InfoHub Logo

رۋحاني جاڭعىرۋ – ادام بالاسىنىڭ ىشكى جان دۇنيەسىنىڭ تازالاعى، جاقسىلىقتار  مەن يگى ىستەر جاساۋعا ۇمتىلۋى. رۋحاني  جاڭعىرۋ-تابىستى ەل بولۋىمىزدىڭ كەپىلى. ۇلتتىق بولمىسىمىزدى ساقتاپ قالۋ،بىلىمگە  باۋلۋ،  باسەكەگە  قابىلەتتىلىكتى ارتتىرۋ وسى ءبىر باعىتتا قاراستىرىلعان. ەلباسىمىز رۋحاني جاڭعىرۋ جولىندا بىرنەشە پرينسيپتەردى ۇسىنعان بولاتىن. سول پرينسيپتەردى وقىپ شىعىپ، ۇلتتىق قۇندىلىقتارىمىزدى ۇمىتپاي،جاھاندىق جاڭاشىلدىققا جەتەلەيتىن جول وسى رۋحاني جاڭعىرۋ دەگەن وي ءتۇيدىم.

رۋحاني جاڭعىرۋ - جارقىن بولاشاققا باستار جول. بارلىق الەم ءبىزدىڭ كوز الدىمىزدا وزگەرۋدە. جاڭا كەزەڭ، جاڭعىرۋدىڭ ءۇشىنشى تولقىنى باستالدى. ءار ۇلتتىڭ، ءار ەلدىڭ عاسىرلار بويى قالىپتاسىپ كەلە جاتقان سالت- ءداستۇرى، اسىل ويلارى مەن ءبىتىم-بولمىسىن ساقتاپ قالۋ بۇگىنگى كۇنى ۇلكەن ماسەلەگە اينالىپ وتىر. ەلباسىمىز نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا وسىعان قاتىستى ماڭىزدى باعدارلامالار قامتىلعان. بۇل ماقالادا سانانى جاڭعىرتۋ، ۇلتتىق بولمىستان ايىرىلىپ قالماۋ، جاستاردى  تاربيەلەپ، ولاردىڭ بويىنداعى پاتريوتتىق رۋحتى وياتۋ باستى شارت بولىپ وتىر. ەلباسى ماقالاسىنداعى «ءومىر سۇرە ءبىلۋ ءۇشىن وزگەرە ءبىلۋ كەرەك، وزگەرە بىلمەگەن حالىقتار، تاريحتىڭ شاڭ-توزاڭىندا قالادى» دەگەن سوزىنە باستى نازار اۋدارعانىمىز ءجون. بۇنىڭ بارلىعى ەلىمىزدىڭ جاڭاشا وزگەرۋىنە سەرپىن بەرەتىن لەپ. بۇل باعدارلاما تەك بۇگىنگى ءومىر جولىنا شولۋ جاساعان ماقالا ەمەس، وندا قازاقستاننىڭ بولاشاعى جارقىن بولۋى ءۇشىن ناقتى جوسپار كورسەتىلگەن. قازاقستان الەم ءۇشىن بەيبىتشىلىكتىڭ بەلگىسى بولىپ سانالادى. رۋحاني جاڭعىرۋ ءبىزدىڭ دامۋىمىزدىڭ ەڭ باستى تۇعىرلارىنىڭ ءبىرى دەسەك ارتىق ەمەس.  

جاھاندىق داۋىردە، ەڭ باستىسى، قابىلەتتى  جاڭا ۇرپاقتى قالىپتاستىرۋ وتە ماڭىزدى. سول ءۇشىن باستى قۇرال – ءبىلىم بولىپ تابىلادى. ءقازىر بىلەكتىڭ كۇشىمەن ەمەس، ءبىلىمنىڭ  كۇشىمەن ب ا ق سىناساتىن زامان. XXI عاسىر - ءىلىم مەن ءبىلىمنىڭ عاسىرى. سانالى ۇرپاقتى تاربيەلەۋ – ەلباسىمىزدىڭ باستى تالابى. تاعى ءبىر نارسە ول مىڭداعان جىلعى تاريحىمىزدى، ءسالت-داستۇرىمىزدى ۇمىتپاي، بولاشاقتا وسكەلەڭ ۇرپاقتىڭ  بويىنا ءسىڭىرۋىمىز كەرەك. بۇرىنعى اتا-بابالارىمىز باي بولعان. ولار اۋىزدان-اۋىزعا تاراعان جىر – داستاندارىن، ايتىستارى مەن  اڭىزدارىن، بىر-بىرىنە جاسالعان قايىرىمدىلىق پەن جاقسىلىقتارىن «جاقسىنىڭ اتى ولمەيدى، عالىمنىڭ  حاتى ولمەيدى» دەپ ۇرپاقتارىنا  جەتكىزىپ وتىرعان. رۋحاني جاڭعىرۋ اتا مەكەنمەن ۇلتتىڭ ءبىر بولۋىن، ۇنەمى ۇرپاقپەن تۋعان جەردىڭ بايلانىسىن، ادام مەن تابيعاتتىڭ تۇتاستىعىن نەگىزدەيدى. رۋحاني جاڭعىرۋ- ۇلتتىق بولمىستىڭ نەگىزىندە مەملەكەت ومىرىندە قالىپتاساتىن ينتەللەكتۋالدىق ءورىس. قوعامدا ينتەللەكتۋالدىق ءوي-ورىس بولۋى ءۇشىن ۇرپاق بولمىسى ءمىنسىز بولۋى قاجەت. ۇلتتىق رۋح بار جەردە رۋحاني جاڭعىرۋ كۇش الادى.

رۋحاني جاڭعىرۋدا قازاقستان ەلى ءۇشىن لاتىن الىپبيىنە كوشۋدىڭ ماڭىزى زور. 2050 جىلعا دەيىن بارلىق كىتاپتاردى لاتىن الىپبيىنە اۋىستىرۋ جوسپارلانۋدا. بۇل دا ءبىز ءۇشىن ۇلكەن جەتىستىك بولار ەدى. 30 دامىعان وزىق مەملەكەتتەر قاتارىنا ەنۋ ءۇشىن ەڭ الدىمەن ءبىزدىڭ رۋحاني تاربيەمىز مىعىم بولۋى كەرەك. ويلاپ قاراسام،مەملەكەت بۇل قاتىپ قالعان دۇنيە ەمەس، مەملەكەت ءبىزدىڭ ۇلت بولىپ ساقتالىپ قالۋىمىز. جەر بەتىندە ءوزىنىڭ تەرريتورياسى، مەملەكەتى جوق ۇلتتار قانشاما. وسىدان-اق، ءبارى اتا-بابالارىمىزدىڭ ارقاسىندا دەپ بىلەمىن. بىلەكتىڭ كۇشىمەن، نايزانىڭ ۇشىمەن قورعاپ، بىزگە امانات ەتكەن مەملەكەتىمىزدى ساقتاپ، قۋاتتى ەلگە اينالدىرساق بولعانى. ال ءتىل جوق جەردە ۇلت جوق ەكەنىن ەسكەرسەك، وسى رۋحاني جاڭعىرۋ ماقالاسىندا ايتىلعان لاتىن الىپبيىنە كوشۋ ءتىلىمىزدى زامان تالابىنا ساي فورماتتاپ، ومىرشەڭ ەتۋدىڭ بىردەن ءبىر جولى. ۋاقىت ءبىر ورىندا تۇرمايدى. زامان تالابىنا ساي كۇندە جاڭارۋدى تالاپ ەتەتىن مىنا قوعامدا جاڭارۋدىڭ ماڭىزى جوعارى. قانشا جەردەن الىپ مەملەكەت بولىپ تۇرساق تا تامىرىمىزدا بۇلكىلدەپ سوققان سالت-داستۇرىمىزبەن، ۇلتتىق  بولمىسىمىزدى جوعالتپاي جاڭعىرۋمەن بىرگە ۇشتاستىرۋ تاۋەلسىز ەلىمىزدىڭ باستى ماقساتى.

ەلىمىزدىڭ  وركەندەۋى، العا قاراي قادام باسۋى، دامىعان ەلدەردىڭ قاتارىندا بولۋى جاستارعا بايلانىستى. جاڭا زامان ماسەلەسى جاس ۇرپاققا رۋحاني پاتريوتتىق تاربيە بەرۋ. وي - ساناسى دامىعان، رۋحاني باي ادامدى بالا كەزدەن باستاپ تاربيەلەۋ كەرەك. ەل اۋزىندا «اعاش ءتۇزۋ ءوسۋ ءۇشىن وعان كوشەت كەزىندە كومەكتەسۋگە بولادى، ال ول اعاش بولعاندا ونى تۇزەتە المايسىڭ» دەپ بەكەر ايتىلماعان. ياعني،تۋعاننان بالانىڭ بويىنا ۇلتتىق نامىس، تەكتىلىك، رۋحاني پاتريوتتىق قۇندى قاسيەتتەردى  ءسىڭىرۋ باستى ءرول اتقارادى. بالا ءوز ويىن انىق جەتكىزە ءبىلۋ، تەحنولوگيانى ەركىن مەڭگەرۋ، قازاق تىلىندە ەركىن سويلەۋ، ۋاقىتتىڭ  كەز-كەلگەن سىناعىنا دايىن بولىپ، باسەكەگە قابىلەتتى بولۋى كەرەكتىگىنە ەرەكشە توقتالۋىمىز كەرەك. ءاربىر تۇلعا ءوز تاريحىن تەرەڭ ءبىلىپ قانا قويماي، زامان  تالابىنا ساي قاسيەتتەردى دە يگەرە ءبىلۋى كەرەك. XXI عاسىرعا لايىقتى تۇلعا بولىپ  قالىپتاسۋىنا بايلانىستى ءبىلىم بەرۋ جۇيەسىندە "سيفرلى قازاقستان"،"ءۇش تىلدە ءبىلىم بەرۋ" سياقتى باعدارلامالار جۇزەگە اسىپ جاتىر. ءبىز، وسكەلەڭ جاستار - تاۋەلسىز قازاقستاننىڭ بولاشاعىمىز. رۋحاني جاڭعىرۋ ماقالاسىندا قامتىلعان بارلىق جوسپاردى ورىنداۋ بۇگىنگى بۋىننىڭ نەگىزگى مىندەتىنە اينالۋى ءتيىس.

ءبىز جاڭا زامان اعىمىنا بەيىمدەلۋگە قابىلەتتىلىگىمىزدى كورسەتە وتىرىپ، تاۋەلسىز مەملەكەتىمىزدىڭ دامۋى مەن تۇبەگەيلى جاڭعىرۋىنا جول باستايمىز. ەلباسىمىزدىڭ ۇسىنىپ وتىرعان باعىت-باعدارلارىنا ەرە وتىرىپ ماقساتقا جەتۋ جولىندا ۇزدىك ناتيجەگە جەتەمىز. قازاق ەلى مىندەتتى تۇردە ماڭگىلىك ەلگە اينالاتىنىنا سەنىمىم مول. ءار ازامات ءوزىنىڭ رۋحاني  دۇنيەسىن بايىتىپ، عىلىم، ءبىلىم قۋىپ، ەڭبەكتەنگەندە ءبىزدىڭ  ەلىمىزدىڭ بولاشاعى زور بولادى دەگەن ويدامىن.

---