InfoHub Logo

سالەم، قۇرمەتتى وقىرماندار! بۇگىنگى ماقالادا پروگرامميست ماماندىعىن يگەرگىسى كەلەتىن مەكتەپ وقۋشىلارىنىڭ سۇراقتارىنا جاۋاپ بەرەمىن.

پروگرامميست ماماندىعىن ارتىقشىلىعى تۋرالى الدىڭعى جازبامدا ايتىپ ءوتىپ ەدىم. بۇگىن وسى ماماندىقتى مەڭگەرۋدى نەدەن باستاۋ كەرەكتىگى جايلى ءسوز قوزعايمىز. پروگرامميست بولۋ دەگەن ول وتە اۋقىمدى ماقسات. الدىمەن وسى ماقساتتى انىقتاپ الايىق. سونىمەن، ءسىز قانداي پروگرامميست بولا الاسىز:

1. يدەالدى پروگرامميست: Google، Facebook، Apple، Tesla دەگەن سياقتى الەمنىڭ بەتكە تۇتار، الپاۋىت كومپانيالارىندا جۇمىس جاسايتىن پروگرامميست بولۋ:

— جالاقىسى - ايىنا شامامەن 30-50 000$، تەڭگەمەن ساناساق شامامەن 12 ملن تەىگەمەن 20 ملن تەڭگە ارالىعى. 

— تالاپتار: اعىلشىن تىلىندە ەركىن سويلەسە ءبىلۋ، وقي ءبىلۋ، جۋمىس جاساي ءبىلۋ. دامىعىن ەلدەردەگى الدىڭعى قاتارلى ۋنيۆەرسيتەتىن ءتامامداۋ نەمەسە سوعان جاراسا ءبىلىمدى بولۋ. تالاپتى، زەرەك، ەڭبەكسۇيەر بولۋ. وتە جوعىرى ءتارتىپ جانە العان بەتتەن قايتپاۋ.

— جۇمسايتىن ۋاقىت: ەگەر اعىلشىن ءتىلىن جانە ماتەماتيكانى مۇلدەم بىلمەيدى دەپ ەسەپتەسەك، شامامەن 5 - 6 جىلدا وسى ناتيجەگە جەتۋگە بولادى.

2. وتە جاقسى پروگرامميست: امەريكا، كانادا نەمەسە ەۆروپا ەلدەرىندەگى مىقتى IT-كومپانيالارىندا جۇمىس جاسايتىن پروگرامميست بولۋ:

— جالاقىسى - ايىنا شامامەن 15-30 000 $، تەڭگەمەن 6 - 12 ملن.

— تالاپتار: اعىلشىن تىلىندە ەركىن سويلەسە ءبىلۋ، وقي ءبىلۋ، جۋمىس جاساي ءبىلۋ. اعىلشىن تىلىندە جوعارى وقۋ ورىنىن ءتامامداۋ نەمەسە سوعان جاراسا ءبىلىمدى بولۋ. تالاپتى، زەرەك، ەڭبەكسۇيەر بولۋ. وتە جوعىرى ءتارتىپ جانە العان بەتتەن قايتپاۋ.

— جۇمسايتىن ۋاقىت: ەگەر اعىلشىن ءتىلىن جانە ماتەماتيكانى مۇلدەم بىلمەيدى دەپ ەسەپتەسەك، شامامەن 4 - 5 جىلدا وسى ناتيجەگە جەتۋگە بولادى.

3. جاقسى پروگرامميست: قازاقستانداعى شەت ەلدىك IT-كومپانيالارىندا نەمەسە شەت ەل كومپانيالارىنا قازاقستاندا وتىرىپ قاشىقتىقتان جۇمىس جاسايتىن پروگرامميست بولۋ:

— جالاقىسى - ايىنا شامامەن 10-20 000 $، تەڭگەمەن 4 - 8 ملن.

— تالاپتار: اعىلشىن تىلىندە ەركىن سويلەسە ءبىلۋ، وقي ءبىلۋ، جۇمىس جاساي ءبىلۋ. اعىلشىن تىلىندە جوعارى وقۋ ورىنىن ءتامامداۋ نەمەسە حالىقارالىق سەرتيفيكاتتار يەگەرى بولۋ نەمەسە سوعان جاراسا ءبىلىمدى بولۋ. بىرنەشە جىل ەڭبەك ءوتىلى بولۋ. تالاپتى، زەرەك، ەڭبەكسۇيەر بولۋ. وتە جوعىرى ءتارتىپ جانە العان بەتتەن قايتپاۋ.

— جۇمسايتىن ۋاقىت: ەگەر اعىلشىن ءتىلىن جانە ماتەماتيكانى مۇلدەم بىلمەيدى دەپ ەسەپتەسەك، شامامەن 3 - 4 جىلدا وسى ناتيجەگە جەتۋگە بولادى.

4. ورتاشا پروگرامميست: قازاقستانداننىڭ IT-كومپانيالارىندا قازاق نەمەسە ورىس تىلدەرىندە جۇمىس جاسايتىن پروگرامميست بولۋ:

— جالاقىسى - ايىنا شامامەن 500 مىڭ - 1،5 ملن. تەڭگە.

— تالاپتار: اعىلشىن تىلىندە تەحنيكالىق ادەبيەتتى وقىپ تۇسىنە ءبىلۋ. نەگىزگى قاجەتتى بىلىمدەرى بولۋ. بىرنەشە جىل ەڭبەك ءوتىلى بولۋ. تالاپتى، زەرەك، ەڭبەكسۇيەر بولۋ.

— جۇمسايتىن ۋاقىت: ەگەر اعىلشىن ءتىلىن جانە ماتەماتيكانى مۇلدەم بىلمەيدى دەپ ەسەپتەسەك، شامامەن 1 - 2 جىلدا وسى ناتيجەگە جەتۋگە بولادى.

5. باستاۋشى پروگرامميست: قازاقستانداننىڭ IT-كومپانيالارىندا قازاق نەمەسە ورىس تىلدەرىندە جۇمىس جاسايتىن پروگرامميست بولۋ:

— جالاقىسى - ايىنا شامامەن 150 مىڭ - 300 مىڭ. تەڭگە.

— تالاپتار: اعىلشىن تىلىندە تەحنيكالىق ادەبيەتتى وقىپ تۇسىنە ءبىلۋ. باستاپقى بىلىمدەرى بولۋ. تالاپتى، زەرەك، ەڭبەكسۇيەر بولۋ.

— جۇمسايتىن ۋاقىت: ەگەر اعىلشىن ءتىلىن جانە ماتەماتيكانى مۇلدەم بىلمەيدى دەپ ەسەپتەسەك، شامامەن 6 اي - 1 جىلدا وسى ناتيجەگە جەتۋگە بولادى.

كورىپ وتىرعانىڭىزداي، ەگەر جۇيەلى تۇردە ءوزىڭىزدى دامىتىپ وتىرساڭىز يدەالدى پروگرامميست بولۋعا بولادى. ول ءۇشىن نەبارى كىشكەنە تالاپتىلىق پەن ءتارتىپ تانىتىپ 6 ايدان 1 جىلعا دەيىن وقىپ-ىزدەنىپ باستاۋشى پروگرامميست بوپ الساڭىز بولدى. 

ۇبت-دا قانداي ءپان تاڭداۋ ماسەلەسىنە كەلسەك - فيزيكا تاڭداڭىز. شىنىنا كەلسەك، قايدا وقۋ، ۋنيۆەرسيتەت نەمەسە كوللەدج، الدە مۇلدەم ەشقانداي وقۋ ورىنىندا وقىماۋ ول تەك ءسىزدىڭ تاڭداۋىڭىز. باستىسى باسىڭىزعا كەرەكتى ءبىلىمدى جيناساڭىز جەتكىلىكتى. ول ءبىلىمدى ۇيدە وتىرىپ تا، ينتەرنەت ارقىلى الۋعا بولادى. 

كەلەسى جازبامدا باستاۋشى پروگرامميست بولۋدى نەدەن باستاۋ كەرەكتىگى جايلى ءسوز قوزعايمىن. سۇراقتارىڭىز بولسا bahti.alem ينستاگرام اككاۋنتىما جازىلىپ ماعان جازساڭىزدار بولادى. نازارلارىڭىزعا راحمەت! ەستەرىڭىزدە بولسىن: وقۋ - ءبىلىم بۇلاعى، ءبىلىم - ءومىر شىراعى!

---