InfoHub Logo

سان عاسىرلاردان بەرى اتا-بابالارىمىزدان ءتۇرلى جادىگەرلەر مەن قۇندى سالت-داستۇرلەر، ءتۇرلى تاريحي ەستەلىكتەر ميراس بولىپ، بىزگە جەتۋدە. سولاردىڭ ىشىندەگى ەڭ ەلەۋلى «التىن دىڭگەك» دەپ ۇلتتىق ويىنداردى ايتا الامىز. حالقىمىزدىڭ ەڭ ءبىر باي اسىل مۇراسى بولىپ بىزگە جەتىپ وتىرعان وسى ويىنداردىڭ بۇگىندە بىزگە 200-دەن اسا ءتۇرى عانا تانىس. ال ءالى زەرتتەلىپ، ءبىز بىلمەيتىندەرى قانشاما ەكەن؟!

قازاق حالقىنىڭ ۇلتتىق ويىندارىنىڭ قاي-قايىسىسىن الىپ قاراماساق تا ۇلكەن ءبىر ءمان-ماعىنانى ءتۇسىنۋ قيىن ەمەس. ياعني، ءبىزدىڭ اتا-بابالارىمىز انشەيىن كوڭىل كوتەرۋ ءۇشىن ەمەس، ويىن ويىناۋشىلاردىڭ ويلاۋ قابىلەتىن دامىتىپ، شيراقتىق، ەپتىلىك پەن باتىلدىق سىندى تاربيەنى دە ادام بويىنا قاتار دارىتۋدى ماقسات تۇتقان. اسىرەسە بالالار مەن جاستار تابيەسىندە ۇلتتىق ويىنداردىڭ الاتىن ورنى زور بولعان. ايتالىق، «اۋدارىسپاق»، «كوكپار»، «ارقانتارتىس»، «قىزقۋۋ» ويىندارى – جاستار بويىنداعى كۇشتى سىناپ، تاباندىلىق، شاپشاڭدىق پەن وزىنە دەگەن سەنىمدىلىكتى قالىپتاستىرۋعا ىقپال ەتسە، «اسىق اتۋ»، «تەڭگە ءىلۋ»، «حان تالاپاي» ويىندارى ادامنىڭ قىراعىلىق، مەرگەندىك، ساقتىق پەن جۇيەلى ويلاۋ داعدىسىن جاقسارتادى. سوندىقتان، بۇگىنگى تاڭدا دا ءبىز جاستارىمىزدىڭ ۇلتتىق ويىندارعا دەگەن قىزىعۋشىلىعىن ارتتىرۋىمىز قاجەت.

قورىتا ايتار بولساق، شەتەل سپورتىنان ءبىزدىڭ ۇلتتىق ويىندارىمىز ارتىق بولماسا، ەش كەم تۇسپەيدى. سوندىقتان، قازاق حالقىنىڭ ۇلتتىق ويىندارىنىڭ ارتىقشىلىقتارىن تانىتا وتىرىپ، وسكەلەڭ جاستارىمىزدى وسى ويىندارعا شاقىرا بىلگەنىمىز ءجون. سوندا عانا ۇلتتىق ويىندارىمىزدى بارشا الەمگە دە تانىتىپ، حالىقارالىق سپورت دارەجەسىنە كوتەرۋگە مۇمكىندىگىمىز بولادى. سەبەبى، ءوز ۇلتىمىزدىڭ قۇندىلىقتارىن اۋەلى ءوزىمىز قادىرلەمەسەك، وزگەلەردەن دە قۇرمەت، قىزىعۋشىلىق كۇتۋدىڭ قاجەتى جوق...

ابىلاي حان اتىنداعى قازاق حالىقارالىق قاتىناستار جانە الەم تىلدەر ۋنيۆەرسيتەتى جۋرناليستيكا ماماندىعى

2-كۋرس ستۋدەنتى قامبار بەيبىتحان

---