InfoHub Logo

نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا وقۋشىلاردىڭ وقۋ جەتىستىكتەرى قالاي باعالاناتىنىن ءتۇسىندىردى.

«قاشىقتان وقىتۋ كەزىندەگى ماڭىزدى ماسەلەنىڭ ءبىرى — وقۋشىلاردىڭ وقۋ جەتىستىكتەرىن باعالاۋ. وزدەرىڭىز بىلەتىندەي، باعالاۋ بىلىمدەگى ولقىلىقتاردى انىقتاپ، وقۋشىلاردىڭ وقۋعا دەگەن ىنتاسىن ارتتىرادى. سونداي-اق، ءمۇعالىم مەن وقۋشى ساباقتاعى جەتىستىكتەرىن جاقسارتۋ ءۇشىن قوسىمشا ءىس-شارالار جوسپارىن بىرلەسىپ جاساي الادى. بيىلعى وقۋ جىلىنداعى كارانتين جاعدايىندا 2-11 سىنىپ وقۋشىلارىنىڭ وقۋ جەتىستىكتەرى قالىپتاستىرۋشى باعالاۋ ارقىلى انىقتالىپ، بالل قويىلادى. ال 1-سىنىپتا باعالاۋ جۇرگىزىلمەيدى. قالىپتاستىرۋشى باعالاۋ وقۋشىلاردىڭ جەتىستىكتەرىن باقىلاۋ جانە ساباقتا سارالانعان جۇمىستى ودان ءارى قۇرۋ ءۇشىن جۇرگىزىلەتىنىن تاعى دا ەسكە سالعىم كەلەدى»، — دەدى ول.

باسقارما باسشىسى ءبىرىنشى توقسان اياقتالۋعا جاقىن قالعانىن اتاپ ءوتتى.

«وسىعان بايلانىستى، وقۋشىلاردى وقىلعان ءبولىم ءۇشىن جيىنتىق باعالاۋ 5 قازاننان باستالدى، ال توقسان ءۇشىن باعالاۋ 28 قازاننان باستالادى. باعالاناتىن ءار ءپان بويىنشا — 1 ءبولىم بويىنشا جيىنتىق باعالاۋ جانە 1 توقسان بويىنشا جيىنتىق باعالاۋ جۇرگىزىلەدى. وقۋشىلاردىڭ وقۋ جەتىستىكتەرىن باعالاۋ جۇرگىزىلەتىن پاندەر مەكتەپتىڭ وقۋ جۇمىس جوسپارىنا سايكەس ايقىندالادى. سونىمەن قاتار، جيىنتىق باعالاۋ كەلەسى وقۋ پاندەرى بويىنشا وتكىزىلمەيدى: «ءوزىن-وزى تانۋ»، «كوركەم ەڭبەك»، «مۋزىكا»، «دەنە شىنىقتىرۋ»، «كاسىپكەرلىك جانە بيزنەس نەگىزدەرى»، «گرافيكا جانە جوبالاۋ»، «قوعام جانە ءدىن»، «باستاپقى اسكەري جانە تەحنولوگيالىق دايىندىق» جانە «باستاۋىش سىنىپتارعا ارنالعان ينفورماتيكا». اتاپ وتەتىن جاعداي، مەديسينالىق كورسەتكىشتەر بويىنشا ەرەكشە ءبىلىم قاجەتتىلىگى بار ۇيدە وقيتىن بالالار ءۇشىن ءمۇعالىم وقۋ جۇكتەمەسى مەن وقىعان وقۋ ماتەريالىن ەسكەرە وتىرىپ، جەكە تاپسىرما ازىرلەيدى»، — دەدى شولپان قادىروۆا.

ونىڭ ايتۋىنشا، توقساندىق قورتىندى باعا — قالىپتاستىرۋشى باعالاۋ، ءبولىم بويىنشا باعالاۋ جانە توقسان بويىنشا باعالاۋ ناتيجەلەرى نەگىزىندە، ياعني وقۋشىلاردىڭ توقسان ىشىندەگى وقۋ جەتىستىكتەرىن باعالاۋ كەزىندە ەسكەرىلىپ، بالدار قويىلادى.

جيىنتىق باعالاۋدىڭ قورىتىندىلارى وقۋشىلارعا، اتا-انالارعا قاعاز نەمەسە ەلەكتروندىق فورماتتا بەرىلەدى. قالىپتاستىرۋشى باعالاۋ كەزىندە ءمۇعالىم كۇن سايىن جۋرنالدا وقۋشىلاردىڭ وقۋ جەتىستىكتەرىنىڭ پروگرەسىن كۇندەلىك ەلەكتروندى جۋرنالىندا ورنالاستىرىلعان ەسەپكە سايكەس بالل تۇرىندە تىركەپ وتىرادى.

قالىپتاستىرۋشى باعالاۋ ءۇشىن ەڭ جوعارى بالل 10 بالدان اسپايدى. بۇل رەتتە 1-3 بالل تومەن دەڭگەي ولشەمدەرىنە سايكەس كەلەدى (10% — دان 30% — عا دەيىن). وسىنداي باعالاۋ وقۋشى بۇل جاعدايدا قاتەلىكتەر جىبەرىپ، مۇعالىممەن كەرى بايلانىس تۋرالى قورىتىندى جاسامايدى، تاپسىرمالاردى ءوز بەتىنشە ورىنداي الماعان جاعدايدا قويىلادى.

ال 4-7 بالل ارالىعى — ورتا دەڭگەي ولشەمدەرىنە سايكەس كەلەدى (40%-دان 70% — عا دەيىن). بۇل باعالاۋ وقۋشى قانداي دا ءبىر قاتەلىكتەر جىبەرۋى مۇمكىن، تاپسىرمالاردى كەيدە ءوز بەتىنشە ورىنداۋعا قيىندىقتار تۋىنداعاندا قويىلادى. 8-10 بالل — جوعارى دەڭگەي (80% — دان 100% — عا دەيىن).

بۇل جاعدايدا وقۋشى تاپسىرمالاردى ورىنداۋ كەزىندە شامالى دالسىزدىكتەر جاساۋى مۇمكىن، ءوز بەتىنشە تاپسىرمالاردى ورىنداي الادى، تۇسىندىرە الادى، جانە جاۋاپتارىن نەگىزدەي الادى.

«وسىلايشا، توقساندىق باعالاۋ — قالىپتاستىرۋشى باعالاۋدىڭ ورتاشا باللى، ءبولىم بويىنشا جانە توقسان بويىنشا جيىنتىق باعالاۋدىڭ ناتيجەلەرى نەگىزىندە تيىسىنشە 25، 25 جانە 50 پايىزدىق اراقاتىناستا قويىلادى. وسىعان بايلانىستى وقۋشىلاردىڭ اتا-انالارى تاراپىنان وقىتۋ ناتيجەلەرىن باعالاۋدىڭ وبەكتيۆتىلىگى بويىنشا بىرنەشە سۇراقتار كەلىپ تۇسكەنىن اتاپ وتكىم كەلەدى. سوندىقتان، وسى سياقتى ماسەلەلەر تۋىنداعان جاعدايدا، توقسان ءۇشىن جيىنتىق باعالاۋ قويىلعانعا دەيىن ءبىر كۇننەن كەشىكتىرمەي مودەراسيا جۇرگىزىلەتىنىن ەستەرىڭىزگە سالامىن»، — دەدى باسقارما باسشىسى.

---