سابان، كومىر جانە بۇرشاق
باياعىدا ءبىر ابدەن قاۋساپ قارتايعان ولمەلى كەمپىر بولىپتى. ول سەكسەنىڭ ۇستىنە شىقسا كەرەك. ءبىر كۇنى كەمپىر باقشاعا بارىپ، ءبىر تاباق بۇرشاق جيناپ الادى دا قايناتپاقشى بولادى. «قايناتىپ، قورەك ەتەيىن»،— دەپ ويلايدى.
پەشكە وت جاعىپ، مازداپ كەتسىن دەپ، وتتىققا ءبىر ۋىس سابان تاستايدى. سونسوڭ بارىپ شوگەنگە بۇرشاق سالا بەرگەن ەدى.
وقيعا وسى ارادان باستالدى.
بۇرشاقتى شوگەنگە سالىپ جاتقاندا، ءبىر بۇرشاق ەدەنگە ۇشىپ تۇسەدى.
ۇشىپ ءتۇسىپ، ساباننىڭ جانىنا جانتايا كەتەدى.
سول ارادا ءبىر كومىر ۇشىپ كەپ تۇسەدى.
سابان:
قۇرمەتتى دوستار، قايدان كەلدىڭدەر؟— دەيدى.
Mەن پەشتىڭ شىقتىم،— دەيدى كومىر ويتپەگەندە مەن قۇريتىن ەدىم، جانىپ-جانىپ، شاشىلىپ قالاتىن ەدىم.
ال بۇرشاق:
مۇندا تۇسكەنىم — مەنىڭ دە باقىتىم بولدى. ويتپەگەندە باسقا تۋىسقاندارىم سياقتى، مەن دە قايناپ-قايناپ بوتقاعا اينالاتىن ەدىم، دەيدى.
سوندا سابان تۇرىپ:
پەشكە تۇسپەي، مۇندا جاتقانىما مەن دە ءمازبىن،— دەيدى.
ەندى نە ىستەيمىز؟—دەپ سۇرايدى كومىر. مەنىڭشە،— دەيدى بۇرشاق،— بىلاي ەتسەك دەيمىن. جۇرىڭدەر، ساياحات جاسايىق.
سويتەيىك، سويتەيىك!—دەيدى كومىر مەن سابان.
ءسويتىپ، بۇرشاق، سابان جانە كومىر — ۇشەۋى ساپار شەگەدى.
كوپ جەر ءجۇرىپ، ءبىر كىشكەنتاي بۇلاقتىڭ جاعاسىنا كەلەدى.
بۇلاق كىپ-كىشكەنتاي تاسپاداي ەكەن، ءبىر كوپىر جوق بولعان سوڭ، ءوتۋ قيىنعا سوعادى. نە ىستەۋ كەرەك؟
سابان ويلاپ-ويلاپ بىلاي دەيدى:
— ءبىز بىلاي ەتەيىك: مەن بۇلاقتىڭ ءۇستىن كەسە-كولدەنەڭ جاتايىن، سەندەر كوپىردەن وتكەندەي مەنىڭ ۇستىمنەن ءجۇرىپ، ءوتىپ كەتىڭدەر.
ۇشەۋى سولاي ەتەدى. سابان بۇلاقتىڭ ۇستىنە كولدەنەڭ جاتىپ، ونىڭ ۇستىنەن ەڭ الدىمەن كومىر جۇگىرە جونەلەدى. كادىمگى كوپىردىڭ ۇستىنەن وتكەندەي كەتىپ بارادى. ورتا جولعا جەتكەندە، قۇلاعىن ءتۇرىپ ەدى، تومەندە سۋ سىلدىر-سىلدىر ەتەدى. شوشىپ كەتىپ، توقتاي قالادى.
سۋدان قورقام، سۋدان قورقام!—دەپ ايقايلادى.
ايعايلاپ تۇرعاندا، استىنداعى سابان كومىردەن تۇتانىپ، ەكىگە ءبولىنىپ، بۇلاققا ءتۇسىپ كەتەدى. كومىر دە ونىڭ سوڭىنان سۋعا كۇمپ بەرەدى. «باتىپ بارام، قۇتقارىڭدار!»—دەپ، ءبىراز شىڭعىرادى دا، سۋدىڭ تۇبىنە باتىپ كەتەدى.
ال بۇرشاق ساق ەكەن، جاعادا تۇرىپ قالادى.
جاعادا تۇرىپ، كومىر مەن ساباندى مازاقتاپ ال كەلىپ كۇلسىن ول.
كۇلە، كۇلە، كۇلكىدەن جارىلىپ تا كەتەدى.
ءحالى مۇشكىل بولاتىن ەدى، باقىتىنا وراي بۇلاق جاعاسىندا ءبىر قاڭعىباس تىگىنشى وتىرسا كەرەك.
تىگىنشى ينەگە ءجىپتى ساباقتاپ جىبەرىپ، جالما-جان ەكىگە بولىنگەن بۇرشاقتى بىرىكتىرىپ كوكتەپ قويادى.
تىگىنشىنىڭ اق ءجىبى بولماعان سوڭ، قارا جىپپەن كوكتەگەن بولاتىن. سودان بەرى بۇرشاق بىتكەننىڭ ورتان بەلىندە قارا تىگىس قالىپ قويسا كەرەك.
You Might Also Like
-
باياعىدا ءبىر ديىرمەنشى بولىپتى. الگى ديىرمەنشىنىڭ ءارى اقىلدى، ءارى مىقتى ءبىر جاقسى ەسەگى بولسا كەرەك. جانۋار ديىرمەندە كوپ جىل قارا جۇمىس ىستەپ، قاپ-قاپ ۇندى تاسي-تاسي، اقىرىندا ابدەن قارتايىپتى.
