InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى Quacquarelli Symonds جاھاندىق رەيتينگىندە 165-ورىنعا كوتەرىلىپ، ۇلكەن سەرپىلىس جاسادى. 2020 جىلدا كەمىندە ەكى قازاقستاندىق جوو-نىڭ الەمنىڭ ۇزدىك توپ-200 ۋنيۆەرسيتەتتەرىنە كىرگىزۋ تۋرالى ەلباسى ن.ءا.نازاربايەۆ پەن ق ر ءبىلىم بەرۋ مەن عىلىمدى دامىتۋدىڭ مەملەكەتتىك باعدارلاماسىنا ەنگىزىلگەن مىندەتتى جەتەكشى قازاقستاندىق ۋنيۆەرسيتەت ءساتتى ورىندادى. قازۇۋ الەمدىك ءعىلىمي-بىلىم بەرۋ كەڭىستىگىندەگى جوعارى دەڭگەيگە ساي ەكەندىگىن راستادى. Quacquarelli Symonds ەڭ تانىمال جانە بەدەلدى حالىقارالىق رەيتينگ اگەنتتىگى الەمنىڭ جوعارى وقۋ ورىندارى بويىنشا زەرتتەۋدىڭ جاڭا ناتيجەلەرىن جاريالادى. QS اناليتيكالىق ەسەبىندە اتاپ وتىلگەندەي، بيىل قازۇۋ 42ء-شى ورىنعا كوتەرىلىپ، جاھاندىق رەيتينگتە 165ء-شى ورىنعا يە بولدى جانە "الەمدەگى ۇزدىك 200 ۋنيۆەرسيتەتتىڭ قاتارىنا ەنگەن العاشقى قازاقستاندىق جوعارى وقۋ ورنى بولدى". رەيتينگتىڭ الدىڭعى ساپىندا ماسساچۋسەتس تەحنولوگيالىق ۋنيۆەرسيتەتى، ەكىنشى جانە ءۇشىنشى ورىندا – ستەنفورد جانە گارۆارد ۋنيۆەرسيتەتتەرى تۇر. الەمدەگى ۇزدىك ون جوعارى وقۋ ورنىن امەريكاندىق جانە بريتاندىق جوعارى وقۋ ورىندارى قۇرايدى. پوستكەڭەستىك كەزەڭدە بۇل توپقا تەك ەكى ۋنيۆەرسيتەت – لومونوسوۆ اتىندعى مگۋجانە قازۇۋ كىرگەن بولاتىن. قازۇۋ رەكتورى، اكادەميك عالىم مۇتانوۆ باستاعان ۋنيۆەرسيتەت ۇجىمىنىڭ قازۇۋ جاھاندىق باسەكەگە قابىلەتتىلىگىن ارتتىرۋ جونىندەگى ۇلكەن جۇمىسى قازىرگى تاڭدا الدىڭعى ورىندا تۇر. كلاستەرلىك ءتاسىل نەگىزىندە كەشەندى قۇرىلىمدىق جاڭعىرتۋ جۇرگىزىلدى جانە ناتيجەگە باعدارلانعان باسقارۋ جۇيەسى ەنگىزىلدى، ولار ءبىلىم مەن عىلىمنىڭ تۇبەگەيلى جاڭا ساپاعا كوشۋىنە ىقپال ەتتى. جەتەكشى شەتەلدىك ۋنيۆەرسيتەتتەرمەن بىرلەسە وتىرىپ، قوس ديپلوم باعدارلامالارى مەن اعىلشىن تىلىندەگى ءبىلىم بەرۋ باعدارلامالارى جۇزەگە اسىرىلۋدا، سونىڭ ارقاسىندا قازۇۋ-دا قازاقستانداعى ەڭ كوپ شەتەلدىك ستۋدەنتتەر ءبىلىم الۋدا. ولاردىڭ سانى وتكەن جىلعىدان ءقازىر 15 ەسە ءوستى. مايكروسوفت كومپانياسى قازۇۋ-دىڭ سيفرلىق دامۋ مودەلىن ۇزدىك تاجىريبەلەردىڭ ءبىرى رەتىندە تانىدى. ۋنيۆەرسيتەتتە الەمگە ايگىلى جوعارى تەحنولوگيالىق كورپوراسيالاردىڭ ءعىلىمي-بىلىم بەرۋ ورتالىقتارى اشىلدى، "يدەيانى گەنەراسيالاۋدان باستاپ ونى كوممەرسيالاندىرۋعا دەيىن" عىلىمي-تەحنولوگيالىق ءدالىز قۇرىلدى. ونى ءتيىمدى پايدالانۋ قازۇۋ-عا بەس جىل ىشىندە عىلىمي جوبالار كولەمىن 2،5 ەسە ارتتىرۋعا مۇمكىندىك بەرەدى. قازاقستاندىق اۆتورلاردىڭ حالىقارالىق رەيتينگتىك عىلىمي جۋرنالدارداعى ءاربىر بەسىنشى جاريالانىمى قازۇۋ عالىمدارىنا تيەسىلى. وسى كەزەڭدە ۋنيۆەرسيتەتتىڭ ينفراقۇرىلىمى شامامەن 50 پايىزعا ءوستى. قازاق ۇلتتىق ۋنيۆەرسيتەتىنىڭ الەمدىك ءبىلىم بەرۋ-عىلىمي كەڭىستىكتەگى كوشباسشىلىق پوزيسيالارىن باسقا دا حالىقارالىق رەيتينگتىك اگەنتتىكتەر راستايدى. قازۇۋ الەمنىڭ ەڭ ەكولوگيالىق توپ-200 جانە تەحنولوگيالىق دامىعان توپ-50 جوعارى وقۋ ورىندارىنىڭ قاتارىنا كىرەدى. قازۇۋ 12 شەت ەلدە ءال-فارابي ورتالىقتارىن قۇردى. وسى جەتىستىكتەردىڭ بارلىعى قازۇۋ-دى تۇركى جانە يسلام الەمىنىڭ ۇزدىك ۋنيۆەرسيتەتى دەپ تانۋعا ىقپال ەتەدى.

---