قازاقشا-اعىلشىنشا ونلاين سوزدىك
ءقازىر ونلاين سوزدىكتەردىڭ ىشىندە قازاقشا-اعىلشىنشا سوزدىك lugat.kz سايتى بار. سايتتى جاساۋشى، يدەيا اۆتورى ۇلىبريتانيادا وقيتىن قازاقستاندىق جىگىت ايبەك وجكەنوۆ. «لۇعات» ءسوزى ورتا عاسىرلىق تۇركى تىلىنشە «سوزدىك» دەگەندى بىلدىرەدى.
لۇعات جايلى
لۇعات – قازاق ءتىلىنىڭ سوزدىكتەر كەشەنى. لۇعات - تەگىن سوزدىك سەرۆيسىن ۇسىنۋ ماقساتىندا جۇمىس جاساپ جاتقان بەيكوممەرسيالىق باعىتتاعى قوعامدىق يگىلىك.
لۇعاتتىڭ تاريحى 2012 جىلى ءساۋىر ايىندا باستاۋ الدى. باس كەزىندەگى يدەيا تەك قازاقشا-اعىلشىنشا سوزدىكپەن عانا شەكتەلگەن بولاتىن. سول جىلدىڭ كۇزىندە لۇعاتقا قازاق ءتىلىنىڭ تۇسىندىرمە سوزدىگى قوسىلدى. ىلە شالا 2013 جىلدىڭ باسىندا ورفوگرافيالىق، ايماقتىق جانە سينونيمدەر سوزدىگى قاتارعا قوسىلدى. بۇل سوزدىكتەردىڭ بىرىنەن سوڭ ءبىرىنىڭ قوسىلۋى سۇرانىسقا ساي جۇزەگە استى. 2013 جىلدىڭ سوڭىندا قازاقشا-ورىسشا سوزدىكتى قوسىلدى. سونىمەن 2014 جىلدىڭ باسىندا لۇعاتتا كەشەن رەتىندە جالپى سوزدىك قورى 350 000 ءسوزدى قۇرايتىن 8 سوزدىك بولدى.
2014 جىلدىڭ جازىندا لۇعات جاڭا باعىت الدى، ەندىگى كەزەك كراۋدسورسينگتىك پلاتفورمادا ەدى. بۇل دەگەنىمىز لۇعاتتى «حالىقتىق سوزدىك» دەپ جاريالاۋ ەدى. كەز كەلگەن قولدانۋشى الەۋمەتتىك جەلى ارقىلى تىركەلىپ ءوزى قالاعان سوزدىككە ءسوز قوسا الادى نەمەسە سول سوزدىككە مودەراتورلىق ەتۋ قۇقىعىنا يە بولادى دەگەن ءسوز. بۇل قادام لۇعاتقا ەرەكشە سەرپىلىس اكەلۋدە. سەبەبى، بىرىنشىدەن لۇعاتقا جاڭادان، اراپشا جانە تۇرىكشە، ەكى سوزدىك قوسىلۋدا. ياعني بۇل سوزدىكتەردى حالىق ءوزى تولتىرۋدا، ءار سوزدىكتىڭ ءوز مودەراتورى بار جانە كونتەنتكە وزدەرى جاۋاپ بەرەدى. ەكىنشىدەن، لۇعاتتىڭ جالپى سوزدىك قورى 534 000 سوزگە ءبىراق جەتتى.
You Might Also Like
-
العاش ابۋلمانسۇر حاننىڭ قالماق پەن قازاق سوعىسىنداعى جەكپە-جەكتە «ابىلايلاپ» شاۋىپ، قالماقتىڭ چارىش دەگەن باتىرىن ءولتىرىپ، ابىلاي اتانىپ، حان بولعانى حالىققا ءمالىم شىعار.
-
وعىز مەملەكەتى، وعىز مەملەكەتتىك بىرلەستىگى، 9 – 11 ع-لاردا قازاقستان جەرىندە ءومىر سۇرگەن. نەگىزگى اۋماعى سىرداريانىڭ ورتا اعىسىنان ەدىلدىڭ ءتوم. بويىنا دەيىنگى ارالىقتى قامتىدى. وڭت-تە حورەزم...
