قازاقستاننىڭ 4-كەڭەس جيىلىسىنا
4-قاڭتاردا قازاقستاننىڭ 4-جالپى كەڭەس جيىلىسى اشىلماق. جيىلىستا قارالاتىن ماسەلەلەر مىناۋ:
1) جالپى روسسيالىق كەڭەس رەسپۋبليكالارىنىڭ وداعىنىڭ ىشكى ءام سىرتقى جايى.
2) قازاقستان ۇكىمەتىنىڭ ىستەگەن ىستەرى تۋرالى بايانداما.
3) قازىنا-اقشا كوميسسارياتىنىڭ كىرىس-شىعىس تۋرالى بايانداماسى.
4) اۋىل شارۋاشىلىعىن وڭداۋ تۋرالى قازاقستاننىڭ جەر-سۋ كوميسسارياتىنىڭ بايانداماسى.
5) ساۋدا ءام كاسىپ تۋرالى بايانداما.
6) كەنەس قۇرىلىسى تۋرالى ىشكى ىستەردى باسقاراتىن كوميسسارياتتىڭ بايانداماسى.
7) قازاقستاندى اۋدانداۋ تۋرالى بايانداما.
8) قازاقستاننىڭ نەگىزگى زاڭى تۋرالى بايانداما.
9) قازاقستاننىڭ ورتالىق كەڭەس كوميتەتىن قايتا سايلاۋ.
قازاقستاننىڭ 4-جالپى جيىلىسىنىڭ الدىنا تۇسەيىن دەپ وتىرعان ماسەلەلەردىڭ ءبارى دە زور ماسەلەلەر. ال ولاردىڭ ىشىندە قازاقستاننىڭ جانىنا ءقازىر وزگە ماسەلەلەردەن ارتىعىراق سەزىلىپ تۇرعان ماسەلەلەر:
ءبىرىنشى — قازاقستاننىڭ اقشا، قاراجات، كىرىس-شىعىس ماسەلەسى. ەكىنشى — قازاقستاننىڭ اۋىل شارۋاشىلىعىن وڭداۋ ماسەلەسى، ءۇشىنشى — قازاقستاننىڭ ساۋدا ءام ءتورتىنشى — قازاقستاننىڭ كەڭەس قۇرىلىسى تۋراسىنداعى ماسەلە.
جوعارعى ايتىلعان ماسەلەلەردىڭ قازاقستانعا وزگە ماسەلەلەردەن گورى ماعىناسىنىڭ زورلاۋ ەكەنىن جۇرتتىڭ كوبى-اق بىلسە كەرەك. اقشا، قاراجات بولماسا، قانداي ىستەيمىن دەگەن ىستەرىن كىم بولسا دا جۇزەگە اسىرا المايدى. اقشاسىز وقۋ ىستەرىن جۇرگىزۋ، اقشاسىز اۋرۋحانا، ءدارىحانالار ىستەرىن جۇرگىزۋ، اقشاسىز ناشار ەلدە قانداي رەتپەن بولسا دا جاردەم، كومەك بەرۋ مۇمكىن ەمەس. بۇل — ءبىر؛ ەكىنشى — وسى كۇنگە قازاقستاننىڭ قازىرگى اۋىل شارۋاشىلىعى وڭالماي، ۇكىمەتتىڭ كىرىسى دە كوبەيمەيدى، ىستەرى دە وڭبايدى. ءقازىر قازاقستاننىڭ كىرىسىنەن شىعىسى كوپ. ال قازاقستاننىڭ شارۋاشىلىعىنىڭ دەنى — اۋىل شارۋاشىلىعى. ەگەردە اۋىل شارۋاشىلىعى وڭالماسا، قازاقستاننىڭ شىعىس-كىرىسى تەڭەلەدى دەۋگە مۇمكىن ەمەس.
ءۇشىنشى — قازاقستاندا ءقازىر ساۋدا، كاسىپ دەگەن ماسەلە ءبىر جانعا باعۋلى ماسەلە.
قالانىڭ قولىنان شىققان نارسەلەر اۋىلدىڭ قولىنان شىققان نارسەلەردەن بەس ەسە قىمبات. ءقازىر ءبىر قوي ساتقان كىسى ءتاۋىر ءبىر كيىم الا المايدى. ۇكىمەت تاراپىنان ساۋدا قىلىپ جۇرگەن مەكەمەلەردىڭ نارسەلەرىنەن جاي ساۋداگەردىڭ نارسەلەرى ارزانىراق. ءوزى كەدەي بولعان ەل حالقىن ساۋداگەرلەردىڭ قازىرگى جەۋىندە حيساپ جوق.
قالا قولىنان شىققان نارسەلەردىڭ وتە قىمبات بولاتىن سەبەبىنىڭ ءبىرى — سوعىس ۋاقىتتارىندا بۇلىنگەن ونەركاسىپ دۇكەندەرى كۇنى بۇگىنگە شەيىن وڭالا الماي، بۇرىنعىداي ءجۇرىپ كەتە الماي جاتىر.
سودان سوڭ قازاقستاننىڭ الەۋمەت تۇرمىسىندا ءبىر كەرەكتى ماسەلەسى — كەڭەس قۇرىلىسى. كەڭەس قۇرىلىسى بولعاندا، الدىمەن كەڭسەلەردە قازاق ءتىلىن جۇرگىزۋ ماسەلەسى.
بۇل جالپى قازاقستاندا كوڭىلدەگىدەي ىلگەرى باسا الماي تۇرعان ماسەلە. مىنە، قازاقستاننىڭ 4-كەڭەس جيىلىسىنا كەلگەن ەڭبەكشىل تاپ ۋاكىلدەرىنىڭ ەڭ جەتە قاراپ، تەكسەرەتىن ماسەلەلەرى وسى.
4-كەڭەس جيىلىسىنا كەلگەن ۋاكىلدەر وسى ايتىلعان ماسەلەلەر تۋرالى قانداي كەمشىلىكتەر بار ءام بۇل ماسەلەلەر قايتكەندە وڭالىپ كەتەدى، سونىڭ ءبارىن ويلاپ، جەتە قاراستىرىپ، جەتە تەكسەرىپ كوڭىلدەگى نۇسقالارىن ايتۋلارى كەرەك.
1924 جىل
You Might Also Like
-
1923 جىلدىڭ 7-قاراشاسىندا ۇلى وكتيابر توڭكەرىسىنە 6 جىل تولادى. سول ۇلى توڭكەرىسكە، ۇلى وزگەرىسكە 6 جىل تولعان قارساڭىنداعى جەر ءجۇزىنىن جالپى ساياسي جايى، ونىڭ بەر جاعىندا ەۋروپانىڭ ساياسي جايى تاسىع...
-
ەگىنگە قامداناتىن ۋاقىت جەتتى. مىنە، ءقازىر ناۋرىز ايى تۋدى. جاز جاقىن. ۋاقىت تىنباي ىلگەرى جۇرۋدە. ەشكىمنىڭ ەرىنشەكتىگىنە زامان توقتاپ، قاراپ تۇرمايدى.
