وزىمە وڭ ساپار تىلەۋ
(قىسقا اڭگىمە)
حوش، سونىمەن مەن جازۋشىلىق جۇمىس جونىندەگى بايقاعاندارىمنىڭ ءبىرىنشى كىتابىن-جۇمىس ەندى عانا باستالدى، الدا ونىڭ ءىز تۇسپەگەن ولكەسى جاتىر — دەگەن سەزىممەن ءبىتىردىم. ءالى دە ايتىلماعان كوپ سوزدەر — ادەبيەتىمىزدىڭ ەستەتيكاسى، ونىڭ وي مەن سەزىمى ءارى باي، ءارى بيىك جاڭا ادامدى تاربيەلەۋ رەتىندەگى اسا ماڭىزدى ءرولى، سيۋجەت، يۋمور تۋرالى، ادامنىڭ مىنەز-قۇلقىن مۇسىندەۋ تۋرالى، ورىس ءتىلىنىڭ وزگەرىستەرى، ادەبيەتتىڭ حالىقتىعى تۋرالى، رومانتيزم، جاقسى تالعام، قولجازبانى جوندەۋ جونىندەگى سوزدەر بارشىلىق — ونىڭ ءبارىن ەسەپتەپ شىعا المايسىڭ.
بۇل كىتاپپەن جۇمىس ىستەۋ، قادام باسقان سايىن، جاڭا قيىرلار مەن جولدار اشىلىپ جاتاتىن بەيمالىم ەل ىشىمەن ساياحات جاساۋدى ەسكە ءتۇسىردى. ولاردىڭ پايدا اپاراتىنىن كىم بىلەدى، ءبىراق ولار وي-تولعانىستارعا ازىق بولاتىن كوپ-كوپ توسىن جايتتارعا جەتەلەيدى. ءبىراق قانشا ايتقانمەن، سو جول ساپارلاردىڭ كۇردەلى قيىن تۇيىندەرىن تولىق بولماسا دا، كومەسكىلەۋ كۇيىندە قاراستىرىپ، انىقتاپ شىعۋ ءارى قىزىق تا، ءارى قاجەتتى دە ءىس ەمەس پە.
1955-1964.
اۋدارعان ءابىلمىجىن جۇمابايەۆ
You Might Also Like
