مۇعالىمدەرگە سىيلىق جاساۋعا بولا ما — مينيسترلىك تۇسىنىك بەردى
ەلىمىزدىڭ ءبىلىم جانە عىلىمي مينيسترلىگى ۇستازدارعا سىيلىق جاساۋدىڭ زاڭدىلىعىنا قاتىستى رەسمي تۇسىنىكتەمە بەردى.
مينيسترلىكتىڭ باسپا ءسوز قىزمەتى ۇسىنعان مالىمەتكە سايكەس، زاڭ تۇرعىسىندا ۇستازدارعا سىيلىق جاساۋعا تىيىم سالىنباعان. ويتكەنى، ۇستازدار مەملەكەتتىك قىزمەتكەر ەمەس.
سونداي-اق، بيىل مامىر ايىندا ەلىمىزدىڭ باس ۇستازى اسحات ايماعامبەتوۆ پەداگوگ قاۋىمعا قۇرمەت كورسەتىپ، گۇل شوعىن سىيلاۋ سىبايلاس جەمقورلىق قاۋپىنە جاتپايتىنىن العا تارتقان ەدى.
«قوعامدا ۇستازدارعا گۇل سىيلاۋ جەمقورلىقتىڭ بەلگىسى دەگەن پىكىر بار. ءبىز ونىمەن كەلىسپەيمىز. وسى ورايدا الدىمەن قانداي جاعدايدا جەمقورلىق بولىپ سانالاتىنىن انىقتاپ العان ءجون. مەكتەپ تابالدىرىعىن اتتاعان ءبۇلدىرشىن ۇستازىنا قۇرمەت كورسەتىپ، گۇل سىيلاسا، ول — جەمقورلىق ەمەس»، — دەگەن ەدى ءبىلىم ءمينيسترى باق-قا بەرگەن سۇحباتى بارىسىندا.
سونىمەن قاتار، ۆەدومستۆو باسشىسى ءبىلىم وشاقتارىندا پەداگوگيكالىق ادەپ ساقتالۋى كەرەكتىگىن ەسكە سالىپ، سىبايلاس جەمقورلىققا جول بەرمەۋ كەرەكتىگىن قاتاڭ ەسكەرتتى.
ول دەگەنىمىز — مەكتەپ قابىرعاسىندا ءتۇرلى سىلتاۋمەن ۇستازداردان اقشا جيناماۋ كەرەك نەمەسە باسشىلىققا قىمبات سىيلىق جاساۋ دەگەن سەكىلدى دۇنيەلەردەن اۋلاق بولۋ كەرەك دەگەن ءسوز.
ەسكە سالا كەتسەك، وتكەن جىلدان باستاپ ەلىمىزدە مەملەكەتتىك قىزمەتكەرگە سىيلىق جاساۋعا جانە ونى الۋعا تولىق تىيىم سالىندى.
You Might Also Like
-
جۇگەرى، مايس — استىق تۇقىمداسىنا جاتاتىن ءبىر جىلدىق شوپتەسىن وسىمدىك. العاش ورتالىق جانە وڭتۇستىك امەريكادا تارالعان. مەكسيكادا ءبىزدىڭ زامانىزدان بۇرىنعى 5200 جىلى شاماسىندا ەرتەدەگى ماييا مەن...
