InfoHub Logo

سوڭعى جىلدارى كىشكەنتاي بالالاردىڭ تەلەفون، كومپيۋتەر ويىندارىنا  تاۋەلدى ەكەندىگى بارىمىزگە ءمالىم. تاۋەلدىلىكتى بىلاي العاندا، بالا شىن ءومىردى قابىلداي المايتىن جاعدايعا دا جەتىپ جاتىر. ويىندا وينايتىن ارەكەتتەرىن ءوز ومىرىندە جاساپ، ول ارەكەتىنىڭ دۇرىس، نە بۇرىس ەكەندىگىن بىلمەيدى. پسيحولوگتاردىڭ ايتۋى بويىنشا،اتا-انانىڭ بالاعا جاس كەزدەن دۇرىس كوڭىل بولمەۋى وسىنداي ارەكەتكە الىپ كەلەدى،- دەپ وتىر. بالا پسيحولوگياسى وتە ءالسىز، ول كورگەن دۇنيەسىنە قىزىعىپ، ونى قايتالايدى. پسيحولوگ اديا ارالباي بالانىڭ شىدامسىز، قىرسىق، اشۋشاڭ بولىپ قالىپتاسۋىنا، پسيحيكانى بۇزاتىن ويىندار اسەر ەتەدى،-دەيدى. وسى ورايدا جۇڭگو مەملەكەتىنەن ۇلگى الۋ كەرەك سەكىلدى. سەبەبى، مەملەكەتتە بالا پسيحيكاسىن بۇزاتىن ويىندارعا تىيىم سالىنعان. تەك جۇڭگو عانا ەمەس، گەرمانيا، جاپونيا دا بۇنداي ويىندارعا تىيىم سالىنعان بولاتىن.

“ بالام گادجەتتەگى ويىنداردى دۇرىس ويناي الماي قالسا، قاتتى اشۋلانىپ، تەلەفوندى لاقتىرىپ جىبەرەتىن كەزدەر دە بولدى.” ءيا، بۇنداي سوزدەردى ءقازىر كەز كەلگەن انالاردان ءجيى ەستيتىن بولدىق. سوڭعى كەزدەرى ويىن ىشىندەگى جامان ارەكەتتەردى بالالاردىڭ شىنايى ومىردە جاساپ، ارتىنشا وزدەرىنە قول سالاتىن وقيعالار كوبەيىپ كەتتى. بالا ميىن دۇرىس دۇنيەلەرمەن، جاقسى ارەكەتتەرمەن قالىپتاستىرۋ قاجەت. الايدا، ءبىزدىڭ ەلىمىزدە تىيىم سالىنعان ويىندار دا ستەريليزاسيادان وتكەن كومپيۋتەر ويىندارى جوق. ەرەسەك ادام بۇل ويىن ەكەنىن تۇسىنەدى، ءبىراق بالالار وزدەرىنىڭ نازىك دۇنيەتانىمىمەن ويىن سيۋجەتتەرىن ناقتى ومىرگە اۋىستىرا الادى، ولاردىڭ ارەكەتتەرىنىڭ سالدارى تۋرالى ويلانباي.

اتا انا بالاعا جان-جاقتى قولداۋ كورسەتۋ، قىزىقتى  تاقىرىپتا ءجيى سويلەسۋ، جىگەرلەندىرۋ، جەتىستىكتەر مەن پروبلەمالاردى تالقىلاۋى قاجەت. وسى ارقىلى، بالانىڭ جاقسى قالىپتاسۋىنا سەپتىگىمىزدى تيگىزەمىز. 

ارۋجان ماقسۇت

---