ساعادييەۆ پاريجدە قازاقستاندا اعىلشىن ءتىلىن پاندىك دەڭگەيدە ەنگىزىلۋى تۋرالى ايتتى
ق ر ءبىلىم جانە عىلىم ءمينيسترى ەرلان ساعادييەۆ پاريجدە يۋنەسكو-نىڭ باس كونفەرەنسياسىنىڭ 39-شى سەسسياسىندا ءسوز سويلەدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.
باسپا ءسوز مالىمەتتەرىنە قاراعاندا، الەمنىڭ 100-دەن استام ەلدەرىنەن جينالعان ءبىلىم مينيسترلەرى سالانىڭ جاھاندانۋى ماسەلەلەرىن يۋنەسكو اياسىنداعى ورنىقتى دامۋ ماقساتتارىنىڭ ءبىرى رەتىندە قاراستىردى. يۋنەسكو سەسسياسىنىڭ نەگىزگى ويى - ءبىلىم مازمۇنىن جاڭعىرتۋ، سالانىڭ جاھاندانۋى مەن ۇدەمەلى ينتەرناسيوناليزاسياسى عالامدىق كوزقاراستاعى جانە وسىنداي جاۋاپكەرشىلىگى بار قازىرگى زامانعا ساي جاڭا بۋىن قالىپتاستىرۋداعى نەگىزگى ترەندتەر بولىپ وتىر.
ءوز سوزىندە ءبىلىم جانە عىلىم ءمينيسترى قازاقستاننىڭ ءبىلىم سالاسىنداعى ورنىقتى دامۋ ماقساتتارى مەن ينتەگراسيالىق ۇدەرىستەردى قولدايتىنىن ايتتى. ول استانادا وتكەن «Eحرو-2017» حالىقارالىق كورمەسىنىڭ جەتىستىكتەرىن ايتا كەلە، ونىڭ نەگىزىندە بۇۇ-نىڭ بەس اگەنتتىكتەرىنىڭ قولداۋىمەن قىزمەتىن ۇنەمى جالعاستىراتىن حالىقارالىق «جاسىل» تەحنولوگيالار جانە «بولاشاقتىڭ ەنەرگياسى» ورتالىعىن قۇرىپ جاتقانى جونىندە مالىمدەدى.
ە.ساعادييەۆ كورمەدەن كەيىنگى كەزەڭدە يسلام ىنتىماقتاستىق ۇيىمىنا مۇشە ەلدەردىڭ عىلىمي زەرتتەۋلەرى مەن ءبىلىم سالاسىنداعى جوبالاردى بىرلەسىپ جۇرگىزۋ جونىندەگى شەشىمىن استانادا ۇيىمداستىرىلعان العاشقى عىلىم جانە تەحنولوگيالار جونىندەگى ءسامميتتىڭ ناتيجەسى رەتىندە اتاپ ءوتتى.
ءبىلىم سالاسىنىڭ دامۋ بارىسى تۋرالى بايانداعان مينيستر مەكتەپتەردىڭ جوعارى سىنىپتارى مەن كوللەدجدەردە اعىلشىن ءتىلىنىڭ پاندىك دەڭگەيدە ەنگىزۋ جوسپارلارى تۋرالى ايتتى. سونىمەن قاتار ول ەلىمىزدەگى جوعارى وقۋ ورىندارىنىڭ اكادەميالىق جانە باسقارۋ ەرىكتىگى ەداۋىر كەڭەيەتىندىگى تۋرالى مالىمدەدى - بۇل ءبىلىم باعدارلامالارىن قۇرىپ، باسقارۋدىڭ ءتيىمدى تاسىلدەرىن ەندىرۋگە مۇمكىندىك بەرىپ، قازاقستاننىڭ ورتالىق ازيا ايماعىنداعى ءبىلىم ورتالىعىنا اينالۋىنا سەپتىگىن تيگىزەدى.
ءبىلىم ءمينيسترى ەلدەگى جوو-نا شەتەلدىك ستۋدەنتتەردى تارتۋ جانە ۇلتتىق كاسىبي ستاندارتتار جانە بىلىكتىلىك قۇرىلىمىن حالىقارالىق دەڭگەيمەن سايكەستەندىرۋ قاجەتتىگى ماسەلەلەرىن قوزعاپ، قازاقستاننىڭ يۋنەسكو اياسىندا جاسالىپ جاتقان بارلىق باستامالارعا قاتىسۋعا دايىن ەكەندىگىن جەتكىزدى.
You Might Also Like
-
«كەۋدەسى جاقسىلاردىڭ التىن ساندىق» دەيدى. بۇل ءسوز بابالاردان قالىپتى. سول راس! جاقىندا رەداكسياعا باياناۋىل اۋدانى س.تورايعىروۆ اتىنداعى اۋىلدان ارداگەر ۇستاز شولپان ءابىلعازى قىزى جا...
-
ق ر ءبىلىم جانە عىلىم مينيسترلىگىنە جۇرگىزىلگەن مەملەكەتتىك اۋديت بارىسىندا جالپى سوماسى 26،7 ملرد تەڭگە بولاتىن پروسەدۋرالىق بۇزۋشىلىقتاردىڭ 147 فاكتىسى اشكەرەلەندى.
