قورقىت
ۇلى ويشىل، نۇسقالى اقىن، كورىپكەل، باقسى، اڭىز كەيىپكەرى قورقىت بابا IX عاسىردا سىر بويىندا ءومىر سۇرگەن. ول — دۇنيە ءۇنىن قوبىزدىڭ قىل ىشەگىنە سىيعىزعان، كۇي شالۋ ءداستۇرىن العاش ورنىقتىرۋشى، كۇيشى، سازگەر. قورقىت اتا كۇيلەرىن تىڭداعاندا دۇنيە كۇڭىرەنگەندەي، كەيدە دالا سويلەپ تۇرعانداي اسەر الاسىڭ. ونىڭ «قورقىت»، «اققۋ»، «قورقىتتىڭ سارىنى»، «جەلمايا» جانە ت.ب. كۇيلەرى حالىق جادىندا ماڭگى ساقتالعان.
كوپتەگەن باقسى، كۇيشى، جىراۋلار قورقىتتى ءپىر تۇتقان. اتى اڭىزعا اينالعان قورقىت بابا ولىمگە قارسى كۇرەسۋشى، ادامزات بالاسىنا ءومىر ىزدەگەن جان رەتىندە سۋرەتتەلەدى.
سىرداريا وزەنىنىڭ جاعاسىندا ەرەكشە قوبىز ءپىشىندى قورقىتقا ارنالعان ءزاۋلىم ەسكەرتكىش كوتەرىلدى. بۇل — اتاقتى ارحيتەكتور بەك ىبىرايەۆتىڭ تۋىندىسى. جەل تۇرعاندا وسى ەسكەرتكىشتەن ۋىلدەگەن ءۇن ەستىلىپ، كۇي توگىلەدى.
وقۋعا كەڭەس بەرەمىز:
You Might Also Like
-
قورقىت دانانىڭ ءقابىرى قاي جەردە ەكەنىن تاپ باسىپ ايتۋ مۇمكىن ەمەس. ونىڭ كەسەنەسى تۋرالى كونەكوز ادامداردىڭ ءارقايسىسى ءار ءتۇرلى ايتادى. نەعۇرلىم انىعى ءھام اتاقتىسى — سىرداريانىڭ تومەنگى اعىسىند...
-
قامار قاسىموۆ (1893-1966) — قازاق اراسىنان شىققان كاسىبي شەبەر، قازاقستاننىڭ ەڭبەك سىڭىرگەن ونەر قايراتكەرى. ول پاۆلودار وبلىسى باياناۋىل اۋدانىندا دۇنيەگە كەلگەن. قامار قاسىموۆ جاسىنان قولونە...
