇستاپ شىعىپ كەلە جاتقان ستۋدەنتتەرگە قىزىعۋشى ەدىك. ەندى مىنە ءوزىمىز دە وزگەلەر قىزىعىپ تا، قىزعانىپ تا قارايتىن بىلدەي ءبىر ستۋدەنت بولدىق. كوپتەگەن ەلىمىزدىڭ كوشباسشىسى بولىپ جۇرگەن تانىمال ادامداردىڭ ءىزىن باسىپ، مەن دە قازۇۋ-نە ارماننىڭ جەتەگىنە ەرىپ ءتۇستىم. بۇل تاڭداۋىما بىردە-بىر رەت وكىنگەن ەمەسپىن. جان-جاقتى ءبىلىم، قىزىقتى ستۋدەنتتىك شاق، ءار-تۇرلى كونسەرت، وليمپيادا، ستۋدەنتتىڭ بىلىمگە قىزىعۋشىلىعىن ارتتىراتىن ءتۇرلى ءىس-شارالار، مۇنىڭ بارلىعى ءسوزسىز ستۋدەنتتى العا جەتەلەيدى. "جاستا وقىعان وقۋىڭ - تاسقا جازعانمەن بىردەي" دەگەندەي قاتارلاستارىمىزبەن جارىسا وقۋ وقيمىز. نەلىكتەن قازۇۋ؟ نە ءۇشىن مەن وسى جوعارى وقۋ ورنىن تاڭدادىم؟ وعان بىرنەشە سەبەپ بار: 

1. ءال-فارابي اتىنداعى قازۇۋ وتاندىق ۋنيۆەرسيتەتتەر ۇلتتىق رەيتىنگىسىنىڭ كوشباسشىسى جانە QS حالىقارالىق رەيتىنگىسىندە الەمنىڭ 800 ۇزدىك ۋنيۆەرسيتەتتەرى اراسىندا 220 ورىندى الادى، ۋنيۆەرسيتەت 13 پوزيسياعا جوعارىلاپ، 207ء-شى ورىنعا تۇراقتادى. بۇل - ۋنيۆەرسيتەتىمىزدىڭ ۇزدىكسىز دامۋ ۇستىندە ەكەندىگىن كورسەتەدى. 

2. ۋنيۆەرسيتەتتىك كامپۋستا زاماناۋي وقۋ عيماراتتارى، عىلىمي ينفراقۇرىلىم، كىتاپحانا، ينتەرنەت-ورتالىق، فۋدكورتتار، سپورت كەشەنى، كينوتەاتر، «كەرەمەت» ستۋدەنتتەرگە قىزمەت كورسەتۋ ورتالىعى، ستۋدەنتتەر سارايى، اسكەري كافەدرا، باسسەين، «جاس عالىمدار ءۇيى» بار. ستۋدەنتتەرەگe ىڭعايلى جاتاقحانالاردان ورىن بەرىلەدى.

3. 16 فاكۋلتەتتە 86 ماماندىق بويىنشا جوعارى ءبىلىم (باكالاۆريات) الۋ، ماگيستراتۋرا مەن PhD دوكتورانتۋرادا وقۋدى جالعاستىرۋ مۇمكىندىگى بار. وقۋ ءۇش تىلدە: قازاق، ورىس جانە اعىلشىن تىلدەرىندە جۇرگىزىلەدى.

4. جوعارى جانە ارنايى ورتا ءبىلىم نەگىزىندە ءبىلىم الۋ. وقۋدىڭ تۇرلەرى: كۇندىزگى جانە قاشىقتىقتان وقىتۋ.

5. ۇزدىكسىز ءبىلىم بەرۋ جۇيەسى: بەيىندىك مەكتەپ، كوللەدج، باكالاۆريات، ماگيستراتۋرا، PhD دوكتورانتۋرا – ساتتىلىككە باستار جول! مۇنىڭ بارلىعى باسقا جانعا اسىرا ماقتاۋ بولۋى مۇمكىن، ءبىراق، قازۇۋ - مۇمكىندىكتەرگە تولى يننوۆاسيالىق مەكەن ەكەندىگىن مويىنداۋىمىز كەرەك.  بۇل جەتىستىكتەر قازۇۋ ەڭبەك ۇجىمىنىڭ، ۇستازداردىڭ قاجىرلى ەڭبەگى مەن ۋنيۆەرسيتەت باسشىلىعىنىڭ جۇمىستى پاراساتتى دا ساپالى ۇيىمداستىرۋ ءبىلۋىنىڭ ارقاسى ەكەندىگىندە ءسوز جوق. وتاندىق جانە شەتەلدىك جۇمىس نارىعىندا باسەكەگە قابىلەتتى جوعارىبىلىكتى دە ءبىلىمدى مامانداردى دايارلاپ، كادر پوتەنسيالىن قۇرۋدى باستى مۇراتى ەتكەن قازۇۋ-لىقتاردىڭ نەگىزگى ماقساتى – كلاسسيكالىق ۇلتتىق ۋنيۆەرسيتەتتەن الەمدىك دەڭگەيدەگى زەرتتەۋ ۋنيۆەرسيتەتىنە اينالۋ. قازىرگى تاڭدا، وقۋ ورنىمىز ستۋدەنتتەرىنە ءبىلىم الۋعا بارلىق مۇمكىندىكتى بەرىپ وتىر، ال ونى ميعا توقىپ، ۋنيۆەرسيتەتىمىزدىڭ دەڭگەيىن كوتەرۋ - ءبىزدىڭ قولىمىزدا!

شاكەن پەريزات جومارت قىزى

---