InfoHub Logo

ەرتەدە ءبىر كەمپىر مەن شال ءومىر ءسۇرىپتى. مال دەگەننەن ساۋاتىن ءۇش سيىرى بولىپتى. شال كۇن سايىن سيىرىن جايىپ كەلەدى دە، كەمپىرى ءسۇت ءپىسىرىپ، تاماق ىستەيدى  ەكەن.

ءبىر كۇنى سيىردىڭ ءبىرىن قاسقىر جەپ كەتەدى. كەشكىسىن ۇيىنە كەلگەن  شال كەمپىرىنەن قورقىپ:

         —  كەمپىر، ەكەۋىمىزگە ەكى  سيىر بولادى عوي  دەپ ءبىر سيىردى التىنعا ساتتىم، - دەپ وتىرىك ايتىپ كەلەدى.

شال ەرتەڭىندە قالعان ەكى سيىرىن ورىسكە اپارىپ جايىپ وتىرعاندا، داعدىلى قاسقىر كەلىپ، تاعى ءبىرىن تارتىپ جەيدى.  شال كەمپىرىنە:

         — كەشەگى سيىردى ساتىپ العان ساۋداگەر ارتىق التىن بەرەتىن بولعان سوڭ، سيىردىڭ ءبىرىن تاعى ساتىپ كەلدىم، –دەيدى.

         —ەندى  قاشان قولعا التىن تۇسكەنشە  قالعان جالعىز سيىردى ساتا كورمە، اشتان  ولەرمىز، قاراعانىمىز وسى سيىر ەمەس   پە؟ – دەيدى     كەمپىرى.

         دانىگىپ اڭدىپ جۇرگەن قاسقىر ورىسكە كەلگەن جەرىندە شالدىن جالعىز سيىرىن تارتىپ جەپ كەتەدى. بار سيىردان وسىلاي ايرىلعان شال جىلاي-جىلاي ۇيىنە قايتادى. ول كەمپىرىنە كەلىپ، التىنعا قىزىعىپ قالعان جالعىز سيىردى تاعى ساتتىم، – دەيدى.

         سوندا كەمپىرى:

         —ءۇش سيىردىڭ التىنىنا تاماك، قوي ساتىپ اكەل، – دەپ شالدى قۋىپ جىبەرەدى. شال التىن ىزدەپ يەن دالادا قاڭعىپ كەلە جاتىپ، جاپان تۇزدەگى ءبىر ۇلكەن اق ۇيگە كوزى تۇسەدى. وسى ۇيگە بارىپ التىن سۇرايىن، –دەپ كەلسە تۇندىگى جابۋلى، ەسىگى بەكىتۋلى، ىشىندە بىردەڭە كۇبىر-كۇبىر سويلەيدى. ءۇي ىشىندەگى سويلەگەندەر ادامنان قورقىپ، ەسىگىن بەكىتىپ تۇندىگىن جاۋىپ العان جالماۋىزدار ەدى. شال ەسىگىن اشام دەپ تىرمالاي تۇسەدى. ءۇي ىشىندەگى  جالماۋىزدار جانى قالماي، ءبىزدىن   جانىمىزعا ەشبىر جان جولاماۋشى ەدى دەپ ودان ءارى قورقادى. ەكى جالماۋىز كەلىسىپ، نە قىلعان جان ەكەن، ءجونىن سۇراپ، قاجەتىن بەرىپ قۇتىلايىق، دەيدى دە ءى شتەن .

         — كىمسىڭ؟ نە  كەرەك؟ – دەيدى. سوندا شال:

         —اداممىن، از عانا سيىردان  ايرىلىپ، التن سۇراپ ءجۇرمىن، – دەيدى.

         جالماۋىزدار «پالەدەن ماشايىك قاشىپتى» دەگەن، التىن بەرىپ قۇتىلايىك، – دەپ جابىقتان ءبىر دوربا التىن بەرەدى. التىن تاپقان شال قۋانىپ، كەمپىرىنە قايتادى. شال كەتكەن سوڭ، الگى ۇيگە قاسقىر كەلەدى. جالماۋىزدار قاسقىرعا،شال كەلىپ التىن سۇراعانىن، ودان قورقىپ، التىن بەرىپ قۇتىلعاندىعىن  ايتادى.

         سوندا قاسقىر كۇلىپ:

         —  ول قارت، مەن ءۇش كۇندە ءۇش سيىرىن تارتىپ جەگەن شال ەكەن، ارتىنان قۋىپ بارىپ، التىندى اكەلەمىن دەپ تۇرا ۇمتىلادى.  سوندا    جالماۋىزدار:

         —  سەن قاسقىر، اقىماقسىڭ، ايلالى ادام قايلالى ءادىسىن ىستەپ ءوزىڭدى مەرت ەتەدى. سوسىن كەلىپ ءبىزدى قۇرتادى، – دەپ جىبەرمەيدى. قاسقىر كۇش بەرمەي بارامىن دەپ ەسىككە ۇمتىلادى. سول ارادا جالماۋىزدار قاسقىردى بالتامەن ۇرىپ ولتىرەدى.

         شال ۇيىنە ەسەن جەتىپ، كەمپىرى ەكەۋى التىندى ساتىپ، تاماق تاۋىپ جەپ كۇنىن كورە بەرەدى. ءسويتىپ قورىققان بۇرىن جۇدىرىقتايدى دەگەندەي؛ ءبىرىنشى جىرتقىش ەكىنشى جىرتقىشتى قۇرتىپ،كەمپىر مەن شال بۇرىنعىسىنداي ءومىر ءسۇرىپتى.

 

---