قاراعايدىڭ قارسى بۇتاعىنداي
اندا-ساندا ماسكەۋدە، ياكي تاشكەنت، نە بىشكەكتە كەزدەسە قالسام، شىڭعىس ايتماتوۆ اعامىزدىڭ الدىمەن سۇرايتىن ادامدارىنىڭ ءبىرى — سايلاۋبەك جۇمابەك.
ءيا، شىڭعىس شىعارمالارى تۋرالى سايلاۋبەكتىڭ سىن جازعانى راس. سوندا شىڭعىس سىن كورمەي ءجۇر مە ەكەن؟ ماقتاۋ ەستىمەي ءجۇر مە ەكەن؟
دەمەك، ماسەلە باسقادا. ول — سايلاۋبەكتىڭ شىعارمانى، جالپى ادەبيەتتى وزگە سىنشىلاردان گورى جەتە تانيتىندىعى. سول تانىعانىن بۇكپەسىز، رياسىز، تەك وزىنە ءتان تۋراشىلدىقپەن ايتا بىلەتىندىگى. ءبىراق «تۋراسىن ايتساڭ — تۋعانىڭا جاقپايسىڭ» دەگەن دە بار. شىن سىنشىنىڭ تاعدىرىن قۇداي سولاي جاراتقان.
ءبىراق ءويتىپ ۇركەكتەپ قالعان سايلاۋبەك جوق. قاراعاي تەكتەس. سىنسا دا شارت سىنادى. استە يىلمەيدى. ەسەسىنە ءتۇزۋ.
كوپ سىنشىلار يىلگىش، يكەمدەلگىش، ياكي كۇيدىرگى، جالا جاپقىش. ولاردان ءادىل ءسوز ەستۋ قيىن. ال وتىرىك ماقتاۋ — ءوز سورىڭ. ونى اباي باياعىدا ايتقان: «سەنبە جۇرتقا، تۇرسا دا سەنى ماقتاپ، اۋرە ەتەدى ىشىنە قۇلىق ساقتاپ...»
ءقازىر كازاك ادەبيەتىندە سىن جوق. سوندىقتان دينوزاۆرلار داۋىرىنەن قالعان جالعىز تۇقىم سياقتى سايلاۋبەكتىڭ ءزارۋ سىنى دا بۇل زاماندا تاڭ قالارلىق ەرلىكپەن تەڭ.
ءبىراق ەڭبەكتى، ەرلىكتى ەلەپ جاتقان كىم بار؟..
ءبارىبىر بۇگىن بولماسا، ەرتەڭ ەلەنەدى. تابان اقى، ماڭداي تەر تەككە كەتپەس.
ەلۋ دەگەن ەردىڭ جاسى، ەرلىك ىستەردىڭ جاسى.
قاراعاي تۋرالى بىردەڭە دەپ قالدىق.
قاسيەتتى قاراعاي تەك ءتۇزۋ عانا ەمەس، ءمارت قانا ەمەس، ول ءارى كوپ جاسايدى جانە ماڭگى جاسىل بوپ تۇرادى. سايلاۋبەككە قاراعايدىڭ سول قاسيەتتەرى دە جۇعىستى بولسىن!..
You Might Also Like
-
قالىڭ وقىرمان جاقسى جازۋشىنىڭ ءبورى استانادا، الماتىدا تۇرادى دەپ ويلايدى. ونىسى راس. استانا — رۋحاني ورتالىق. ال ەندى شىندىققا كەلسەك، كورنەكتى جازۋشىلاردىڭ كوبى ەلدەن، الىستاعى اۋىلداردان شى...
