قۇرباقا
قۇرباقا — قۇيرىقسىزدار وتريادىنىڭ ءبىر تۇقىمداسى. جەر شارىندا كەڭ تاراعان (تەك انتاركتيدادا كەزدەسپەيدى). 21 تۋىسى، 300-دەي ءتۇرى بەلگىلى. بۇلاردىڭ كوزىنىڭ ارت جاعىندا كۇلاق ماڭى بەزى جاقسى دامىعان، ۇستىڭگى جاق سۇيەگىندە ءتىس بولمايدى. ارتقى اياعىنداعى ساۋساقتارىنىڭ ۇشى جارتىلاي جارعاقپەن بايلانىسقان. قازاقستاندا قۇرباقانىڭ 3 ءتۇرى: كادىمگى قۇرباقا، جاسىل قۇرباقا جانە داناتا قۇرباقاسى كەزدەسەدى. كادىمگى كۇرباقانىڭ تەرىسى بۇدىرلى، ءمۇيىزدى بولاتىندىقتان قۇرلىقتا تىرشىلىك ەتۋگە بەيىمدەلگەن. دەنەسىنىڭ ۇزىندىعى 20 سم، ورماندى-دالالى ايماقتاردى مەكەندەيدى. جاسىل قۇرباقانىڭ دەنەسىنىڭ ۇزىندىعى 14 سم-دەي، ورماندى-دالالى القاپتاردا، بيىك تاۋلاردا دا (4500 م-گە دەيىن) جانە ءشولدى جەرلەردە تىرشىلىك ەتەدى. قۇرباقالار دەنەسى كەپپەۋ ءۇشىن كۇندىز ورمان توسەنىشىنىڭ استىنا، تىشقاندار مەن كورتىشقاننىن ىندەرىندە، قۇلاعان اعاش پەن ولاردىڭ تامىرىنىڭ استىنا جاسىرىنىپ، قورەگىن تۇندە اۋلايدى. جاڭبىرلى كۇندەرى كۇندىز دە بەلسەندى تىرشىلىك ەتەدى. ورمەكشى، قۇمىرسقا، جۇلدىزقۇرت، شىرىشتى ۇلۋ، شۇبالشاڭمەن، ت.ب. قورەكتەنەدى.
ىندەردە، تۇرعىن ءۇي استىندا، قويمالاردا قىركۇيەكتىڭ اياعى مەن قازاننان باستاپ قىسقى ۇيقىعا كەتەدى. ناۋرىزدىڭ اياعى — مامىردىڭ باسىندا قىسقى ۇيقىدان ويانعاننان كەيىن اقپايتىن نەمەسە اعىنى باياۋ سۋ قويماسىنا ۋىلدىرىعىن شاشا باستايدى. قۇرباقالار زياندى جاندىكتەرمەن قورەكتەنىپ، اۋىل شارۋاشىلىعىنا پايدا كەلتىرەدى.
وقۋعا كەڭەس بەرەمىز:
برازيليادا 7 جاڭا "ميني-باقالار" انىقتالدى
You Might Also Like
-
قۇستار — ومىرتقالى جانۋارلار تيپ تارماعىنىڭ ءبىر كلاسى. قۇستاردىڭ ەۆوليۋسيالىق دامۋ ساتىسى 4 كەزەڭگە بولىنەدى:
-
قۇندىز — جىرتقىشتار وتريادى، سۋسار تۇقىمداسىنا جاتاتىن، تەرىسى باعالى اڭ. قازاقستاننىڭ ورماندى، تاۋلى ايماقتارىندا كادىمگى قۇندىز جانە ورتا ازيا قۇندىزى كەزدەسەدى. دەنە تۇرقى 65 - 70، قۇيرىعى ...
