(ي. ا. كرىلوۆتان)

كوشەدە ءپىل جەتەلەپ بىرەۋ ءجۇردى،
كىم كورىپتى حايۋاندى مۇنداي ءتۇرلى.
كورسەتكەلى اپ جۇرگەن جانۋاردى
تاماشالاپ، ارتىنان جۇرت بوپ ەردى.

كوشەدە كەز بوپ ءبىر قاندەن
ۇمتىلدى پىلگە شاپتىعىپ.
شاڭقىلداپ ءۇردى ەرلەنىپ،
تارتىنباي ۇرىسار جان شىعىپ.

قاندەنگە ءبىر يت كەزدەي بوپ
دەدى: "ءالىڭدى بىلسەڭشى،
پىلمەن ۇرىسار سيقىڭ جوق،
مازاق بولماي، قوي، كورشى!

قىرقىلداپ قالدىڭ، نە ءبىتتى؟
اۋرە بولماي، قوي!— دەدى.
سەن بۇلقىندىڭ، ول كەتتى،
جان دەگەن جوق ول سەنى".

"مەن دە سونى بىلەمىن،
سوندىقتان ەر بوپ كەلەمىن.
ۇرىس، سوعىس قىلماي-اق،
ەر اتانىپ كورەمىن.

جۇرت مۇنىمدى كورمەي مە؟
باتىر اتاق بەرمەي مە؟
قوي، بۇل قاندەن — ەر شىركىن،
پىلگە دە ۇرگەن دەمەي مە؟"

---