نە ءدامدى؟
ءبىر كۇنى قورادا تۇرعان جانۋارلار قانداي تاعام ءدامدى دەگەنگە تالاسىپ قالىپتى. ءارقايسىسى وزدەرى جاقسى كورەتىن تاعامدارىن دارىپتەسىپتى. بايلاۋداعى الا سيىر وكىرەشتەي جونەلىپتى:
— شىركىن، پىشەن مەن تازا جەمگە نە جەتسىن! سولاردان ءدامدى بۇل دۇنيەدە بىردە-بىر تاماق بولۋى مۇمكىن ەمەس!
بۇعان كەلىسپەيتىنىن تانىتقان قوي مەكىرەنە ماڭىرايدى:
— ءيا، جەم مەن پىشەن جاقسى-اق. ءبىراق جەلپىلدەگەن كوك مايسا بولسا، ودان دا جاقسى عوي!
بۇلارعا جىلقى ءوز داۋىن ايتادى:
— ارپا مەن س ۇلى ءدامدى ەمەس پە؟ كۇتىر-كۇتىر شايناساڭ، ونىڭ بالداي ءدامى تاڭدايىڭنان كەتپەيدى. – جوق، سەندەر تابا المادىڭدار. ءسۇت پەن ەتتەن ءدامدى ەشتەڭە جوق. بوسقا تالاسپاڭدار، – دەيدى مىسىق.
مۇنى ەستىگەندە ءيتتىڭ ىزاسى قوزىپ، ورنىنان اتىپ تۇرادى.
— سەن بوسقا كوكىمە، – دەيدى مىسىققا جەكىرىپ. – نەنىڭ ءدامدى ەكەنىن مەن ايتايىن: سۇيەك دەگەندى ەستىپ پە ەدىڭدەر؟ كەمىگى كوپ سۇيەكتەن ءدامدى ەشتەڭە جوق!..
سوندا اڭگىمەگە تۇيە قوسىلدى:
— سەندەر بوسقا داۋلاسىپ تۇرسىڭدار. دالانى مەنەن كوپ شارلايتىن ەشقايسىڭ جوقسىڭ. ءشول دالادا ءبىر ءتۇپ تەمىر تىكەن ۇشىراسا كەتسە بار عوي، سونى كۇتىرلەتە شايناساڭ، سودان ءدامدى ەشتەڭە جوق!
ءبىراق ولار ءبىر-بىرىنىڭ ايتقانىنا يلانباي، ءالى كۇنگە دەيىن قالاعان ءشوبىن دارىپتەپ كەلە جاتقان كورىنەدى.
You Might Also Like
-
ءبىر كەپتەر ۇلكەن قايىڭنىڭ سالالى بۇتاعىنداعى قالىڭ كوك جاپىراقتاردىڭ اراسىندا بەيقام وتىر ەكەن، ەنتىگە جالپىلداپ، جوعارعى جاعىنداعى بۇتاققا مونتىق قارا قارعا كەلىپ قونىپتى. سودان كەيىن موينىن ءبىر ج...
-
ەرتەدە ءبىر كەمپىر مەن شال ءوتىپتى. ونىڭ بالاسى بولمايتىن. كەمپىر مەن شال ولەر حالىنە كەلىپتى. ءبىر كۇنى كەمپىر قۇدايدىڭ كۇدىرەتىمەن دىم سەزبەي اۋىرىپتى. شالدىڭ «ءولىپ قالا ما» دەپ كوزى الا...
