InfoHub Logo

ايسىز ءتۇن، قىزىل ءىڭىر. ءۇشتاس جايلاۋىنىڭ تورىندە وتىرعان قارا وسپان ءبيدىڭ سەگىز قانات ورداسىنىڭ جانىنان جالعىز ءوتىپ بارا جاتقان مۇكەي، ءۇي ىشىندە شەرتىلىپ جاتقان كۇيدى قۇلاعى شالادى دا، اتىن قالتارىسقا بەكىتىپ قويىپ، ءۇي ىرگەسىنە تاياۋ كەلىپ كۇي تىڭدايدى. ونى ساي تازانىنا ات قويىپ كەلە جاتقان ەكى جىگىت شالىپ قالادى دا، «باسپالاپ جۇرگەن ۇرى»، — دەپ ۇستاپ الىپ، قارا وسپاننىڭ الدىنا اپارادى. ءوزىنىڭ ءۇي ىرگەسىنە نە ءۇشىن كەلگەندىگىن سەندىرە الماعان مۇكەي قارا وسپاندى مويىنداتۋ ءۇشىن، ونەرىن پاش ەتىپ كۇي شەرتەدى. قارا وسپان دا كۇماننان ايىعىپ، ونىڭ كۇيشىلىك ونەرىن ءقادىر تۇتادى. قارا وسپاننىڭ ءوزى دە مۇكەيمەن كۇي شەرتىسەدى، قوناق ەتەدى. ەرتەڭىندە مۇكەي مال داۋىمەن قارا وسپانعا كەلگەن ەكى ادامنىڭ اڭگىمەسىن تىڭدايدى. ونىڭ بىرەۋى جوق-جىتىك ەدى. بۇل داۋعا قارا وسپاننىڭ دۇرىس قازىلىق ەتپەي، باردامعا جان باسىپ، كەدەيدى ايىپتى ەتكەنىن كورەدى دە، ءبيدىڭ ادىلەتسىزدىگىنە توزە الماعان مۇكەي، قارا وسپاننىڭ ۇيىندە وتىرىپ قولما-قول «تەرىس قاقپاي» كۇيىن شىعارىپ شەرتەدى. كۇيدىڭ سول كەزدەگى اتى «قاقپاي» بولىپ، كەيىن «تەرىس قاقپاي» دەپ اتالىپ كەتكەن.

---