قۇندىز
قۇندىز — جىرتقىشتار وتريادى، سۋسار تۇقىمداسىنا جاتاتىن، تەرىسى باعالى اڭ. قازاقستاننىڭ ورماندى، تاۋلى ايماقتارىندا كادىمگى قۇندىز جانە ورتا ازيا قۇندىزى كەزدەسەدى. دەنە تۇرقى 65 - 70، قۇيرىعى 41 - 44 سم، سالماعى 5-8 كگ. قۇندىزدىڭ ارقاسى مەن قۇيرىعىنىڭ ءتۇسى جىلتىراعان قارا قوڭىر. باۋىرى اقشىل، ءتوسى سارعىش قوڭىر كەلەدى. ساۋساقتارىنىڭ اراسى ءجۇزۋ جارعاقتارىمەن كومكەرىلگەن.
قازاقستاننىڭ وڭتۇستىك-شىعىسىندا تارالعان. ىلە وزەنىنە قۇياتىن شىلىك، ۇسەك، قۇندىزدى سياقتى تاۋ وزەندەرىنىڭ ساعالارىن جانە كوكسۋ، قارا، تەنتەك وزەندەرىنىڭ جوعارعى جاعالاۋلارىن مەكەندەيدى. كوبىنە شاباقگارمەن، بالىكتارمەن قورەكتەنەدى. سونداي-اق قۇستاردى، قويان، سۋ تىشقانى مەن ۇساق كەمىرگىشتەردى ۇستاپ جەيدى. قۇندىز، كوبىنە وزەننىڭ تىك جاعاسىنان ءىن قازىپ، سوندا پانالايدى. ءىنىنىڭ اۋزى سۋ استىندا بولادى. جاتاعىن قىستا قاتپايتىن، بالىعى بار اعىن سۋ بويىنا سالادى. جىلىنا ءبىر رەت تۇلەيدى. انالىعى 2-4 قۇناي تابادى.
كوپ اۋلانۋىنا بايلانىستى سانى كۇرت ازايىپ كەتكەن. وسى كەزدە تەك كادىمگى قۇندىزدى عانا اۋلاۋعا رۇقسات ەتىلەدى. ورتا ازيا قۇندىزى وتە سيرەك كەزدەسەتىن اڭ بولعاندىقتان قازاقستاننىڭ "قىزىل كىتابىنا" ەنگىزىلگەن. بۇل اڭ كيرسانوۆ قورىقشاسىندا ارنايى قورعالىپ، وسىرىلەدى.
وقۋعا كەڭەس بەرەمىز:
جانۋارلاردىڭ رەنتگەن سۋرەتتەرى
You Might Also Like
-
قۇرباقا — قۇيرىقسىزدار وتريادىنىڭ ءبىر تۇقىمداسى. جەر شارىندا كەڭ تاراعان (تەك انتاركتيدادا كەزدەسپەيدى). 21 تۋىسى، 300-دەي ءتۇرى بەلگىلى. بۇلاردىڭ كوزىنىڭ ارت جاعىندا كۇلاق ماڭى بەزى جاقسى دامى...
-
قۋىسمۇيىزدىلەر — سۇتقورەكتىلەر كلاسى جۇپتۇياقتىلار وتريادىنىڭ كۇيىس قايىراتىندار توبىنىڭ ءبىر تۇقىمداسى. تابيعاتتا كەڭ تاراعان، اۆستراليا مەن انتاركتيدادا عانا كەزدەسپەيدى. مەكەندەيتىن جەرلەرى &...
