ونەرلىنىڭ ءورىسى - كەڭ
بالاباقشاداعى سابيلىك شاعىنان تاربيەلەنىپ كەلە جاتقان بالادا مۋزىكانى تىڭداۋ، ونى ءتۇسىنۋ، ءان سالۋ قابىلەتتەرى بىرتە-بىرتە قالىپتاسادى.
مەنىڭ الدىعا قويعان ماقساتىم، مەكتەپ جاسىنا دەيىنگى بالالاردىڭ بويىنا ءان سالۋ داعدىلارىن قالىپتاستىرىپ، ونىڭ ىشىندە ونەرگە دەگەن قابىلەتى بار بالانىڭ ىنتاسىن ارى قاراي دامىتۋعا جول اشۋ.
قابىلەت دەگەنىمىز - بالا بويىنداعى بولاشاقتا الاتىن ءبىلىمى مەن ىسكەرلىگىنە تىكەلەي بەرىلەتىن مۇمكىندىك. بالالارعا ارنالعان ءتۇرلى كونكۋرستار مەن فەستيۆالدار وسىنداي مۇمكىندىكتەرگە جول اشادى. توپپەن ءان ايتۋ كەزىندە ءان ايتۋ مانەرىمەن، ءوزىن-وزى ساحنادا ەمىن-ەركىن ۇستاۋىمەن ەرەكشە كوزگە ءتۇسىپ جۇرگەن، «№4 ۆەتەروك بالاباقشاسىنداعى»، «تۇلپار» توبىنىڭ تاربيەلەنۋشىسى اقجىگىتوۆا حانشايىمنىڭ بولاشاعىنان زور ءۇمىت كۇتۋگە بولادى.
حانشايىم الماتى قالاسىندا جىل سايىن وتەتىن رەسپۋبليكالىق «كۇنشۋاق» فەستيۆال-كونكۋرسىنا قاتىسىپ، ونەرىن كورسەتىپ، 2015 جىلى وتكەن «راۋان» فەستيۆالىنەن 3 ورىن السا، بيىلعى جىلى 12 ناۋرىزدا وتكەن «پەرۆىە شاگي» فەستيۆالىنەن «انام-اجەم» ءانىن ناقىشىنا كەلتىرە ورىنداپ، 1 جۇلدەلى ورىنعا يە بولىپ، لاۋرەات اتاعىن الىپ كەلدى.
تۇلا بويىندا قانداي دا ءبىر ونەر قونعان بالانىڭ جان دۇنيەسى اسا سەزىمتال، ومىرگە قۇشتار، مىنەزى كوركەم بولىپ وسەتىنى انىق. بۇل رەتتە «ونەرلىنىڭ ءورىسى - كەڭ» دەگەن حالىق دانالىعى تاۋىپ ايتىلعان. مۋزىكانى ءتۇسىنىپ، اسەمدىك پەن ادەمىلىكتى سەزىنە وسكەن بالا قوعامعا تەك پايداسىن تيگىزەتىن، سانالى دا ءبىلىمدى، تاربيەلى، ادال ازامات بولىپ وسەرى ءسوزسىز!
حانشايىمنىڭ وسىنداي جەتىستىكتەرگە جەتۋىنە بىردەن ءبىر كومەگىن تيگىزىپ، قولداۋ كورسەتىپ جۇرگەن اناسىنا العىسىمدى بىلدىرەمىن!
پانفيلوۆ اۋىلى
«№4 ۆەتەروك بالاباقشاسىنىڭ»
ان-اۋەن جەتەكشىسى: بايعابىل لايلا جۇماش قىزى
You Might Also Like
-
نەلىكتەن بالالارىمىز شەكتەن شىعىپ بارادى جانە بۇل ءۇردىستى تىزگىندەۋ مۇمكىن بە؟
-
كۇن ساۋلەلى جىلىتۋ جۇيەلەرى دەپ جىلۋ كوزى رەتىندە كۇن رادياسياسىنىڭ ەنەرگياسىن قولداناتىن جۇيەلەرىن ايتادى. باسقا تومەن تەمپەراتۋرالى جىلۋ بەرۋ جۇيەلەرىنەن سيپاتتامالىق ايىرماشىلىعى – ارنايى ...
