ميترالدىق ستەنوز
ميترالدىق ستەنوز — وتە ءجيى كەزدەسەتىن جۇرەك اۋرۋلارىنىن ءبىرى. ول كەي جاعدايدا جەڭىل بولعانىمەن، كەي جاعدايدا اۋىر وتەتىنى سونشالىقتى، ءتىپتى وتا جاساۋعا تۋرا كەلەدى. بۇل اۋرۋعا شالدىققاندا ميترالدىق قاقپاكشا اناتوميالىق وزگەرىسكە ۇشىرايدى. سول جاقتاعى جۇرەكشە مەن جۇرەكتىڭ سول جاقتاعى قان قۋىسى ارالىعىندا ورنالاسقان كاقپاقشا ەكى جارمادان تۇرادى. وسى جارمالار جۇرەكشەدەن قاننىن قان قۋىسىنا اعۋىن ونى اشىپ-جابۋ ارقىلى رەتتەيدى.
ميترالدىق ستەنوز — كوبىنەسە 50 پايىزدان استام جاعدايدا قۇزداما (ريەۆماتيزم) اۋرۋلارىنان كەيىن جۇرەك قاقپاقشاسىنىڭ جۇرە پايدا بولاتىن اقاۋى. ول بۇكىل جۇرەك اۋرۋلارىنىڭ 10 پايىزعا جۋىعىن كۇرايدى جانە باسقا ميترالدىق كاقپاقشا اۋىتقۋلارىنا قاراعاندا ءجيى كەزدەسەدى.
بەلگىلەرى
اۋرۋدىڭ كورىنىسى كوپ جاعدايدا ميترالدىق ستەنوزدىڭ كولەمى مەن دامۋ ساتىسىنا بايلانىستى. بۇل سىرقاتقا شالدىققان ناۋقاستىڭ ەڭبەك قابىلەتى شەكتەلەدى: بىرىنشىدەن، بۇلشىق ەتتەر تەز شارشايدى، ەكىنشىدەن، ناۋقاس تىنىسى تارىلىپ، ەنتىگەدى. مۇنداي جاعداي ءار ناۋقاستا ءارتۇرلى سيپاتتا بولادى. بۇلشىق ەتتەردىڭ تەز شارشايتىندىعى قان اينالىسىنىڭ ۇلكەن شەڭبەرىنىڭ قىزمەتتىك مۇمكىندىكتەرىنىڭ شەكتەلۋىمەن تۇسىندىرىلەدى. الايدا، بۇل بەلگى سىرقاتتىڭ كلينيكالىق كورىنىسىنىڭ ەلەمەنتى بولىپ تابىلمايدى، ويتكەنى تىنىسى تارىلىپ بارا جاتقان ناۋقاس قيمىلسىز قالادى. قولقانىڭ تارىلۋىنا ميترالدىق ستەنوزعا شالدىققان ناۋقاستىڭ برونحيتكە ءجيى شالدىعۋى سەبەپشى بولادى. قاندى قاقىرىق تاستاۋ — وتە ءجيى كەزدەسەتىن سيمپتوم. مۇنداي جاعدايدا قاقىرىق كوبەيىپ، ونىڭ كۇرامىنا قان ارالاسادى. بۇل بەلگى اۋرۋ باستالعان ساتتە بايقالادى جانە ول وكپەنىڭ كوكتامىرلارىندا قان قىسىمىنىڭ كوتەرىلگەنىن بىلدىرەدى.
سيرەك جاعدايدا ستەنوكاردياعا ءتان اۋىرسىنۋ پايدا بولادى. ۇستاما ءتارىزدى اۋىرسىنۋلار ارتەريالىق قىسىمنىڭ كەنەت كوتەرىلىپ كەتۋىنەن تۋىندايدى.
زەرتتەۋ
تىڭداۋ (اۋسكۋلتاسيا) ارقىلى ەڭ الدىمەن جۇرەكتىڭ جوعارعى جاعىنان شىققان دىبىستى تىڭداۋعا بولادى. ميترالدىق ستەنوزدى ەحوكارديوگرافيانىڭ كومەگىمەن ناقتامالاۋ سەنىمدىرەك. كوكىرەك قۋىسىنا ەلەكتروكارديوگرافيا جانە رەنتگەنوگرافيا جاساۋدىڭ دا جاقسى كومەگى تيەدى. سول ارقىلى جۇرەك پوشىمىنداعى وزگەرىستەردى (گيپەرتروفيا جانە شەكارالاردىڭ كەڭەيۋىن) باعالاۋعا بولادى.
اعىمى
ميترالدىق ستەنوز بىرتىندەپ داميدى. ول ءۇشىن قۇزدامالىق ۇدەرىستەن سوڭ 2 جىل ءوتۋى ءتيىس. سودان كەيىن عانا جۇرەك اقاۋى بايقالادى. اقاۋ كەزىندە اناتوميالىق اۋىتقۋلار كەيدە وتە جەڭىل بولىپ، ءومىر بويى بايقالماي ءوتۋى دە مۇمكىن. وسىنداي جاعدايدا ناۋقاس ەشقانداي شاعىم بىلدىرمەيدى، ۇزاق جاساپ، مۇلدە باسقا ءبىر اۋرۋدان قايتادى.
دارى-دارمەكتىك ەم
جەڭىل ءارى اسقىنباعان ءتۇرىن دارى-دارمەكتەرمەن ەمدەۋگە بولادى. ناۋقاس تىنىش، قالىپتى ءومىر سالتىن ساقتاۋى ءتيىس. اۋىر جۇك كوتەرۋدەن، اۋا رايىنىڭ كۇرت قۇبىلۋىنان، قاتتى ىستىقتان، كۇشتى سۋىقتان ساق بولىپ، ءوزىن دەنساۋلىققا زياندى ادەتتەردەن اۋلاق ۇستاۋى ءتيىس. ميوكاردتىڭ العاشقى زاقىمدانۋ بەلگىسى بايقالعان جاعدايدا ناۋقاسقا ءبىر جاعىنان دەنساۋلىعىنا قاتتى كۇتىم جاساۋ، دۇرىس تاماقتانۋ، ەكىنشى جاعىنان جۇرەك قىزمەتىنىڭ بۇزىلىستارىن بارىنشا جويۋعا باعىتتالعان ەم-دوم شارالارىن جاساتۋ قاجەت.
حيرۋرگيالىق ەم
قولما-قول ەم كومميسسۋروتوميانى (ميترالدىق قاقپاقشانىڭ الدىڭعى جانە ارتقى جارمالارىن كەڭەيتۋ) ۇسىنىلادى. كومميسسۋروتوميانى قاقپاقشا اقاۋلارىنىڭ ەداۋىر جەڭىل جاعدايلارىندا جاساۋ قاجەت. بۇل وتا كومميسسۋرلار تۇتاسىپ كەتكەندە جاسالادى. ميترالدىق ستەنوزعا وتانى ونىڭ العاشقى كەزەڭىندە جاساۋعا بولمايدى، سەبەبى بۇل اۋىتقۋ ۋاقىت وتە كەلە وتە جاقسى بۇتىندەلىپ كەتۋى مۇمكىن. ەكىنشى جاعىنان وتانى اسا كەشىكتىرىپ جاساۋعا دا بولمايدى. جالپى، اۋرۋدى ەمدەۋ تۇرلەرىن بىلىكتى مامان عانا شەشەدى.
ز.ۋردابايەۆا
You Might Also Like
-
سوت تەرگەۋشىسىنىڭ الدىندا ۇستىندە شۇبار كويلەگى، بۇتىندا قىرىق قۇراۋ دامبالى بار ءبىر تەلتيگەن، ەرەسەن ارىق مۇجىق تۇر. ءوزىنىڭ تۇك قاپتاپ، شەشەك شۇقىرايتقان بۇپ-بۇيرا بەتى مەن سالبىراعان قاپ-قالىڭ قا...
-
ءبىر نەمىس شاھارىندا گانس دەيتىن كيىم تىگەتىن ىسمەر ادام بولىپتى. ول كۇنى بويى تەرەزەنىڭ الدىنداعى ۇستەلدە ءىس تىگىپ وتىرادى ەكەن. كۇرتە دە، شالبار دا، كەۋدەشە دە تىگەتىن بولسا كەرەك.
