قۋعىن-سۇرگىن قۇرباندارىن ەسكە الدى
وتكەن عاسىردا ورىن العان زۇلمات زاماندا قازاقتىڭ باس كوتەرەر زيالى قاۋىمىنىڭ كوپشىلىگى قۋعىن-سۇرگىن قۇربانىنا اينالدى. قازاق حالقىنىڭ باسىنان وتپەگەن زۇلمات كەمدە-كەم. جۋىردا ونەر اكادەمياسىندا ساياسي قۋعىن-سۇرگىن جانە اشارشىلىق قۇرباندارىن ەسكە الىپ، جازىقسىز جاپا شەككەن قوعام قايراتكەرى ت.ق.جۇرگەنوۆتىڭ ەسكەرتكىشى الدىندا گۇل شوعىن قويۋ (ميتينگ) ءراسىمى ءوتتى.
شاراعا قۋعىنعا ۇشىراعان ازاماتتاردىڭ ۇرپاقتارى، ارداگەرلەر، ەڭبەك ۇجىمدارى مەن قوعامدىق جانە ساياسي بىرلەستىكتەردىڭ وكىلدەرى قاتىسىپ، قۋعىن-سۇرگىن قۇرباندارىن ءبىر مينۋت ۇنسىزدىكپەن ەسكە الدى. ەسكەرتكىش الدىندا ءبىرقاتار زيالى قاۋىم وكىلدەرى، «تەمىربەك قارا ۇلى جۇرگەنوۆ» قوعامدىق قورىنىڭ وكىلدەرى، اكادەميا ۇستازدار قاۋىمى مەن ستۋدەنتتەرى جازىقسىز جاپا شەككەندەردىڭ رۋحىنا تاعزىم ەتتى.
ەلباسى ءوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا «تۋعان جەر» باعدارلاماسىن قولعا الۋ تۋرالى ءسوز قوزعاعان بولاتىن. وندا «ءاربىر ولكەنىڭ حالقىنا سۋىقتا پانا، ىستىقتا سايا بولعان، ەسىمدەرى ەل ەسىندە ساقتالعان ءبىرتۋار پەرزەنتتەرى بار. وسىنىڭ ءبارىن جاس ۇرپاق ءبىلىپ وسۋگە ءتيىس» دەپ، اتاپ كورسەتتى. ەلباسىنىڭ بۇل ءسوزى ءبىر عانا جىلدىڭ ەنشىسىندەگى ماسەلە ەمەس. بۇل ۇنەمى اتقارىلا بەرەتىن ىزگى بورىشىمىز. وسى شارا اياسىندا مادەنيەت پەن ادەبيەت سالاسىنىڭ وركەندەۋىنە ولشەۋسىز ۇلەس قوسقان كورنەكتى مەملەكەت جانە قوعام قايراتكەرى تەمىربەك قارا ۇلى جۇرگەنوۆتىڭ تۋعانىنا 120 جىل تولۋىنا بايلانىستى اقىندار اراسىندا رەسپۋبليكا كولەمىندە جازبا اقىندار ءمۇشايراسىن جانە پروزايكتەر اراسىندا ادەبي بايقاۋ مەملەكەتتىك ءتىلدىڭ قولدانىلۋ اياسىن كەڭەيتۋ، ءتىل مادەنيەتىن كوتەرۋ، كوركەم ادەبيەتتى ناسيحاتتاۋ، ماقساتىندا وتكىزىلدى.
تەمىربەك جۇرگەنوۆتىڭ ساياسي كوزقاراستارىن، وقۋ-اعارتۋ جانە مادەنيەت سالاسىنداعى جۇمىستارىن، ادەبي، پۋبليسيستيكالىق مۇراسىن ادەبي تۋىندى مەن ولەڭ ارقىلى ۇرپاققا ناسيحاتتاۋ بولدى. كيەلى پوەزيا جانە پروزا الەمىندە وزىندىك ءۇن، وزىندىك سىر، وزىندىك بوياۋ، اجارى بار، سەزىم مەن سىرعا تولى ولەڭدەرىمەن وقىرمان قاۋىمىن ەلەڭ ەتكىزىپ، جىرمەن تەربەپ جۇرگەن ءھام ەسىمى رەسپۋبليكاعا تانىمال دارىندى اقىن جازۋشىلارىمىز تەمىربەك جۇرگەنوۆتىڭ جازبالارىندا كەزدەسەتىن رۋحاني ۇلتتىق مۇرامىز بەن ەلدىك-ەرلىك قۇندىلىقتارىن ءبىر ءسات ۇلىقتادى. ونىڭ رەپرەسسيا قۇربانى بولعانىن ولەڭگە قوسۋ ارقىلى، قازاق حالقىنىڭ باسىنا ناۋبەت بوپ تونگەن جىلداردى ۇرپاق ساناسىنا جاڭعىرتتى.
«تەمىربەك قارا ۇلى جۇرگەنوۆ» قوعامدىق قورى، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىمەن بىرلەسە وتىرىپ ۇيىمداستىرىلعان رەسپۋبليكالىق پروزايكتەر ادەبي بايقاۋىنىڭ باس جۇلدەسىن كەمەلبايەۆا ايگۇل جولداسباي قىزى «تەمىرشە» اڭگىمەسىمەن يەلەندى.
You Might Also Like
-
زار زامان دەگەن – XIX عاسىردا ءومىر سۇرگەن شورتانباي اقىننىڭ زامان ءحالىن ايتقان ءبىر ولەڭىنىڭ اتى. شورتانبايدىڭ ولەڭى ىلگەرگى، سوڭعى ءىرى اقىنداردىڭ بارلىق كۇي، سارىنىن ءبىر اراعا تۇتاستىرعانداي ...
-
بار ەكەن دە جوق ەكەن، اش ەكەن دە توق ەكەن. ەرتە، ەرتە، ەرتەدە، ەرتەگى ەتكەن زاماندا، حالىقتى حان بيلەپتى، حالىق حاننان زار يلەپتى. حان بۇلىك بوپتى، حان ەرىكسە حالىق ويىنشىق بولىپتى... ناق وسى ايتقا...
