قوزعالىسسىز ءومىر سالتىندا تۇتىنىلاتىن ونىمدەر
كوز ءۇشىن
قازىرگى زاماننىڭ تەحنولوگياسى كوش العا كەتىپ قالعانىمەن، كومپيۋتەر الدىندا جۇمىس ىستەۋ ءسىزدىڭ كوزىڭىزگە زيانىن تيگىزەدى.
كوزىڭىزدىڭ كورۋ قابىلەتىن ساقتاپ قالۋعا قۇرامىندا ومەگا-3، ليۋتەين، سينك جانە ا، ۆ، ە دارۋمەندەرى بار ونىمدەر ءوز ىقپالىن تيگىزەدى.
ولار:
- كوك ءشوپ (سالات جاپىراقتارى، شپينات، ورامجاپىراق)؛
- جۇمىرتقا؛
- سيترۋس ونىمدەرى؛
- جيدەكتەر؛
- جاڭعاق جانە پىستەلەر؛
- بالىقتىڭ مايلى تۇرلەرى (البىرت، تۋنەس، سكۋمبريا، باقتاق)
يممۋنيتەتتى كۇشەيتۋ ءۇشىن
تۇيىق كەڭىستىكتە كوپ ادام بىرگە وتىراتىندىقتان، قازىرگى كەزدە وفيس بۇل – باكتەريا مەن ۆيرۋستاردىڭ كەڭىنەن تارالۋىنا سەپتىگىن تيگىزەتىن تاماشا ورتا. سوندىقتان دا تۇماۋراتىپ قالعان ءبىر ادامنىڭ اينالاسىنداعى بىرنەشە ادامدى جۇقتىراتىنى زاڭدىلىق. مۇنى بولدىرماۋ ءۇشىن، جالپى بەلگىلى ساقتىق شارالارىن ۇستانۋمەن قاتار، كەلەسى ونىمدەردى تۇتىنۋدى ەسىڭىزدەن شىعارماڭىز.
- سيترۋس ونىمدەرى؛
- قىزىل بۇرىش؛
- بروكوللي ورامجاپىراعى؛
- سارىمساق؛
- ءزىمبىر؛
- كيۆي؛
- پاپاييا؛
مەتابوليزمدى جەدەلدەتۋ ءۇشىن
مەتابوليزم نەعۇرلىم جاقسى جۇرگەنىمەن، كالوريالار سوعۇرلىم كوبىرەك جۇمسالادى. ۋاقىتىنىڭ كوپ بولىگى وتىرۋ قالپىندا وتەتىندىكتەن، وفيس قىزمەتكەرلەرىنە بۇل وزەكتى ماسەلە بولىپ تابىلادى. تومەندە اتالعان ونىمدەر اعزاداعى زات الماسۋ پروسەسسىن جەدەلدەتىپ، سالماقتى ءبىرقالىپتى ۇستاپ تۇرۋعا ءوز سەپتىگىن تيگىزەدى.
- تەڭىز ورامجاپىراعى؛
- كوفە؛
- ءشاي؛
- تاعام دامدەۋىشتەرى (ءزىمبىر، كايەن بۇرىشى، كاردامون)؛
- بۇرشاقتى داقىلدار؛
- مايسىز ەت (تاۋىق جانە كۇركەتاۋىق ەتتەرى).
مي ءۇشىن
دۇرىس تاماقتانۋ تەك قانا اعزانىڭ دامۋىنا ماڭىزدى بولىپ قالماي، وفيس قىزمەتكەرلەرىنىڭ باستى جۇمىس “قۇرالى” بولاتىن ميدىڭ قالىپتى جۇمىس جاساۋى ءۇشىن دە قاجەتتى. وسى ونىمدەر ميداعى سۇر زاتتىڭ جۇمىسىنا جاقسى ىقپالىن تيگىزىپ جانە جاس ەرەكشەلىكتەرىنىڭ وزگەرىستەرىن باياۋلاتادى.
- مايلى بالىق (البىرت، اقسەركە، باقتاق)؛
- قاراجيدەك؛
- جاڭعاقتار مەن پىستە؛
- جاسۇنىققا باي ونىمدەر (س ۇلى جارماسى، تۇتاس داندەرى بار نان، قوڭىر كۇرىش)؛
- انار شىرىنى؛
- قارا شوكولاد.
ىشەك ءۇشىن
امەريكالىق زەرتتەۋلەر ناتيجەسىنە سەنەتىن بولساق، ون جىل جانە ودان دا كوپ وتىرىقشى جۇمىستا ىستەگەن ادامداردىڭ توق ىشەك قاتەرلى ىسىك اۋرۋىنا شالدىعۋى ەكى ەسەگە ارتادى. اۋرۋدىڭ الدىن الۋىنا جۇيەلى تۇردە دەنە جاتتىعۋلارىمەن (سونىمەن قاتار جۇمىس ورنىندا دا) اينالىسۋ جانە تومەندەگى ونىمدەردى تۇتىنۋ سەپتىگىن تيگىزەدى.
- بروككولي ورامجاپىراعى؛
- شپينات؛
- سيترۋس ونىمدەرى؛
- جيدەكتەر؛
- جاسۇنىققا باي ونىمدەر (س ۇلى جارماسى، نان، قوڭىر كۇرىش).
ال مامانداردىڭ ايتۋىنشا قىزىل ەت پەن وڭدەلگەن ەتتى تۇتىنۋدى (سوسيسكا، شۇجىق) شەكتەۋ كەرەك، سەبەبى ولار قاتەرلى ىسىك اۋرۋىنا اكەلىپ سوقتىرۋى مۇمكىن.
You Might Also Like
-
توكيو استانالىق ورتالىق كىتاپحاناسىندا قازاقستان ادەبيەتى جانە مادەنيەتى ورتالىعى اشىلدى، دەپ حابارلايدى ق ر اقپارات جانە كوممۋنيكاسيالار مينيسترلىگىنىڭ باسپا ءسوز قىزمەتى.
-
قازىرگى كەزدە بارلىعىمىز بىلەتىندەي مەكتەپ كۋرسىنا ارنالعان الگەبرا جانە گەومەتريا وقۋلىقتارى جەتكىلىكتى. ءبىراق وسى وقۋلىقتاردىڭ سانى كوبەيگەنىمەن ساپاسىنىڭ دا جوعالىپ بارا جاتقانى جاسىرىن ەمەس.
