InfoHub Logo

كادىرالىنىڭ ۇستازى اتاقتى كۇيشى قازانعاپ قاسىنا ەرگەن شاكىرتتەرىنە تەك كۇي ۇيرەتىپ قانا قويمايدى، ولاردى باسقا اۋىلدىڭ دومبىراشىلارىمەن تارتىسقا شىعارىپ، قانداي جاعدايلاردا قارسىلاسىن جەڭۋگە بولاتىنىن ايتىپ، ۇنەمى باۋلىپ وتىرادى. ءبىر جىلى كادىرالى قازانعاپتىڭ قاسىندا جۇرگەندە تابىن رۋىنىڭ تاسىباي، قوناقباي سياقتى بەلگىلى دومبىراشىلارىمەن تارتىسىپ ولاردى جەڭەدى. كادىرالىنىڭ ولاردى جەڭۋ سەبەپتەرى بىلاي بولىپتى: تاسىباي مەن قوناقباي اۋىلىنداعى جاسى جەتپىستەر شاماسىنداعى ءبىر باي ءتورت ايەلدىڭ ۇستىنە بەسىنشى ەتىپ، كورشى اۋىلداعى ءبىر كەدەيدىڭ جاس قىزىن مالعا ساتىپ الىپتى. قىز بايدىڭ ۇيىندە ءبىر جۇما بولعاندا، ەلدە قالعان سۇيگەن جىگىتى ارتىنان ىزدەپ كەلىپ، ءبىر تۇندە الىپ قاشىپ كەتەدى. ءتۇن ورتاسىندا باي جاس «جۇبايىن» ىزدەپ، شىرت ۇيقىدا جاتقان اۋىلدى بورلىكتىرىپ وياتادى.

قىزدىڭ قاشۋىنا كومەكتەسكەن سول اۋىلدىڭ قۋ جىگىتتەرى بايدى مازاقتاپ، قىز بەن جىگىت اۋىلدان ۇزاعانشا ونى الدارقاتىپ اۋىل ماڭىنداعى قاراباراقتىڭ اراسىنان ىزدەگەن بولىپ، «انا ارادا، مىنا ارادا» دەپ، ءتۇن ىشىندە قاراۋىتىپ كورىنگەن قاراباراقتىڭ اراسىن بايعا ارالاتىپ، ابدەن سىلەسىن قاتىرىپتى. وسى وقيعانى ەستىگەن كادىرالى تاسىباي، قوناقباي اۋىلىنىڭ بايلارىن مازاقتاپ، «قاسقا-اۋ، انا ارادا — قاسقا-
اۋ، مىنا ارادا» دەپ كۇي شىعارعاندا، تاسىباي مەن قوناقباي: «ساراڭ بايدىڭ قىرسىعى بۇكىل ەلگە، ەل نامىسىنا ءتيدى»، — دەپ، وزدەرىنىڭ جەڭىلگەندىكتەرىن مويىنداپتى. ءسويتىپ، كادىرالىنىڭ «قاسقا-اۋ، انا ارادا — قاسقا-اۋ، مىنا ارادا» دەگەن كۇيى، وسى وقيعاعا بايلانىستى شىققان ەكەن.

 

---