InfoHub Logo

ءتورتىنشى سۇلتان ابدول-بىلاپىت-حان بيلىك جۇرگىزگەن كەزدەن باستاپ ەلىمىزدىڭ كەرى كەتكەنىنە نە سەبەپ بولعانىن بىلەسىڭدەر مە؟ كانە، كىم ايتىپ جىبەرەدى؟.. بىلمەيسىڭدەر عوي... وڭكەي توپاستار! ءبارىڭدى دە ەكىنشى جىلعا قالدىرامىن!..

جارايدى، دۇرىستاپ تىڭداپ الىڭدار. ءبىزدىڭ ەلدىڭ وركەندەۋدى قويعانىنىڭ بىردەن-بىر سەبەبى: بىزدە ۇكىمەت كيلىكپەسكە كيلىگىپ، كىرىسپەسكە كىرىسىپ وتىرادى، وڭاشا ارەكەتكە ولسە دە جول بەرمەيدى.

ال گۋمانيزم دەگەنىمىز نە، دوستار؟

— نە دەدىڭ؟.. كۇن بۇلتتانسا-اق بۋىن-بۋىنىم شاعىپ، بەلىم قوزعالتپاي قويادى دەيسىڭ بە؟ جو-جوق، باۋىرىم، سەن گۋمانيزم مەن ريەۆماتيزمدى شاتاستىرىپ وتىرسىڭ. گۋمانيزم دەگەنىمىز — ادام.

ءبىز كىمبىز؟ ءبىز ءبارىمىز دە — ادامبىز. سىعارعا ءبيتى جوقتار دا، ارينە، ادام!.. سوندا ادام كىم؟.. تىرشىلىكتىڭ يەسى!..

ال ەندى ويلانا قالايىڭ: ەلىمىزگە وڭاشا ارەكەت پايدالى ما، قوعامدىق ارەكەت پايدالى ما؟ بۇعان دۇرىس جاۋاپ بەرۋ ءۇشىن تىرشىلىك يەسى — ادام ەكەنىن ءارقاشان ەستە ۇستاۋلارىڭ كەرەك. ادام جارىق دۇنيەگە قالاي كەلەدى؟..

نە دەدىڭ؟.. ايتۋعا ىڭعايسىز؟.. ءبىز مۇندا تەك عىلىممەن شۇعىلدانامىز. نەسى ىڭعايسىز، نەسى قۇپيا؟! سونىمەن، ال قالاي كەلەدى؟ وڭاشا ارەكەتپەن بە، الدە قوعامدىق ارەكەتپەن بە؟ قوعامدىق ارەكەتتىڭ ناتيجەسىندە جارىڭ دۇنيەگە كەلگەن بالانى كوردىڭدەر مە؟.. كورگەن جوقسىڭدار. ەشقاشان كورمەيسىڭدەر دە!..

كىم؟ بيباتيما ءپىرىم بە؟.. سەن بايقا! اۋزىڭا يە بولماساڭ، اياعىڭدى اسپاننان كەلتىرەرمىن!..

سونىمەن، ادام — وڭاشا ارەكەتتىڭ ناتيجەسى. سىزدىڭشە قالاي، وڭاشا ارەكەتتىڭ ناتيجەسى قوعامدىق ارەكەتكە قۇل بولسىن دەگىڭىز كەلە مە؟ ونىڭىز ادامنىڭ جاراتىلىسىنا جانە جالپى تابيعاتقا قاراما-قايشى بولادى. شىركىن، تابيعات-اي! قانداي كوركەم دەسەڭشى! مەن ءوز تابيعاتىمدى وتە جاقسى كورەمىن.

تابيعات جاساسىن!

ورىسشادان اۋدارعان عابباس قابىشيەۆ

---