قازان
«قازان» كۇيىنە قاتىستى ەل ىشىندە مىناداي ءبىر ءسوز بار. ىقىلاس ءوز كىندىگىنەن تۇسىپبەك، ماقۇلباي، اقىنباي دەگەن ءۇش ۇل كورگەن. ۇشەۋى دە اكە ونەرىن شاشاۋ شىعارماي، بويلارىنا دارىتقان قوبىزشىلار بولعان.
وسىلاردىڭ ىشىندە ۇلكەنى بولعان سوڭ ەرتەرەك شارۋاعا ارالاسىپ، اعايىنعا باس-كوز بولعانى تۇسىپبەك. ەتى ءتىرى تۇسىپبەكتىڭ قوتانىنا مال ءبىتىپ، ساۋداسى ساتىمەن ءجۇرىپ، اجەپتاۋىر داۋلەت يەسى بولعان ادام.
ءبىر جىلى ارقا بايلارى مەن سەرىكتەسىپ ءىربىت جارمەڭكەسىنە كىرە تارتادى. وزىمەن بىرگە «ءارى سەرىك بولاسىڭدار، ءارى ەل-جەر كورەسىڭدەر» دەپ، اكەسى ىقىلاس پەن ءىنىسى ماقۇلبايدى ەرتىپ الادى.
ءىربىت جارمەڭكەسىندە ساۋداسى ساتىمەن جۇرگەن ارقا بايلارى ىرگەدە ءتيىپ تۇرعان قازان قالاسىنىڭ قازىنالى دۇكەندەرىنە سوعا ءجۇرۋدى نيەت ەتەدى. بىرگە كەلىپ، بولەك قايتۋدىڭ قيسىنىن تاپپاعان تۇسىپبەكتەر دە امالسىز قازانداتىپ قايتپاق بولادى. وسى ساپار قازان قالاسىنا جەتكەندە ماقۇلباي توسىن ءبىر دەرتكە شالدىعىپ، دۇنيە سالادى.
سوندا ىقىلاس:
«قازانعا مەن بارعانىم،
ماقۇلبايدان قالعانىم!..» —
دەپ، ءوزىنىڭ جوقتاۋ كۇيىن تارتىپ ەدى دەيدى.
بۇل كۇيى كەيىن ەل ىشىنە «قازان» دەگەن اتپەن تارايدى.
You Might Also Like
-
بىردە ەردەن جاپسار جاتقان تامانىڭ قازى دەگەن الدىسىمەن قىرباي بولىپ، قىر كورسەتۋ ءۇشىن الالى جىلقىسىن ويسىراتا ايداتىپ الادى. جىلقىشىلار دەرەۋ ءىز كەسىپ، ۇرلانعان جىلقىلاردىڭ باعانالى ەلىنە تىرەلگەنى...
-
كوڭىل قۇلازىعان ساتتە اينالامىزدى قارا تۇنەك قاپتاعانداي كۇي كەشەمىز. ارمان-ماقساتتارىمىزدىڭ كۇيرەگەنىن سەزىنەتىنىمىز حاق. ەگەر كۇندەلىكتى جانىڭىزعا جىلۋ سىيلايتىن سوزدەردى ايتۋدى جيىلەتسەڭىز، ءوز ج...
