مۇسىلماندىق شارتى
ۋا دوستار، جاقسى مىنەزدى بولۋعا تىرىسۋ كەرەك. اۋەلى ىنساپتى بولۋ كەرەك. ىنساپ دەگەن ءار ىستە اسپاي، كەم قالماي، ورتاشا بولماي، ادىلەت دەگەن دە وسىدان شىعادى، ءار ءىستىڭ ورنىن تاۋىپ ىستەمەك تە وسىدان شىعادى. اياتتا: «ين-نال-لاھا يۋحيببۋل-مۋكسيتينا» — ماعىناسى: اللا تاعالا ادىلدىك قىلعانداردى سۇيەدى دەگەن.
بيسميل-لاھير-راحمانير-راحيم!
ولشەۋسىز، سانسىز عالامدى باسىندا جوقتان بار قىلعان قۇدىرەتىندە ولشەۋ جوق، تەڭدەس، شەرىگى جوق، ءمىنسىز اللا تاعالاعا سانسىز رازىلىق شۇكىر.
مۇنان سوڭ اللا تاعالانىن، ابزال جاراتقان اقىرزامان پايعامبارى مۋحاممەد مۇستاپا ساللا اللاھۋ عالايھي ءۋا ءساللام حازىرەتىنە سالاۋات.
مۇنىن، سوڭىندا، ۋا، دوستار، اللا تاعالا بارشا ادام بالاسىن ءبىر اللا تاعالانىڭ بارلىعىن، بىرلىگىن ءھام ءوزىن جاراتقان يە ەكەنىن ءبىلىپ، يمان كەلتىرىپ، قۇلشىلىق قىلسىن دەپ جاراتقان. اياتتا: «ۋا ما حالاقتۋل-جيننا ۋال-ينسا يللا لي ياعبۋدۋنا» — دەگەن، ماعىناسى: جىن مەنەن ادامداردى قۇلشىلىق قىلسىن دەپ جاراتتىم دەگەن. سولايشا قۇلشىلىق ءۇشىن جارالعاندى وقىعاندارىڭىز كىتاپتان، وقىماعاندارىڭىز مولدالاردان ەستىپ-بىلگەن شىعارسىزدار. الايدا بولسا، ءبىزدىڭ قازاق حالقىنىڭ ءوز بىلىمىنەن جازىلعان كىتاپ جوق بولعان سوڭ، عاراب، پارسى كىتاپتى بىلمەك تۇگىل، نوعاي تىلىمەن جازىلعان كىتاپتاردى دا انىقتاپ ۇعا العان جوق شىعار دەپ ويلايمىن. سول سەبەپتەن يمان، عيبادات تۋراسىن شامام كەلگەنشە قازاق تىلىمەن جازايىن دەپ ويلاندىم. بۇل كىتاپ ءاربىر قازاق وقۋعا وڭاي بولىپ، ءارى ولارعا پايدا، ءارى وزىمە ساۋاپ بولا ما ەكەن دەپ، اللا تاعالانىڭ راقىمەتىنەن ءۇمىت ەتتىم. ءامين.
ەندى بۇرىن يمان تۋراسىن انىقتاپ ءبىلۋ كەرەك. سول سەبەپتەن اۋەلى يمان تۋراسىن شامام كەلگەنشە ۇقتىرايىن.
You Might Also Like
-
ارعىن اعانىڭ ناسىلىنەن قودان، ونىڭ بالاسى دايىرقوجا، لاقاپ اتى، مۇنىڭ ەكى بالاسى سارجەتىم، شاقشاق ولاردىڭ ءناسىلى كىشى جۇزدە توقال ارعىن اتانادى.
-
قازاقستان العاش رەت دۇنيەجۇزىلىك وقۋشىلار گيمنازياداسىنا قاتىسادى. ەل نامىسىن حالىقارالىق جارىستا سپورتتىڭ 18 تۇرىنەن 234 وقۋشى قورعايدى، دەپ حابارلايدى ق ر بعم باسپا ءسوز قىزمەتى.
