پەداگوگيكالىق ماماندىقتى تاڭدايتىن تۇلەكتەر سانى ارتىپ كەلەدى — ءبىلىم ءمينيسترى
ەلىمىزدە مەكتەپ بىتىرگەن تۇلەكتەردىڭ اراسىندا پەداگوگيكا ماماندىعىن تاڭداۋشى تۇلەكتەردىڭ سانى ارتقان. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
«وزدەرىڭىز بىلەتىندەي مەملەكەت باسشىسىنىڭ تاپسىرماسىنا سايكەس پەداگوگتاردىڭ مارتەبەسى تۋرالى زاڭ قابىلداندى. زاڭعا قاتىستى سىن پىكىرلەر دە كوپ بولدى. دەگەنمەن زاڭ اياسىنداعى جۇمىستار باستالىپ كەتتى. اتاپ ايتساق، بيىلعى ۇبت (ۇلتتىق ءبىرىڭعاي تەستىلەۋ) ناتيجەسىندە پەداگوگيكا ماماندىعىن تاڭداعان تۇلەكتەردىڭ سانى ارتىپ وتىر. سول سياقتى پەداگوگ ماماندىقتارى بويىنشا ۇبت ناتيجەسىنىڭ ورتاشا كورسەتكىشى ءوستى. بۇعان دەيىن پەداگوگ ماماندىقتارىنا 50 بالمەن ءتۇسۋ مۇمكىن بولسا، بيىل ول كورسەتكىش 70 بالدى قۇراپ وتىر. سونداي-اق، مەكتەپتى التىن بەلگىمەن ءبىتىرىپ، ۇستازدىق ماماندىقتى تاڭداعان تۇلەكتەردىڭ دە ۇلەسى 2 ەسەگە ءوستى. بۇل دەگەنىمىز پەداگوگيكا ماماندىعىنا دەگەن قىزىعۋشىلىق پەن سۇرانىستىڭ بارىن كورسەتەدى»، — دەدى اسحات ايماعامبەتوۆ پرەزيدەنتتىك جاستار كادرلىق رەزەرۆى مۇشەلەرىمەن كەزدەسۋ بارىسىندا.
You Might Also Like
-
پسيحوبيولوگ در. كۋرت پول ريحتەر 1957 جىلى دجون حوپكينس ۋنيۆەرسيتەتىندە تىشقاندارعا جاساعان زەرتتەۋىندە «ءۇمىت» كۇشىنىڭ، ياعني «ءۇمىتتى ۇزبەۋدىڭ» ومىرگە دەگەن قۇلشىنىس ءۇشىن قانش...
-
بۇگىن ءقادىر ءتۇنى. جەر بەتىنىڭ بۇكىل يماندى جاندارى جانىنا ريزىق، تانىنە ساۋلىق جانە جەكە باسىنا ۇزاق عۇمىر تىلەپ ءمىناجات ەتپەكشى. ال مەن اللادان ءومىر ءسۇرۋ ازابىنان قۇتقارۋىن سۇراپ قۇلشىلىق جاساماقش...
