قازاقستاندىق عالىمدار جارا مەن كۇيىكتى جازاتىن بىرنەشە يننوۆاسيالىق قۇرال ويلاپ تاپتى
ق ر بعم ۇلتتىق بيوتەحنولوگيا ورتالىعىنىڭ عالىمدارى تەرەڭ جارالار مەن كۇيىكتەردى ەمدەۋگە ارنالعان بىرنەشە يننوۆاسيالىق قۇرال ازىرلەدى.
ق ر بعم ۇلتتىق بيوتەحنولوگيا ورتالىعىنىڭ عالىمدارى تەرەڭ جارالار مەن كۇيىكتەردى ەمدەۋگە ارنالعان بىرنەشە يننوۆاسيالىق قۇرال ازىرلەدى. ولاردىڭ ءبىرى — X-Graft بيولوگيالىق جابىنى. ول كلينيكالىق زەرتتەۋلەردەن ءوتىپ، كوپ ۇزاماي قازاقستان رەسپۋبليكاسىندا تىركەلەدى. زەرتتەۋ ناتيجەلەرى اتالعان بيولوگيالىق ماتەريالدى قولدانۋ جارانى ەمدەۋ پروسەسىن ەداۋىر تەزدەتەتىنىن كورسەتتى. سونىمەن قاتار ناۋقاستاردىڭ اۋرۋحانادا ەمدەلۋ كەزەڭىن قىسقارتادى.
«ورتالىق عالىمدارى ازىرلەگەن X-Graft جابىنى زاماناۋي ينجەنەرلىك تەحنولوگيالار كومەگىمەن كوللاگەن جانە ەلاستين تالشىقتارىنان جاسالعان. تاڭۋ ماتەريالى تەرەڭ جانە ۇزاق ۋاقىت ەمدەلمەيتىن جارالارعا ارنالعان، سونىمەن قاتار تروفيكالىق جارالاردى ۋاقىتشا تاڭۋ ءۇشىن قولدانىلادى. جابىن قولدانىستا ىڭعايلى، داكە تاڭعىشپەن سالىستىرعاندا جارانىڭ بەتىنە جابىسپايدى. ەمدىك قاسيەتتەرى بويىنشا اتالعان بيولوگيالىق جابىن شەتەلدىك انالوگتاردان كەم تۇسپەيدى جانە بەرىكتىگى جوعارى، يكەمدى ءارى ابسوربسياعا يە»، — دەدى ق ر بعم ۇلتتىق بيوتەحنولوگيا ورتالىعىنىڭ باس ديرەكتورى ەرلان رامانقۇلوۆ.
سونداي-اق ۇلتتىق بيوتەحنولوگيا ورتالىعىنىڭ عالىمدارى تەرەڭ جارالار مەن كۇيىكتەردى ەمدەۋگە ارنالعان «فيبروسپرەي» جاسۋشالىق پرەپاراتىن ويلاپ تاپتى. اەروزول ادامنىڭ تەرى جاسۋشالارىنىڭ (فيبروبلاستتار) سۋسپەنزياسىنان تۇرادى جانە جارانىڭ ساۋىعۋ پروسەسىن ەكى ەسە جىلدامداتادى. سونىمەن قاتار كلينيكالىق تاجىريبەدە بۇل پرەپارات تەرى ترانسپلانتاسيالارىن تەزدەتۋ ءۇشىن قولدانىلادى.
ورتالىق عالىمدارى سونىمەن قاتار باعانالى جاسۋشالاردى قولدانۋ ارقىلى كۇردەلى سىنىقتار مەن زاقىمدالعان تىزە بۋىندارىن قالپىنا كەلتىرۋ تەحنولوگياسىن جاسادى. كلينيكاعا دەيىنگى سىناقتاردىڭ ناتيجەلەرى بويىنشا بيوكومپوزيتتى جاسۋشالىق گيدروگەل جوعارى تيىمدىلىگىن كورسەتتى. گيدروگەلدىڭ قۇرامىنداعى باعانالى جاسۋشالار سۇيەك نەمەسە شەمىرشەك تىندەرىنىڭ قالپىنا كەلۋ پروسەسىن تەزدەتەدى. ارنايى تەحنولوگيانىڭ ارقاسىندا پرەپارات وپەراسيادان كەيىن ءۇش-التى اي ىشىندە زاقىمدالعان سۇيەك پەن شەمىرشەك ءتىنىن قالپىنا كەلتىرەدى.
You Might Also Like
-
ريەۆماتويدتىق ارتريت — كوبىنەسە شەتتىك (سينوۆيالىك) بۋىنداردىڭ سيممەتريالى ەروزيالىق-دەسترۋكسيالىك زاقىمدانۋىنا جانە بۋىننان تىس بۇزىلىستارعا اكەلەتىن دانەكەر ءتىننىڭ توكتاۋسىز مەندەيتىن جۇيەلى...
-
اتوم ەنەرگياسى جونىندە قوعامدا كەرەعار پىكىرلەر كوپ. ول تۋرالى اڭىزدار مەن فاكتىلەر دە قاتار جۇرەدى. كوپ جاعدايدا «جاسىل تەحنولوگيانى» قولدايتىندار بۇل ەنەرگيا جونىندە جالعان اقپاراتتار...
