قازاق ءسوز ونەرىنىڭ ناركەسكەنى شەر-اعا
ءاربىر ەل ءوزىنىڭ بايلىعىمەن ەرەكشەلەنىپ ماقتان تۇتسا، ءبىز قازاق ەلى ءوزىمىزدىڭ نار تۇلعالى جازۋشى، اقىن، سۋرەتشى اتالارىمىزدى ايتىپ اۋىز تولتىرىپ ماقتان تۇتا الامىز. سونداي اتامىزدىڭ ءبىرى قازاق ادەبيەتىنىڭ كورنەكتى وكىلى، كەسەك تۇلعالى، قايسار مىنەزدى ناركەسكەنى، شىندىقتىڭ شىراقشىسى اتانعان، حالقى شەر-اعا دەپ سۇيىسپەنشىلىكپەن اسپەتتەگەن ابىز شەرحان مۇرتازا.
شەرحان مۇرتازا 1932 جىلى 28 قىركۇيەكتە جامبىل وبلىسى، جۋالى اۋدانى، مىڭبۇلاق مەكەنىندە تۋعان.2018 جىلى 9 قازان كۇنى الماتى قالاسىندا ومىردەن وزعان. قر-نىڭ ەڭبەك سىڭىرگەن مادەنيەت قىزمەتكەرى ، قازاقستاننىڭ حالىق جازۋشىسى دۋلات رۋىنىڭ شىمىر تارماعىنان. شەرحان اتامىز 1955 جىلى ماسكەۋدەگى م.ۆ. لومونوسوۆ اتىنداعى مەملەكەتتىە ۋنيۆەرسيتەتىن بىتىرگەن. جاستايىنان وقۋدى ۇناتقان اتامىز ادەبيەتكە،شىعارماشىلىققا جاقىن بولىپ ءوستى. قازاق ادەبيەتىندە، قازاق جۋرناليستيكاسىندا ارتىنان قايتالانباس مۇرا قالدىرىپ، قازاق جاستارىنىڭ تالايىنىڭ باعىن اشقان. كوزى ءتىرىسى كەزىندە «لەنينشىل جاس» (قازىرگى «جاس الاش») گازەتىنىڭ، «سوسياليستىك قازاقستان» (قازىرگى «ەگەمەن قازاقستان») گازەتىنىڭ ءتىلشىسى، ادەبي قىزمەتكەرى بولدى. 1963-1970 جج. «لەنينشىل جاس» گازەتىنىڭ رەداكتورى. سودان كەيىنگى ۋاقىتتا «جازۋشى» باسپاسىنىڭ، «جالىن» الماناحىنىڭ، «جۇلدىز» جۋرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى» گازەتىنىڭ باس رەداكتورى ءارى قازاقستان جازۋشىلار وداعى باسقارماسىنىڭ حاتشىسى. 1989-1992 جج. «ەگەمەن قازاقستان» گازەتىنىڭ باس رەداكتورى، 1992-1994 جج. قازاقستان رەسپۋبليكاسى مەملەكەتتىك تەلەراديو كومپانياسىنىڭ ءتوراعاسى بولىپ ىستەدى. ق ر پارلامەنتىنىڭ ءماجىلىس دەپۋتاتى بولىپ كوپ ەڭبەك توككەن اتامىز 9 قازان كۇنى دۇنيەدەن وزىپ قازاق ەلىنىڭ قابىرعاسى قايىستىردى.وسىنداي اسىل قازىنامىزدان ايىرىلىپ قالگان ءبىز قازاق ەلى بولىپ وتباسىنىڭ قايعىلارىنا ورتاقتاسامىز. ارتىنان بىزگە قالعان مۇرالارى، قازاق ەلىنە جاساعان جاقسىلىقتارى مانگى ەل ەسىندە قالماق. ونى اسىل كوزىمىزدەي ساقتاپ، كەلەسى ۇرپاققا قالدىرۋ ءبىزدىڭ ەڭ باستى مىندەتىمىز بولماق.
ابىلاي حان اتىنداعى قازاق حالىكارالىق قاتىناستار جانە الەم تىلدەرى ۋنيۆەرسيتەتى
جۋرناليستيكا ماماندىگى 2 كۋرس ستۋدەنتى جانيبەكوۆا اينارا جانتورە قىزى
You Might Also Like
-
بەتون ءۇيدىڭ قوڭىراۋى شولپى سىلدىرىنداي سىڭعىر ەتە قالدى. قولىنا ىستىق كوفەنى الا بەرگەن سەرافيما ءدىر ەتە ءتۇستى. تاڭ اتپاستان بەيساۋات جۇرگەن “كىم بولدى ەكەن؟” دەپ ەلەڭدەپ تە ەدى، ءبىراق ...
