زاڭسىز اقشا جيناعان مۇعالىمدەرگە قايدا شاعىمدانۋعا بولادى
ەلوردا قالاسىنىڭ ءبىلىم باسقارماسى ءبىلىم مەكەمەلەرىندە اقشا جيناۋ فاكتىلەرىن بولدىرماۋعا باعىتتالعان اكسيانى ىسكە قوستى، دەپ ەلوردا ينفو سايتى حابارلايدى.
#الىم-سالىققا جول جوق شاراسى «استانا - ادالدىق الاڭى» جوبالىق كەڭسەسىمەن بىرلەسكەن جوبا.
«ەگەر ءبىلىم بەرۋ مەكەمەلەرىندە زاڭسىز ارەكەتتەرگە تاپ بولساڭىز 55-68-83، 55-68-73 تەلەفون نومەرلەرىنە حابارلاسۋدى سۇرايمىز»، - دەدى ءبىلىم باسقارماسىنىڭ باسشىسى ءانۋار جانعوزين.
ايتا كەتەيىك، قالا مەكتەپتەرىنىڭ قاجەتتىلىگى ءۇشىن بيۋدجەتتەن 149 اتاۋ بويىنشا قارجى بولىنەدى. ونىڭ ىشىندە اكىمشىلىك پەرسونال ءۇشىن كەڭسە زاتتارى (بور، تابەلدەر، ماقتاۋ قاعازدارى جانە ت.ب.)، سانيتارلىق تازالىقتى قامتاماسىز ەتەتىن زاتتار، سانتەحنيكالىق جابدىقتار، سپورتتىق تاۋارلار (دوپ، تورلار، قاناتتار جانە ت.ب.)، قۇرىلىس ماتەريالدارى بار.
ال بالالارى بالاباقشاعا باراتىن اتا-انالار اي سايىنعى تولەمنەن بولەك، كەلەسى زاتتاردى ءوز قاراجاتتارىنا ساتىپ الۋلارى ءتيىس: كەڭسە زاتتارىن (ەرمەكساز، قاتتى قاعاز، ءتۇرلى-تۇستى قاعاز، قارانداشتار، بوياۋلار، فلوماستەر، البوم، قايشى، جەلىم جانە ت.ب)؛ جۇمىس داپتەرلەرىن (جوعارى جانە دايارلىق توپتارى ءۇشىن). بۇدان بولەك، كەزەكشىلىك جانە دەمالىس كۇندەرگى توپتار ءۇشىن، دامىتۋ جانە ءبىلىم بەرۋ ۇيىرمەلەرى ءۇشىن اقى اتا-انانىڭ قالاۋى بويىنشا تولەنەدى.
ەسكە سالايىق، 2018 جىلدىڭ 28 تامىزىندا استانا قالالىق ءبىلىم باسقارماسىنىڭ اتا-انالاردان زاڭسىز اقشا جيناۋعا تىيىم سالىناتىنى تۋرالى بۇيرىعى شىقتى. بۇيرىقتىڭ ورىندالۋىنا باقىلاۋدى ءبىلىم باسقارماسىنىڭ باسشىسى ءانۋار جانعوزين ءوزى جۇرگىزبەك.
You Might Also Like
-
اسپان اينالىپ جەرگە تۇسكەندەي. شاقىرايعان شاربولات كۇن بالقىپ بارادى. بۇيرات-بۇيرات قۇمنىڭ ءىشى قايناپ ءتۇر. قۇس ۇشپايدى، تىشقان جۇگىرمەيدى — اپتاپ! تەك شەگىرتكەلەر جاپپاي جامىراپ، بەرەكەسىز شى...
