قاراقۇس
قاراقۇس — ءىرى قىران، بۇركىتكە وتە ۇقساس، كوبىنە بۇركىتپەن شاتاستىرادى. قاراقۇستىڭ ايىرماشىلىق بەلگىسى — يىعىندا اق قاۋىرسىنى بولادى، ءبىراق ول كوبىنە بايقالا بەرمەيدى، بۇل قىرانداردى ايىرۋ ءۇشىن ەڭبەك داعدىسى كەرەك. قازاقستاننىڭ كوپ جەرىن مەكەندەيدى، ءبىراق ورمان دالاسى ءۇشىن ادەتتەگى قۇس، اعاشتاردا ۇيالايدى. قىلىقتارى مەن اۋلاۋ ادىستەرى بۇركىتتى ەسكە تۇسىرەدى، ءبىراق قاسقىر، تۇلكى سياقتى ءىرى اڭداردى جاتتىقان بۇركىت قانا الادى، قاراقۇستىڭ بۇلارعا كۇشى جەتپەيدى. ونىڭ جەمتىكتەرى — سارىشۇناق، قويان، الامان، كىرپى، كەيبىر قۇستار مەن جىلاندار. العاشقى (سيرەك ەلەكتر جەلىسى باعانالارىنا) قولايسىز، ۇلكەن ۇيانى ەكەۋى سالادى، كوپتەگەن ءارتۇرلى بۇتاقتاردى توسەيدى. 2-3 شۇبار جۇمىرتقالارىن ەكەۋى كەزەكتەسىپ، 40 كۇننەن اسا باسىپ شىعارادى. بالاپاندارىن 70 كۇن اسىرايدى. قازاقستاندا ناۋرىزدان قاراشاعا دەيىن كەزدەسەدى. بۇركىت پەن دالا قىرانىنا قاراعاندا، از كەزدەسەدى. قازاقستاننىڭ قىزىل كىتابىنا ەنگىزىلگەن.
سانى بەلگىسىز، ءبىراق 50-60-شى جىلدارداعى كۇرت تومەندەۋدەن كەيىن قايتادان قالپىنا كەلۋى وتە باياۋ جۇرسە، ال كەيبىر جەرلەردە — مۇلدەم جوق.
وقۋعا كەڭەس بەرەمىز:
كەپتەر
كوكەك
قۇستار الەمىنىڭ بيتبوكسەرى - ليراقۇيرىق(ۆيدەو)
You Might Also Like
-
قارشىعا — قارشىعا تۇقىمداسىنا جاتاتىن جىرتقىش قۇس. اركتيكا مەن انتاركتيدادان باسقا جەرلەردىڭ بارىندە كەزدەسەدى. قازاقستاندا، كوبىنەسە ورمان، قالىڭ بۇتا، اعاش وسكەن تاۋ بوكتەرىن مەكەندەيدى. دە...
-
قاراقۇلاق — ەداۋىر ءىرى مىسىق (دەنەسىنىڭ ۇزىندىعى 70-80 سم، قۇيرىعى 20-32 سم، سالماعى 8-12 كگ)، سىلەۋسىننەن شامالى كىشى. سىرتقى تۇرىنە، ياعني قۇلاعىنداعى شاشاعى، قىسقا قۇيرىعى جانە ۇزىن اياقتارى...
