پاۆلودارلىق ءمۇعالىم افريكاداعى 280 وتباسىنى تاماقتاندىردى
بارلىعى ءبىر توننا ۇن، 750 كەلى كۇرىش، 750 كەلى قانت، 250 كەلى تۇز، كوفە، تومات پەن ماكارون ساتىپ الىنعان.
29 جاستاعى اعىلشىن ءپانىنىڭ ءمۇعالىمى توعجان ىنتىقبايەۆا ءوزىنىڭ Instagram پاراقشاسىندا قايىرىمدىلىق شاراسىنىڭ فوتولارىن جاريا ەتتى، دەپ حابارلايدى pavlodarnews.kz.
"بارلىعى بىرەۋگە كومەكتەسىپ، جاقسىلىق جاسايىق دەگەن نيەتتەن پايدا بولدى، – دەيدى جاناشىر ءمۇعالىم. – مەيىرىمدى قازاقستاندىقتار 2،5 ميلليون تەڭگە جيناپ بەردى. بۇل – 280 وتباسىنىڭ ءبىر ايلىق ازىعىنا تەڭ. بۇگىن ءبىز اۋىلداردىڭ بىرىندە 10 پاكەتتى تاراتتىق. بالالارعا تاتتىلەر، ەرەسەكتەرگە ازىق-تۇلىك بەردىك. كەشە 120 پاكەت تاراتىلدى. بارلىعى ءبىر توننا ۇن، 750 كەلى كۇرىش، 750 كەلى قانت، 250 كەلى تۇز، كوفە، تومات پەن ماكارون ساتىپ الىندى. اۋەلى 80، كەيىن 40 پاكەتتى ەكى اۋىلدىڭ تۇرعىندارىنا جەتكىزدىك".
توعجان ىنتىقبايەۆانىڭ جۇبايى ازامات جاعىپاروۆتىڭ ايتۋىنشا، ونىڭ جۇبايى جانە قۇربىسى 4D كارتالاردى ساتىپ، اقشا تاپقان.
"ازىن-اۋلاق قارجى جيناپ، قاسيەتتى رامازان ايىندا ونى افريكاعا جولداپ، سول جاقتاعى مۇقتاج جاندارعا كومەك كورسەتكىمىز كەلدى، – دەيدى ازامات جاعىپاروۆ. – ءبىز جايلى ەستىگەن ءبىلىم مينيسترلىگى تاڭعالدى. ەكى قىز ءبىر ايدىڭ ىشىندە ەكى ميلليوننان استام قاراجات جيناعان. افريكادان ارنايى شاقىرتۋ كەلىپ، قايىرىمدىلىق جاساعاندارمەن كەزدەسۋدى قالايتىندارىن حابارلاعان. سونداي-اق، ولار قازاقستان حالقىنا ۇلكەن ريزاشىلىعىن ءبىلدىردى".
ايتا كەتەيىك، افريكاعا بارىپ كەلۋ يدەيا اۆتورلارىنا 500 مىڭ تەڭگەگە ءتۇستى. بۇل كۇنى وتباسى ەكى جاستاعى قىز بالانى تاربيەلەۋدە.
You Might Also Like
-
بۇرىنعى وتكەن زاماندا، جاعالبايلى دەگەن ەلدىڭ ىشىندە بازارباي دەگەن باي بولادى. مۇنىڭ تولەگەن، سانسىزباي دەگەن ەكى بالاسى بولادى. بازارباي ەلدەن اسقان داڭقى زور باي بولسا دا بالالارىنا جاس كۇنىنەن ...
