ءسابيتتىڭ دۇرىسى
1954 جىلى ۋكراينانىڭ روسسياعا قايتا قوسىلۋىنىڭ ءۇش ءجۇز جىلدىعى تويلاندى. سول تويعا قازاقستاننان بارعانداردىڭ ءبىرى — ءسابيت مۇقانوۆ.
قايدا جۇرسە دە قالامى قولىنان تۇسپەيتىن جازۋشى كەلە سالىپ، سەگىز-توعىز باسپا تاباقتاي كول-كوسىر وچەرك جازدى. سول وچەركتى مەن «ادەبيەت جانە يسكۋسستۆو» جۋرنالىنىڭ كەزەكتى سانىنا دايىندادىم. ەڭ الدىمەن، كولەمىن تورت باسپا تاباققا ءتۇسىردىم. ونىڭ ۇستىنە، اسىعىستاۋ جازىلعاندىقتان، دولاڭداۋ شىققان دۇنيەنى جاقسىلاپ تۇرىپ رەداكسيالادىم. ءسابيت جۋرنالعا كەتەر جاڭا نۇسقانى وقىپ شىعىپ، رازى ەكەنىن تانىتتى.
— بالا، رەداكسيالاعانىڭ دۇرىس بولعان.
وچەرك تەرىلۋگە كەتتى. مەن بولسام، ۇلكەن اعاعا از دا بولسا قىزمەت ەتكەنىمدى، ول قىزمەتىمدى ۇلكەن اعانىڭ قابىلداپ رازى بولعانىن ماقتان ەتىپ ءجۇردىم. ءبىراق بۇل قۋانىشىم ۇزاققا بارمادى. جۋرنال جۇرتقا تاراردىڭ الدىندا قايشىعا كەلىپ ءتۇسسىن: ۋكراينانىڭ روسسياعا قايتا قوسىلۋى. ال ءسابيت بولسا، قايتاسىز قوسىلۋى دەپ باسا بەرگەن. ءسابيت جىبەرگەن قاتەنى مەن دە بايقاماپپىن. ۋكراينانىڭ روسسياعا قوسىلۋى — دەپ تارتا بەرىپپىن. سول قاتە جوندەلىپ، وچەرك قايتا تەرىلۋگە ءتيىستى. موينىما اجەپتاۋىر اقشا مىنەتىن ءتۇرى بار. ەندى قايتتىم؟ قينالا-قينالا سابەڭە تەلەفون شىلدىراتتىم. ويىم — وزىنەن كەتكەن قاتە بولعاندىقتان، شىعىنىن دا ءوزى كوتەرەتىن شىعار عوي باياعى. وسىلاي دا وسىلاي. مەنى تىڭداپ العاننان كەيىن، ءسابيت جاۋابى تىم قىسقا بولدى:
— دۇرىس...
مۇقانوۆتىڭ وسى «دۇرىسى» ماعان مىڭ سومعا ءتۇستى.
You Might Also Like
-
جاننا ەكىنشى كلاستا وقىپ ءجۇر ەدى. ءبىر كۇنى ول كىتابىنان «وقىعاننىڭ كوزى اشىق. وقىماعان ادام سوقىر بولادى» دەگەن ماقالدى وقىپ كوردى دە:
-
ماساڭباي ەكەۋمىز ءبىر كەزدە ءبىر ارتەلدە جۇمىس ىستەگەن ەدىك. ول ءوزى وتان سوعىسىنىڭ مۇگەدەگى بولاتىن. بۇل ارتەلدە مۇگەدەكتەردىڭ بەتىن ەشكىم قاقپايتىن ەدى. ءالى ەسىمدە، مەيرام بىتكەن ولارعا ايىرىقشا ق...
