قورقىت اتا كەسەنەسى
قورقىت دانانىڭ ءقابىرى قاي جەردە ەكەنىن تاپ باسىپ ايتۋ مۇمكىن ەمەس. ونىڭ كەسەنەسى تۋرالى كونەكوز ادامداردىڭ ءارقايسىسى ءار ءتۇرلى ايتادى. نەعۇرلىم انىعى ءھام اتاقتىسى — سىرداريانىڭ تومەنگى اعىسىنداعى قارماقشى قىستاعىنىڭ ماڭىنداعى كەسەنە. وسى كەسەنە ۇزىننان سوزىلعان سەگىز قىرلى ۇلگىدە، توبەسى كۇمبەزدەلىپ سالىنعان. بۇرىشتارى ويۋلارمەن ورنەكتەلگەن. كەسەنەگە جالاۋى بار ۇزىن سىرعاۋىل قويىلعان. وكىنىشكە قاراي، سىرداريانىڭ اعىندى سۋى بۇل كۇمبەز بەن ءقابىر باسىنداعى بەلگىنى باياعىدا شايىپ جىبەرگەن. ءقازىر سول جەرگە جاڭا كەسەنە سالىنعان.
قورقىت اتا كەسەنەسىنەن اركەز قوبىز كۇيى ەستىلىپ تۇرعان دەسەدى. ونىڭ جاڭا كەسەنەسى ءتورت قوبىز بىر-بىرىنە سۇيەنىپ تۇرعانداي ەتىپ بيىككە سالىنعان، ودان قوبىزدىڭ سىرلى اۋەزى شىعىپ جاتقانداي بولادى.
حالىق اراسىندا قورقىت قوبىز بەن كۇيدىڭ اتاسى سانالادى. ول ءوزى ويلاپ تاپقان قوبىزبەن كۇي تارتىپ، اجالدى جولاتپاعان ەكەن. قورقىتتى ەل شەجىرەسىندە ماڭگىلىك ءومىر جىرشىسى، باقسىلاردىڭ اتاسى، ۇلى سازگەر رەتىندە قاستەرلەيدى.
وقۋعا كەڭەس بەرەمىز:
You Might Also Like
-
وڭتۇستىك قازاقستانداعى شولاققورعان اۋىلىنان 30 شاقىرىم جەردە ورتاعاسىرلىق كۇمكەنت قالاسىنىڭ ورنى ساقتالعان. ول XIII-XIV عاسىرلاردا تالاستان سايرامعا قاراي سوزىلعان كەرۋەن جولى بويىنداعى ءىرى ساۋدا و...
-
ۇلى ويشىل، نۇسقالى اقىن، كورىپكەل، باقسى، اڭىز كەيىپكەرى قورقىت بابا IX عاسىردا سىر بويىندا ءومىر سۇرگەن. ول — دۇنيە ءۇنىن قوبىزدىڭ قىل ىشەگىنە سىيعىزعان، كۇي شالۋ ءداستۇرىن العاش ورنىقتىرۋشى، ك...
