قانىش ساتبايەۆ
قانىش يمانتاي ۇلى ساتبايەۆ(1899- 1964) — جەرىمىزدىڭ قويناۋىنداعى قازىنانى كوپتەپ تاۋىپ، ەل يگىلىگىنە جاراتۋعا دانەكەر بولعان ۇلى گەولوگ-بارلاۋشى، گەولوگيا-مينەرالوگيا عىلىمدارىنىڭ دوكتورى، پروفەسسور، اكادەميك. ول بۇرىنعى سەمەي گۋبەرنياسى پاۆلودار ۋەزىندەگى (قازىرگى پاۆلودار وبلىسىنىڭ باياناۋىل اۋدانى) اق كەلىن بولىسىندا دۇنيەگە كەلگەن. اۋەلى اۋىلدا باستاۋىش ءبىلىم الىپ، ودان كەيىن سەمەي قالاسىنداعى مۇعالىمدەر دايىندايتىن سەميناريادا وقيدى. سودان سوڭ تومسك تەحنولوگيا ينستيتۋتىن بىتىرەدى. ينستيتۋتتى اياقتاعاننان كەيىنگى ون بەس جىلىن جەزقازعاننىڭ ۇلىتاۋ اۋدانىنداعى كەن بايلىعىن اشۋعا جۇمسايدى. ق. ساتبايەۆ قازاقستاندا عىلىم اكادەمياسىن قۇرۋعا، وعان ماماندار دايارلاپ، تەحنيكالىق بازاسىن نىعايتۋعا ۇلكەن ەڭبەك سىڭىرگەن. 1946 جىلى اشىلعان قازاق عىلىم اكادەمياسىنىڭ تۇڭعىش پرەزيدەنتى بولىپ سايلانعان.
ول — قازاقستان گەولوگيا مەكتەبىنىڭ نەگىزىن سالۋشى، سونداي-اق 100-گە جۋىق عىلىمي ەڭبەكتەردىڭ اۆتورى. ونىڭ ەڭبەكتەرىنىڭ ىشىندە تاريح پەن ادەبيەتكە قاتىستىلارى دا بار.
قانىش جاستايىنان تىلگە شەشەن، قازاقتىڭ ەسكى تاريحىن، ولەڭ-جىرلارىن جاقسى بىلەتىن اكەسىنىڭ شاراپاتتى ونەگەسىن الىپ وسكەن.
ءوزىنىڭ جارقىن دا شابىتتى ەڭبەككە تولى عۇمىرىن سۇيىكتى ەلىنە ارناعان. انگليادا 1946 جىلى ۋينستون چەرچيللدىڭ قابىلداۋىندا بولعاندا: «قازاقتار ناق سىزدەي الىپ تۇلعالى ءارى بويشاڭ جارالعان با؟» دەگەن سۇراققا: «و، جوق، چەرچيلل مىرزا، حالقىم مەنەن الدەقايدا بيىك!» دەپ جاۋاپ بەرۋ قازاقتىڭ قانىشتاي دانالارىنا ءتان ۇلىلىق.
You Might Also Like
-
XV عاسىردىڭ 50ء-شى جىلدارى باستالعان ويراتتاردىڭ قازاق دالاسىنا شابۋىلى بىردە كۇشەيىپ، بىردە باسەڭسىپ وتىرعان. 1708 جىلى جوڭعارلاردىڭ جاڭا شابۋىلى باستالىپ، قازاقتاردى تاشكەنتكە قاراي ىعىستىردى. مۇن...
-
قازاقباي بالۋان XX عاسىردىڭ باس كەزىندە التاي ايماعىندا ءومىر سۇرگەن. ونىڭ «قاجى» اتانۋى جونىندە قىزىق اڭگىمە بار.
